Page ini, Adat zirah Tổng Bí thư Nguyễn Phú Trọng hu peih ngak di Sang ngak ndam metai pakat negar labik 5 Trần Thánh Tông, ban Hà Nội; meng mon 7 tal mon 10 melam saong harei paguh 26/7, meng mon 7 tal mon 1 jala pandiak. Adat zirah Tổng Bí thư Nguyễn Phú Trọng hu peih ngak sa tukvak yau nan di Hoi trường Thống Nhất, Ban raya Hồ Chí Minh saong di palei ong Tong Bi thư daok pak xã Đông Hội, huyện Đông Anh, Hà Nội. Ndam metai ong Nguyễn Phú Trọng, Tổng Bí thư Ban Chấp hành Trung ương Đảng Cộng sản Việt Nam hu peih ngak tui ndam metai pakat negar. Linh cữu ong Nguyễn Phú Trọng hu caik di Sang ngak ndam metai pakat negar labik 5 Trần Thánh Tông, ban Hà Nội.

Tui panuac di akaok  mintri, Chủ nhiệm UB Bangsa Hầu A Lềnh, meng bruk lac urang dang akaok Đảng, Tổng Bí thư Nguyễn Phú Trọng meng di tuk hu pilih ruah pok ngak Tổng Bí thư, dalam dom sarak di dom mbang nyaom roya, saong dom sarak ka peih ngak dom Sraka nyaom roya 11,12,13 jeng hu ba tabiak rilo bruk pambuak tal lý luận, thực tiễn piah langyah dom kan kandah di bhum bhap bini bangsa takik. Nan lac khik kajap quyền samu gauk di urang bangsa takik meng chính trị, kinh tế, tal ilamu xã hội; meng nan ba tabiak dom jalan ngak piah ngak brei cambaih laih dom adat hukum, jeng dom sarak di Rajaei, di dom pakat piah langyah dom kan kandah di bhap bini.

Lac urang dang akaok glaong abih di Đảng, Tổng Bí thư Nguyễn Phú Trọng sangka tal rilo gah, meng khoa hoc, pato megru tal ilamo, daoh tamia van nghe, mbao chi, meng bruk patruh iek patrun kathaot tal bruk pato pakai  hatai anit ranam taneh ia saong bruk cách mạng ka dom rairah…hu mbaok pak di labik halei jeng brei mboh ong lac menuac abih hatai jai saong jalan sahaneng ngak bruk biak glong. Mai tal TPHCM saong bhap bini Nam Bộ   uranam, Tổng Bí thư caong khin  Thành phố Hồ Chí Minh lac ban raya anit ranam, hadah krah; bhap bini hu raidiuk trei sir, haniem phol, ban raya patagok samar saong khang kajap.

“Ngoại giao phun kreim” lac bruk hu ndom tal rilo dalam dom thun jaik ini tuk kol drei ndom tal sarak đối ngoại di Việt Nam. Bruk ini oh lac sa jalan ngoại giao bahrau bo lac bruk pataom veik, patui veik jalan ngoại giao hadah krah di Hồ Chí Minh, ngak brei cambaih laih jalan đối ngoại bo Đảng drei hu ngak bloh dalam dom pluh thun tapa. Dalam nan, Tổng Bí thư Nguyễn Phú Trọng ba tabiak panuac ieu lac “ngoại giao Việt Nam brei sami samar, mboh dahlau, hadah krah saong lamin lamuac jang duh ka bruk cakrok kinh tế saong patagok labik dang di taneh ia”. Jalan ngak ini jeng hu brei mboh dalam harak văn kiện di Đảng, “pabak apui” ka ngoại giao Việt Nam dalam tuk dunya hu rilo srau kadau chính trị yau urak ini.

Gam haong bhap bini dalam taneh ia, bhap bini huyện Mỹ Xuyên, tỉnh Sóc Trăng biak pandik harao tuk mehit Tổng Bí thư Nguyễn Phú Trọng plang lahik. Mek pandik harao ngak jeng bruk ngak cách mạng, Đảng bộ, karja saong bhap bini huyện Mỹ Xuyên patui jalan jum pataom, sami samar, hadah krah, kham merat  padang Đảng, dak padang  he thong chinh tri hacih sa-at, khang kajap, padang bhum palei  dak harei dak siam mekre, haniem phol  yau Tổng Bí thư caong khin dalam mbang nao rivang  harei 9/3/2015. Thaok binguk  ong Tổng Bí thư gheih ghang, salut mbut, mbuan jiak bhap bini…hu caik veik rilo anit ranam dalam hatai, siam gheih haong dom urang jakar saong bhap bini huyen Mỹ Xuyên.

Dunya jeng daok payua harak thư, điện klah rabha pandik harao ka bruk tabiak nao di Tổng Bí thư Nguyễn Phú Trọng:

Hamit lac Tổng Bí thư Nguyễn Phú Trọng palang lahik, harei kabroi, Tổng Thư ký Liên hợp quốc Antonio Guterres hu mai zirah Tổng Bí thư di Kapul thường trực Việt Nam pak Liên hợp quốc di New York. Tổng Thư ký taong yaom glaong bruk pan akaok ba jalan di Tổng Bí thư Nguyễn Phú Trọng saong ndom lac mala bruk pan akaok ba jalan di Tổng Bí thư, Việt Nam daok patui jalan cakrok biak glaong saong jeng gah pambuak bruk praong di Liên hợp quốc. Lambaok Liên hợp quốc, Tổng thư ký Antonio Guterres payua panuac klah rabha pandik harao tal rajaei, bhap bini Việt Nam saong gauk gar Tổng Bí thư Nguyễn Phú Trọng.

Gam haong Viet Nam, Lào, daok atah di khol drei meteh baoh taneh, taneh ia Cuba adei sa-ai jeng hu caik tang  hadar tal Tổng Bí thư Nguyễn Phú Trọng dalam dua harei 20 saong 21/7, dalam tuk peih ngak ndam metai pakat negar hu peih ngak luac harei 22/7. Ini lac adat hu makna biak praong tuk taneh ia Cuba caik tang dom ayut sahabat di bhap bini Cuba. Dalam tukvak ngak ndam metai pakat negar, dom labik ngak bruk saong dom labik bol lin dalam negar Cuba brei tuan hala dok meteh geng, oh brei peih ngak dom bruk ma-in sambai công cộng. Dom ayut sahabat Cuba anit ranam damen bruk plang lahik di sa dalam dom urang pan akaok ba jalan abih hatai jai,  tuk halei jeng jhul khang bruk pambuak talei rohim di Cuba saong Viet Nam.

Dalam thư klah rabha pandik harao, Tổng thống Philippines Ferdinand Romualdez Marcos Jr. pok meyaom Tổng Bí thư Nguyễn Phú Trọng lac urang dang akaok gheih ghang saong hu jalan maong atah truac hadah hatai caong di bangsa Việt Nam, daong ka kinh tế Việt Nam dak harei dak patagok saong siam lagaih dalam pacang caga tham nhũng saong tiêu cực, gam haong nan, pok meyaom jalan “ngoại giao phun kreim” di Tổng Bí thư lac jalan daong ka Việt Nam khik bruk đối ngoại samu gauk saong rilo janih, dom rik daong praong di Tổng Bí thư tuk halei jeng hu bhap bini saong dom rai hadei di Việt Nam hadar kanal./.