Tinh Ben Tre barau peih bruk Pahadar 125 thun Harei padak padang tinh, 65 thun Harei Ben Tre Dong Khoi, pathau khan Sarak Quyet dinh di Thu tuong Rajaei taduan mek Harei padak padang tinh Ben Tre 17-1. Di harei pahadar, Phaok Thu tuong Lê Thành Long mayai lac, harei padak padang ni lac sa tukvak piah pato magru, hatai kham marat, jhul patagok kinh te - xa hoi saong anit ranam jum pataom di bhap bini. Harei ni jang lac sa guan piah mikva Ben Tre hadar veik adat cambat meng kan siam makre saong hadah mbaok meta ka dom bruk ngak hu tapa dom tukvak sajarah dakrai, patagok khang jang jalan sahaneng ka bruk Đồng khởi, makna Đồng khởi, oh padeih kham merat ngak brei bhum palei, taneh ia siam ghieh, kaya meda.

Ban raya HCM hu 69 doanh nghiep pablei pandap khik yaom kaom tuk Tet, meblah 25% tal 43% darak pasar. Gam haong bruk kuhria caga  pabak pandap Tet, dom jabat chuc nang jeng pakhang bruk pasang iek, dut iek pandap hacih sa-at. Thun ini lac thun akaok meti Ban raya peih ngak Danak dak pasang iek asar pandap ( caik inem Tich hijao) pamong tal bruk ngak tabiak pandap tui hatai caong di urang blei tui jalan sahaneng  halan tian ngak, cambaic laic saong tapak hatai.

Malam kabruai, Lien doan Lao dong tinh Dong Thap peih ngak Danak dak “Tet jum pataom – Xuan dhar phol Ndang” tukvak Tet Nguyen dan Ula Naih thun 2025. Danak dak hu alin 658 paok pandap ka urang kong ndoan, urang ngak bruk; daong padang ngak 60 baoh sang kong ndoan…Lien doan Lao dong pambuak haong dom Kapul Chu thap do tinh peih ngak gilang pandap oh mek jien. Thun ni, phun jien mai meng kong ndoan, Lien doan Lao dong tinh daong labaih 9.880 paok pandap ka urang kong ndoan, urang ngak bruk biak kan kandah, jien buh tame abih tih jaik 8 ty ndong.

Piah klak rabha, daong ka uranhg jaoh jo, urang kathaot saong uranaih du bhum atah bayah, bhum taphia negar, Kapol Daong urang jaoh jo, urang kathaot saong Khik tui Adat Uranaih tỉnh Tây Ninh hu peih ngak Danak dak alin brei pandap Tet Ula Naih thun 2025, tui jalan oh thei kurang Tet. Thun ini, Kapol hu alin brei 3.560 paok pandap ka dom urang dalam sarak, urang jaoh jo, urang taha metui saong uranaih  sang kan kathaot, nan lac: Jien, brah, menyek mbang, mi tom, ahar keo saong khan ao…kuhria abih tih jiak 2 ty ndong.

Mban Bangsa tinh Tra Vinh barau alin 82 paok pandap Tet, yaok sa paok pandap yaom 1 trieu ndong ka dom baoh sang kathaot, baoh sang gaok kan kandah saong manuac hu angan je di xa Thuận Hòa, Long Sơn, Mỹ Hòa, ban sit Cầu Ngang. Ni lac pandap alin mai meng Akaok Quoc hoi jao brei ka tinh lambaok alin ka dom baoh sang mikva bangsa Khmer hu rai diuk kan kandah, baoh sang kathaot haong urang hu angan je di bhum mikva bangsa takik.

Bilan “Xuan Jalan mbak pajeng ba” 2025 di Trung Quoc hu peih ngak meng harei 14 bilan 1. Thun ini, bilan jirah rivang ma-in Tet Nguyen ndan dui atah 40 harei, tui kuhria mboh dahlau urang nao mai trun tagok di dom grauk labik dalam negar Trung Quoc meda hu 9 tỷ urang, tuai damuai hu pajeng ba meng jalan pasei saong jalan kapal haok  lac 510 trieu saong 90 trieu mbang. Dom bhum palei, jabat gah chuc nang pambuak bruk khik brei salamat “Xuan Jalan mbak pajeng ba” thun ini hu mbuan lagaih.

Nhat Ban biak susah di dom bruk ngak srau dau di Bien Dong saong daok pacang cakak dom marat meng sa gah piah salih veik bruk. Ni lac panuac mayai di Akaok Mentri ngoai giao Nhat Ban Takeshi Iwaya tuk mai ravang Philippin. Akaok Mentri ngoai giao Nhat Ban jang khan lac Nhat Ban marat daong patagok saong khik salamat ka Philippin saong daong khik tani tanat ka gah jalan tasik di nagar ni, ngan haong nan pabak tame sarak bruk ngak di klau gah hu My tuk Tong thong barau di My tagok rai.

Rilo bhap bini di Gaza hatai caong khin hu salamat samar gilac veik mai thong bhum taneh ia dalam dom gah daok kham merat jhul pakhang bruk gunum biai  piah padeih taong paoh gauk di Dải Gaza saong njauk gauk ka bruk salih palao urang guk di bruk Hồi giáo Hamas saong Israel. Urak ini, dom urang ngak praong hu ginum biai di ban ine Doha di Cata daok kham merat piah hu njauk yau gauk ka bruk padeih mesruh di Gaza hu cambaic laic./.