Page ini 2/6 lac harei 15/4 tui saka ia bulan di Ban raya HCM, Trung ương Giáo hội Phật giáo Việt Nam, Ban Trị sự Giáo hội Phật giáo Việt Nam Ban raya HCM peih ngak Đại lễ Phật đản Phật lịch 2567, thun  2023. Brei panuac di var peih bruk, muk Trần Kim Yến, Akok Ủy ban Mặt trận negar Việt Nam Ban raya HCM jia lac, Giáo hội Phật giáo Việt Nam Ban raya meda patui veik bruk jum pataom, pambuak gauk, khang kajap, peih ngak pambak praong Giaó hội, pambuak kajap dom urang, dom gah, dom rairah;  jak gauk padang ngak danak dak lagaih haong raidiuk, daong agama, siam ka raidiuk, rik tame daong Đảng bộ, karja saong bhap bini ban raya padang ngak  dom haniem phol pamong tal bruk “ Ban raya HCM diuk rai siam, ilamu, hadah krah, anit ranam”.

Hu jeng bhian randap, bilan 4 saka ia bilan yaok thun, rija pakat negar Vía Bà Chúa Xứ núi Sam di ban Châu Đốc, tỉnh Anh Giang jeng labik tal chreih chrai di tuai damuai atah jaik. Ini lac rija meng kan hu khik ramik, peih ngak tapa rilo rai, brei mboh ilamo siam gheih saong bruk ngak tui di rairah urang Kinh dalam bruk ba drei tame ilamo haong mikva bangsa Khmer, Cam, Hoa. Bruk bahrau di thun ini lac hadei di tuk peih pakak, kanja palei hu peih 3 melam daoh tamia pamere rahra saong tuai damuai, ngan haong bruk hu mbaok parang me-in di yaok ratuh nghệ sĩ mai meng ban raya Hồ Chí Minh.

Harei pataom baoh kayau Nam Bộ mbang ka 16 thun 2023 ngan hoang kadha “Suối Tiên Farm Festival” daok peih tabiak di Labik dulich ilamu Suối Tiên, Ban raya HCM. Bruk praong di harei pataom thun ini lac bruk Labik dulich ilamu Suối Tiên tabiak mbaok bộ sưu tập baoh kayau yamen bingi pakat glong, takik hu mai meng dom taneh ia di dunya yau baoh dalim bhong meriah Ấn Độ, baoh hara Mỹ, cherry Brazil, nho hồng, nho mẫu đơn di Nhật Bản, nho Kẹo jhuk Pháp, vú sữa hoàng kim , baoh uac Ruby di Đài Loan...hu pala di bein Suối Tiên Farm. Le hoi lac piah yaih khan saong paglong angan je baoh kayau Việt, pachreih dom po bein pala saong ba tame pandar dom ilamu KHKT tame pala darak jeng yau pabak pajaih birau siam, brei rilo boah karaoh.  

Urak ini, mblang taneh pala panat Thái biak aval di tỉnh Tiền Giang tagok glaong, min yaom panat daok trun bier, janih 1 yaom mala 11.000 đồng/kg; janih 2 yaom meng 7.000 đồng tal 8.000 đồng/kg, janih 3 meng 3.000 đồng tal 5.000 đồng/kg. Yaom panat trun, darak pasa pablei suai, ba tal bruk urang blei biak khang tangin pilih ruah, kateik yaom po bein. Makna ba tal bruk ini lac kayua urak ini di bilan paik baoh biak rilo nan ye sản lượng tagok, dalam tuk nan darak pasa pablei tapa Trung Quốc suai nan ye ba tal bruk labaih pandap, trun yaom.

Dom urang raong ikan di palei ikan Tân Mai, Ban  Biên Hòa, tỉnh Đồng Nai daok njauk khat lahik  trak kayua ikan metai ralo. Tui dom urang raong ikan khan lac ikan metai di labik ini yaok rituh tấn, baoh sang raong takik jeng lahik dua klau tấn, baoh sang rilo jeng labaih pluh tấn. Yau nan min, kayua meng halei ikan metai ralo oh thau cambaic laic. Urak ini, dom urang jakar  di Chi cục Thủy sản Đồng Nai hu mai palei ikan Tân Mai dut iek ikan raong dalam bè  saong  lac kayua mikva raong kacil ralo ikan, kurang oxy yau nan ye ikan metai. Yau nan min, dom bruk bo dom urang raong ikan mboh lac ia nerak karei  yaok harei, mbau drei axit, mbau jabon ye oh ka ngak brei cambaic laic.

Mỹ hu panuac ieu Hội đồng bảo an Liên hợp quốc peih sa mbang nyaom piah ginum biai ka bruk Triều Tiên cuh vệ tinh dalam adit. Harei but  meng blaoh Triều Tiên cuh oh jak jeng vệ tinh pasang iek camriep di drei tame quỹ đạo. Meng tên lửa đẩy tal vệ tinh jeng laik trun tasik. Mỹ hu panuac lên án bruk cuh vệ tinh di Triều Tiên saong brei thau lac bruk negar ini pandar công nghệ tên lửa đạn đạo lac ngak suan biak rilo sarak di Hội đồng bảo an gam tui di nan jeng ngak ka bruk an ninh dalam bhum saong di dunya jeng sarau kadau tagok.

Pasak dut iek langik tasik pakat negar Trung Quốc brei thau, urak ini dut mboh nhiet độ di 446 balai khi tuong di dunya dalam bilan 5 mboh pandiak glong abih kuhria meng dahlau mai tal ini. Di Thượng Hải, nhiệt độ glong abih kuhria meng 100 thun dahlau. Jaik abih dom tỉnh gah Meraong di Trung Quốc, pandiak dui atah  glong jang 35 độ C, hu labik labaih 40 độ C. Pandiak  yau nan ye bruk pandar điện piah ngak bruk pala drak saong pandar dalam sang yaok harei tagok glong. Điện padar tagok tal labiah 200 trieu ki-lô-oát, glong jaik tal tabung abih kuhria meng lavik mai.

Liên Hợp quốc bahrau ba tabiak panuac brei thau lac mbuan hu sarau kadau bahrau ka pandap mbang dalam tuk Nga daok patakik dom sruh gilai pajeng kaya nong di Ucraina di pabah lamnge tasik Biển Đen. Urak ini dom sruh gilai hu peih nduac tabiak truh tasik Biển Đen dalam bilan 5 lac 33 sruh, samu sa mateh dut saong bilan 4. Sản lượng ngũ cốc saong dom janih pandap mbang karei pablei tabiak negar langiu bahrau hu 1 trieu 300 ribau tan, ka oh samu sa mateh dut saong bilan dahlau. Tui adat ngak patakik ini di Nga lac piah cagar veik Ucraina oh pachreih tui sa binah di bruk sanya lac peih jalan ka pablei tabiak negar langiu khak drak di Nga.