Page ini 19/5, di Jalan tapuk Ban raya HCM, Nhà xuất bản Chính trị quốc gia Sự thật pambuak hoang  Sở Khaw tin Truyền thông TP peih ndom biai, yaih khan baoh tapuk  “ Meng palei Caraih tal Tapen Nhà Rồng” di GS.TS, Nhà văn Trình Quang Phú, di tuk pahadar 133 thun harei menek Chủ tịch Hồ Chí Minh (19/5/1890 - 19/5/2023). Baoh tapuk “ Meng palei Caraih tal Tapen Nhà Rồng” hu parabha jeng dua binah. Binah ka 1 angan lac “ Meng palei Caraih tal Tapen Nhà Rồng”, binah ka dua  lac “Bhum meraong negar dalam baoh hatai Wa Ho”.

Maong 10 dah page harei ini (19/5), dua Danak dak labik jalan Vĩnh Hảo - Phan Thiết saong Nha Trang - Cam Lâm di Danak dak padang ngak dom  jalan cao tốc Barak – Mraong gah Timun hu ba tame peih, nduac. Piah ka danak dak ini hu ba tame peih nduac njauk tukvak ba tabiak saong lac di harei 19/5, tukvak tapa, yaok rabau urang jakar, urang ngak di danak dak saong gah padang ngak,  parabha gauk ngak bruk lua harei melam, ngak gam harei padeih, harei lễ. Ini lac jak jeng piah uan salam pahadar 133 thun harei Manek Chủ tịch Hồ Chí Minh. Jalan cao tốc tok brei ka radaih ô tô daok urang nao takei, radaih mac, radaih mô tô saong mac katung… oh brei nao tame jalan cao tốc.

Pambuak tal bruk cakak trun urang ngak  jaik  6.000 urang di  Công ty TNHH PouYuen, quận Bình Tân, TP.HCM, Sở LĐTB  saong  Xa hoi Ban raya brei thau hu caga blaoh khaw tin palih ruah 4.960 urang ngak bruk  piah yaih khan haong urang ngak. Urak ini, Pasak Dich vu bruk ngak di Ban raya pambuak haong Công đoàn Công ty, bộ phận nhân sự Công ty PouYuen caga ka bruk pasang iek hatai caong khin ngak bruk, bac bruk ngak di harei 20/5. Pasak caga palih ruah jaik 5.000 bruk ngak, dom harak tài liệu tacei pato BH lahik  bruk ngak ka urang ngak.

Dalam dom bruk di Adit salih số saong Peih bruk padang mbang ngui salih bahrau jalan ngak – Mekong Delta 2023, harei kabroi 18/5 di Pasak Nyaom biai tỉnh Hậu Giang hu peih pakah Labik ba drei tame saong parang iek mô hình, jalan langyah salih số saong peih bruk padang mbang ngui duah jalan ngak bahrau. Hu mbaok tame hu jaik 90 gian hàng yaih khan, parang iek dom jalan ngak, hatai sahaneng, pandap công nghệ salih jalan ngak bahrau di dom kapul, doanh nghiệp, urang pambuak di tỉnh Hậu Giang, kapul Tin học ban raya Hồ Chí Minh saong dom tinh, ban karei. Adit ini hu peih tabiak tal abih harei 25/5 .

Harei ini 19/5, urang ngak praong di Sở Pato megru tỉnh Bình Dương lac, hu da-a urang lambaok Sang bac Tiểu học-Trung học cơ sở-Trung học phổ thông (TH-THCS-THPT) Phan Chu Trinh ngak bruk kayua mblo đề pakacah tabiak ba tal jaik 20.000 anek saih bac tal 9 dalam tỉnh brei ngak veik bai pakacah mon Toan, bac kỳ II. Dalam tuk ngak bruk, sang bac ini hu pabak ginup hồ sơ tui quy định  ka Sở Pato megru tỉnh Bình Dương. Iek tui hồ sơ saong dom bruk ba tabiak,   Sở Pato megru tỉnh Bình Dương brei langyah taong phạt hành chính sang bac ini ngak mblo đề pakacah, taong phạt 8,5 trieu đồng kayua “ Peih bruk pasang iek, taong yaom bruk bac da-a ka anek saih oh njauk bruk ba tabiak di hukum urak ini”.  

Tổng thư ký Liên hợp quốc Antonio Guterres hu pok meyaom bruk brei dui atah tukvak sanya brei adat pablei tabiak negar langiu ngũ cốc salamat meng Ukraine tapa Biển Đen, tagok veik 60 harei. Gam tui di nan, ong jeng kakei lac Nga, Ukraine, Thổ Nhĩ Kỳ saong Liên hợp quốc meda njauk patui veik ginum biai ka dom bruk njauk caik hatai pambuak tal sanya ini. Ong caong lac bruk pablei tabiak negar langiu pandap mbang saong khak drak, dalam nan hu gam amoniac, meng Nga saong Ukraine meda hu pambuak haong chuỗi cung ứng di dunya biak salamat saong siam lagaih.

Tuai damuai negar langiu tame Nhật Bản dalam bilan 4 daok tagok veik, hu 66,6% dut saong tukvak ini thun 2019, tukvak dahlau jit ruak praong COVID-19. Jabat Du lịch Negar Nhật Bản brei thau, taneh ia ini taduan raok labaih 2 trieu mbang tuai negar langiu di bilan 4, tagok jaik 14 mbang dut saong tukvak vak ini thun dahlau. Tapa nan jeng brei mboh tuai negar langiu mai Nhật Bản ralo abih kuhria meng bilan 2 thun 2020.

Dom urang negar France oh kuhria ginup hu var mbang dalam harei daok tagok rilo,  meng 12% tagok tal 16% di dalam 6 bilan tapa, saong glaong jang jaik 2 mbang dut saong dom urang hu mboh di thun 2016 kayua yaom pandap mbang tagok glaong tui kuhria lac labaih 10% dalam labaih 1 thun tapa. Urak ini, yaom dom pandap mbang dak harei dak chit jang ngan haong jien mek tame di rahra France. Bruk lạm phát dalam gah pandap mbang di France tui kuhria di tanut labaih 10% meng labaih 1 thun tapa, hu tuk tagok 14%-15% dalam dua bilan jaik di ini, yam tapa atah jalan patagok jien bilan yaok thun, tui kuhria di tanut 4-6%.