Di var Pahadar 78 thun CMT8, Harei negar Quốc khánh 2/9; 75 thun Harei Wa Ho tabiak panuac ieu Pakacah gauk anit ranam taneh ia; 55 thun Bến Tre hu pok brei angan “Anh dũng Đồng Khởi - Jayah  Mỹ, palahik ngụy” rah tabiak birau ini, ong Trần Ngọc Tam, Phó Bí thư Tỉnh ủy, AKok UBND tỉnh Bến Tre iew taong abih Đảng, taong abih bol lin, taong abih bhap bini ba abih yawa prein pakacah gauk patui jhul pakhang bruk “Đồng Khởi birau”, ngak kah bruk anh dũng Đồng Khởi dalam mesruh metak peih paha bangsa jeng bruk Đồng Khởi pakacah patagok kinh te - xa hoi, iek nan lac bruk hu makna praong  peih ngak  Sarak Nyaom roya  Đảng bộ tỉnh mbang ka XI. Ba Bến Tre hu jeng tỉnh cak rok patagok dalam bhum thun 2025 saong mek hu tanut tỉnh kaya di thun 2023, rik tame ngak hu siam Sarak Đại hội đại biểu mbang ka XIII di Đảng.

Tukvak padeih le 2/9, rilo siêu thị praong di TP.HCM jeng hu dom danak dak pachreih urang blei meng rilo bruk biak chraih chrai yau: “Var mbang bingi triệu baoh sang Việt”, “Uan raok harei roya praong - Triệu deal daong yaom”,  “Roya praong chraih chrai – khuyến mại bak abih”, “Peih tiệc praong, Uan harei negar 2/9”…. daok dom pandap ngak blaoh saong pandap that trun meng 10%-50%. Tui kuhria dom pandap panda that meda hu blei pandar rilo nan ye dom doanh nghiệp pablei lẻ jeng caik hatai tal dom bruk salamat pandap mbang. Abih di nyu nan lac, dom pandap mbang ngak blaoh saong pandap that yau ye ralaow, ikan, njam patam baoh karaoh, jaik abih jeng lac pandap Việt. 

Dalam vaktu tapa, Kapol Urang ngak nong tỉnh Bạc Liêu hu jaik 194.400 mbang baoh sang urang nong ngak mbang- pablei salih naih joi dom pakat. Kapol Urang ngak nong dom pakat hu taduan daong labaih 1.000 baoh sang urang hoi, urang nong kathaot, yam tapa bruk ba tabiak saong peih hu 670 tal bac bruk ngak…Dalam vaktu birau 2023 -2028, Kapol Urang nong tỉnh kham merat ba tame 30.000 urang birau tagok; dang tabiak pambuak bruk pato pakai bruk ngak ka 19.000 urang hoi; daong takik abih lac 4.000 boah sang urang ngak nong hu tai khoan di blah web  điện tử; yaok thun hu meng 60% baoh sang urang ngak nong tagok hu tut angan  kham merat  saong hu labaih 50% baoh sang tut angan baoh sang ngak mbang pablei salih naih joi dom pakat.

Meng akaok thun tal ini, Vĩnh Long hu labaih 800 urang njauk ruak tangin, takai, cambuai, tagok 13% dut saong tukvak ini thun dahlau, dalam nan hu sa urang metai. Jaik tame thun bac bahrau piah trun manieng dom kan kandah di ruak tangin takai cambuai tal uranaih, anek saih, sở Y tế tỉnh Vĩnh Long pambuak haong gah pato magru peih ngak dom jalan ngak piah pacang caga jit ruak di dom sang bac, sang khik iek uranaih; pasram ilamo ka gru pato thau hu dom janih ruak piah hu jalan pacang caga siam lagaih. Gah y tế jeng pabak  brei cloramin B ka dom baoh sang hu urang ruak atau dom baoh sang dalam sruh jit piah ngak hacih alam môi trường, patakik bruk njom mbak ruak dalam rahra.

Gah biên phòng tỉnh Kiên Giang birau chap mek sa gilai ikan pajeng 6 jamraih tui iek bruk tabiak tasik. Gilai ikan kayua ong Lê Phước Hầu, daok di khu phố Dãy Ốc, phường Vĩnh Hiệp, ban Rạch Giá peih. Tuk pasang iek, ong Hầu oh hu harak gar pambuak tal gilai saong oh hu harak gal pambuak tal 6 jamraih  pasang iek gilai ikan ini. Tukvak jaik ini, Kiên Giang mblo tabiak bruk payua jamraih  tui iek di gilai karei plaik njiak  bruk tui iek di jabat chuc nang dalam bruk ngak tui hukum IUU. Dahlau di nan,  Cảnh sát tasik bhum 4 chap hu 1 gilai ikan  pajeng ba 21 jamraih pasang iek, hu pambuak tal 8 po gilai karei di gauk.

Tanut njom nerak tachrauk alam langik tasik di Trung Quốc thun 2021 trun 42% dut saong thun 2013, daong ka rahra negar ini dui atah umo thun veik 2 thun. Piah hu jak jeng ini, meng di thun 2014, Rajaei Trung Quốc hu patakik dom sruh radaih ô tô di dom ban praong, pakauk padang ngak dom sang mac ngak dang bahrau di dom bhum njauk tachrauuk nerak abih, cakak trun bruk khí thải atau kareik pabah mbang dom sang mac urak ini daok hu. Thun 2021, Bắc Kinh hu chất lượng alam langik yaok bilan siam di abih kuhria meng di tuk hu harak gar hu khik piah di thun 2013.

Đại sứ quán Mỹ di Haiti daok hu panuac ieu rahra di drei samar tabiak truh bhum taneh  Caribe "dak aval dak siam" kayua dom bruk takik salamat dalam tuk  bruk mesruh gauk daok tagok di labik ini  ngak ka yaok ribau  urang klak sang nao plaik saong bruk pametai manuac rilo tagok. Tui harak pathau khan di LHQ, bruk taong mesruh di dom nyaom  kol toi pham tagok rilo ba tal Haiti gaok kan kandah dalam bruk daong ngak pahala biak trak, ba tal labaih 200.000 urang oh hu sang daok, jaik meteh dom bhap bini taneh ia ini khin hu daong brei meng bruk ngak pahala.

Cao ủy Liên hợp quốc ka urang tị nạn (UNHCR) hu panuac ieu pataom 1 tỷ USD piah daong ka dom urang mai veik palei negar saong urang tị nạn Sudan nduac tapa dom taneh ia jaik taphia kayua bruk mesuh metak. Urang dang akaok UNHCR ndem cambaih lac dom urang tị nạn saong urang mai veik palei negar meng Sudan daok ngak ka urang huac lac meda hu dom bruk trak damak, abih di nyu nan lac di puac thun ini, mayah oh duah hu dom jalan ngak pambuak tal bruk pajeng ba saong pabak pandap mbang. Tal urak ini, Nam Sudan hu taduan labaih 400.000 urang, rilo meng lac rahra di negar ini mai veik palei negar./.