Urang kamei CHam jak gauk mai rivang mik va dalam puk paga

Brei panuac peih mbang nyaom ka 13 di Ủy ban Thường vụ Quốc hội mesup ini, Ong Vương Đình Huệ - Akaok QH khan tapa dom asal kadha praong di mbang nyaom ini, nan lac pataom iek veik mbang nyaom ka 3 iek tui pathau khan di Tổng Thư ký Quốc hội saong pataom veik panuac di urang QH 63 kapul Quốc hội saong dom jabat pambuak tal.  Jeng dalam mbang nyaom ini, Ủy ban Thường vụ Quốc hội brei panuac tuk camereip ka mbang nyaom 4 tui kuhria hu peih tabiak di bilan 10. Ini lac mbang  nyaom hu rilo asar kadha hu makna praong bo bruk praong lac pandang ngak hukum, brei panuac ka rilo danak dak hukum.

Phó Thủ tướng Lê Minh Khái bahrau mbaoh tangin tame Sarak ka 806 harei 9/7/2022 jao ka Mintri jien padai buh tabiak oh mek jien 432,78 tấn brah meng gilang khik caga dalam taneh ia brei ka tỉnh Bình Phước piah daong ka bhap bini pala drak oh hu di thun 2022.

Bhap bini Cam di An Giang hu 17 ribau urang, taong abih jeng tui agama Islam, hu 12 sang megik saong 16 surao. Roya Haji thun ini, urang ba gauk nao sang megik sambahyang rilo jang piah hu rilo pahala, ma-ah ka gauk dom bruk oh bui sambai dalam tukvak tapa; dom baoh sang rami ramik sang danaok, ngak mekre meng gom menyek piah mbang Roya. Urak ini, taong abih puk palei, xã bhum urang Cam di An Giang jeng hu pandar điện negar, hu  sang mac ia hacih piah pandar.

Dah page 11/7, Sở pato magru ban raya Hồ Chí Minh brei thau ka điểm chuẩn tame tal 10 di dom sang bac công lập dalam ban. Điểm chuẩn thun ini trun hasit dut saong dom thun dahlau. Mbang pakacah pilih ruah tame tal 10 thun ini di ban raya Hồ Chí Minh hu labaih 93.000 anek saih tame pakacah piah pilih ruah mek labaih 73.000 anek saih. Yau nan, meda hu labaih 20.000 anek saih oh hu tame tal 10 công lập. Dom anek saih ini meda tui bac di dom sang bac tư thục, dân lập, pasak pato bruk ngak, pasak pato thường xuyên saong dom sang bac bruk ngak.

Ong Lê Quang Trung, Phaok Yam ndoc phụ trách Sở Y tế Đồng Nai brei thau, meng hadei di tuk jit COVID-19 trun bier, urang ngak bruk gah Y tế likau padeih bruk biak ralo. Makna ba tal urang y tế padeih bruk, camereip di abih lac kayua bruk ngak biak rilo, biak glaih, tapa tukvak jit ruak nyu tapa prein urang jakar y tế. Langiu di nan, jien mek tame di urang y tê trun kayua dalam tukvak jit ruak saong hadei di jit ruak urang tame iek ruak, taong ruak trun daok takik, nan ye, dom sang iek ruak  oh hu jien pabak tame ka urang jakar y tế ngak bruk trak, glaih.

Yam tame bilan pandiak jeng lac tuk dom lễ hội di châu Âu hu peih tabiak. Dalam tuk rilo tuai meng grauk labik di dunya caong nao tal piah hu ba drei tame nduac anak mbaok dom drei limo “bò tót” trak tal 500 kg di ban Pamplona, Tây Ban Nha, châu Âu jeng daok hu dom lễ hội bui siam bai, chreih chrai karei daok cang taduan raok dom tuai damuai.

Bhap bini Sri Lanka daok dang anak bruk kurang pandap mbang biak khang dalam tuk urang daok cang yaok mong piah kham merat blei nhiên liệu daok biak kurang. Danak dak Lương thực Dunya di LHQ brei thau, jaik 9 dalam 10 baoh sang Sri Lanka daok klak var mbang  atau brei mbang menyum biak patak pataom, dalam tuk 3 trieu urang daok taduan pandap daong samar chip.

Quốc hội Đức puac adit bloh hu ramik jalan ka bruk brei peih veik dom sang mac đien dhang piah ngak tabiak đien, min tah klaak bruk ini di kapul nghị sĩ liên đảng bảo thủ dui atah tukvak peih ngak di dom sang mac điện hạt nhân. Taneh ia ini jeng meda pandar takik khí đốt jang piah ngak dien, salih ka bruk nan, dom sang mac đien dhang meda hu pandar ka sa tukvak salih veik./.

Urang lang: Ái Nghiêm -Thu Thảo -11/7