Ong Vuong Dinh Hue nao rivang urang ngak gah y te 

Beir harei 25/1, Ủy viên mintri Chính trị, Akaok  Quốc hội Vương Đình Huệ song kapul ngak bruk Trung ương nao rivang tadhau yhut  Tết song jao  400 pok pandap Tết  ka gah dang akaok pacang caga jit  COVID-19, urang buh pren ka taneh ia, boh sang dalam sarak karja , urang kathaot, urang ngak kan kandah di ban  raya  Hồ Chí Minh dalam thun bahrau anek sak rimong 2022. Akaok  Quốc hội ndom lac ban raya  Hồ Chí Minh dok gilac veik saim mekre bahrau, pambuak veik dom bruk  kinh tế, xã hội, dom bruk dalam jalan chính trị. Dom urang  F0 trak, metai kayua  COVID-19 hu trun tal tanut beir di abih meng dahlau deih mbiah tal ni. Ban raya dok sahneng “oh huac kanda” yaom lac hu anek ruak bahrau Omicron. Bruk ni , hu mai meng dom ilamu di dom harei  , bilan rambah rambeip dalam bruk pacang caga jit  COVID-19.

Danak dak Cảng hàng không dunya Long Thành lac danak dak praong di negar. Piah danak dak ngak njauk tukvak ba tabiak, Phó Thủ tướng Rajei Lê Văn Thành bahrau hu panuac ieu Tổng Cty Cảng hàng không Việt Nam (ACV), Tổng Cty khik iek bruk par Việt Nam pasang iek, padang ngak veik cambaih laih tukvak padang ngak yaok bruk, tui jalan ngak brei katut veik meng thiết kế tal padang ngakg (min brei khik hu siam mekre, salamat danak dak); brei rilo kapul padang ngak rilo labik dalam sa tukvak haong gauk; ACV taduan bruk khik ramik, tui iek bruk kuac samu mbaok taneh, oh caik brei kurang mbaok taneh ngak kan kandah tal bruk padang ngak, khang hatai brei salih dom nhà thầu padang ngak suai damuai…piah khik ka danak dak hu padang ngak salah bloh di thun 2025.

Dom harei ni, drak pasa urang ngak di ban raya  Hồ Chí Minh daok chreih chrai kayua bruk caong hu menuac ngak dalam tuk  Tết tagok glong. Yaom jien duah hu tui kuhria meng  25.000 - 120.000 đồng/sa tuk  atau  240.000 - 600.000 đồng/sa harei (8-10 tuk). Dom jabat bayar jien bilan glong kayua kurang urang ngak song  dom bruk ngak prong , min, dok biak kan duah urang ngak makna lac hadei di jit COVID-19 ka 4, rilo urang ngak nao palei oh mai ngak bruk veik.

Sang iek ruak Chợ Rẫy TP.HCM bahrau peih ngak hu siam bruk pagam thận ka menuac oh hu darah yau gauk camereip abih di Việt Nam. Mbang pagam thận oh hu darah yau gauk nan hu ngak di 1 urang ruak nduac thận, suy thận mãn tukvak puac hu nhóm darah B, urang brei thận lac diuk di urang ruak hu nhóm darah A. Mbang pagam nan hu peih tabiak jalan bahrau ka yaok rabau urang ruak suy thận mãn tukvak puac daok cang pagam thận.

Hadei di jiak 2 thun njauk kan kandah kayua jit COVID-19, mesup  25/1 (tuk vak pak ni), Vietnam Airlines hu peih mbang par yau dahlau  camereip abih meng London, negar Anh, tapa Paris (Pháp) tal Hà Nội. Meng harei  8/2, Vietnam Airlines hu peih jalan par meng Hà Nội song  London dalam harei angar yaok adit  3. Anh lac drak pasa dunya  ka  9 hu  Vietnam Airlines peih veik bruk pajeng tuai. Hãng hu pandar dom jalan pacang caga jit catang ngan song mbang par. Tuai damuai tui iek pren yava  , brei dok karei, tui hukum di mintri  Y tế hadei di tuk par trun.

Negar Prang daok hu gac labaih meteh triệu urang njom mbak dalam harei (25/1), glaong abih kuhria meng akaok jit praong. Dom chuyên gia y tế Prang hu panuac lac mbang jit khang ka 5 jeng oh ka tal tabung glaong saong mboh lac biến thể bahrau BA.2 meda njaom mbak praong yau biến thể Omicron.

Nga harei 24/01 hu pajeng 20 tấn pandap dong ngak pahla ka Cuba dalam nan hu jru, khaaow khik caga  song  xi lanh y tế. Ni lac mbang ba pandap ka  5 Nga dong ka  Cuba meng di bilan 12 thun bloh.  Oh lac dong ngak pahla ka Cuba, Nga urak ni dok peih ngak 4 danak dak pambuak bruk di danak dak  patagok Liên hợp quốc piah dong patagok pren khang, dong duah bruk ngak song patagok bruk pasiam veik hadei di bala di dom labik  dalam Cuba. 

Gah khik iek takai tasik Mỹ khan lac daok duah 39 urang lahik dalam bruk tabaleik gilai di langiu tasik gah Timur mbang Flo-ri-đa. Dahlau di nan, sa rahra daong hu ka sa urang likei daok theik di langiu tasik gah timur bang Florida. Jurang ini brei thau lac tabiak meng Bi-mi-ni di Ba-ha-mát melam 22/01 saong sruh gilai di urang njauk ngin ribuk. Oh hu urang halei angaok gilai hu ao phao.  Dom gilai saong kapal haoh di gah khik iek takai tasik Mỹ nao duah luac mesup harei 25/01 saong oh duah mboh urang halei daok diuk. Tui dom urang jakar Mỹ, sruh gilai gaok bala hu pandar ka bruk pablei menuac saong oh ka thau cambaih lac sruh gilai nan daok angaok jalan nao tal Mỹ halei oh./.

Urang lang: Hanipha- Mousaphuong -26/1