Di Sang ngak ndam metai pakat negar labik 5 Trần Thánh Tông, ban Hà Nội, harei kabroi BCH T.Ư Đảng, QH, Akok negar, Rajaei, UBTƯ  Mat tran Negar Viet Nam saong baoh sang hu peih ngak praong prang bruk zirah ong  chí Nguyễn Phú Trọng, Tổng Bí thư BCH Trung ương Đảng Cộng sản Việt Nam, tui ndem metai pakat negar. Dalam  pandik harao, drut drui saong biak damen, meng subuh page, dom kapol urang lambaok Đảng, Karja, Quốc hội, Rajaei, Mat tran negar  Viet Nam, dom mentri , dom gah, dom urang jakar, urang lin dom gah bol pan phao karong gam ralo bhap bini Ban ine saong rilo tỉnhm ban dalam negar, dom kapol negar langiu hu mai Zirah Tổng Bí thư Nguyễn Phú Trọng.

Di Hội trường Thống Nhất TP.HCM, ông Nguyễn Văn Nên, Ủy viên Bộ Chính trị, Bí thư Thành ủy TP.HCM haong dom urang pan akaok Đảng, Karja urak ini saong dahlau daih, dom tapon nyom bol pan phao kraong, dom mban ngành, kapul nyaom, dom kapul ngoại giao dom taneh ia di ban raya, kapul urang jakar dom tỉnh, ban gah meraong saong rilo bhap bini mai zirah ong Tổng Bí thư Nguyễn Phú Trọng dalam drut drui, pandik harao. Urang pan akaok TP.HCM brei dui atah tukvak piah ka bhap bini tame zirah tal mong 11 melam, oh lac mon 10 melam yau khan brei thau dahlau nan.

Daok pak palei di ong Tổng Bí thư Nguyễn Phú Trọng  lac palei Lại Đà, xã Đông Hội, huyện Đông Anh, Ban Hà Nội, papan kakuh Tổng Bí thư hu ramik ngak biak tani tanat. Bruk drut drui me-om bak palei Lại Đà, thei jeng gak gar ia meta sre, iek praong, anit ranam, brei mboh hatai biak damen anak bruk plang nao di  Tổng Bí thư Nguyễn Phú Trọng lac sa urang naih gheih saong biak hadah krah di bhum palei.

Dalam tuk Quốc tang Tổng Bí thư Nguyễn Phú Trọng daok rah tabiak, gam haong bhap bini dalam taneh ia daok drur drui pandik harao damen ka ong, ye di bhum taneh glai U Minh hạ - Bhum taneh jhung abih di taneh ia, bhap bini jeng thau hu dom rik daong praong di Tổng Bí thư Nguyễn Phú Trọng brei ka Đảng, ka dunya. Hatai caong cakrok Đảng di ong, dom panuac, dom bruk ngak di ong piah ba taneh ia Việt Nam cakrok khang kadang, ginup meda, bhap bini hu raidiuk trei sir, hameim phul di ong daok hu hadar kanal miat.

Dom harei tapa, di dom bhum urang bangsa takik mboh jua kandang, mikva thei jeng brei mboh hatai anit  ranam  tuk mehit Tổng Bí thư Nguyễn Phú Trọng plang lahik. Wa Trọng plang nao lac bruk lahik biak praong ngan haong taong abih urang Đảng, taong abih bol bala, taong abih bhap bini. Urak ini, kinh te - xa hoi bhum urang bangsa takik di negar drei hu cakrok patagok khang kajap, bruk ngak ilamo, pato megru, y te salih birau, siam mekre, baoh sang kan kathaot trun ralo, hu yau nan lac hu bruk tacei ba di Đảng drei saong Tổng Bí thư Nguyễn Phú Trọng.

 Dom taneh ia di dunya jeng daok brei kapul mai zirah saong payua harak thư, điện klah rabha pandik harao ka bruk tabiak nao di ong Tổng Bí thư Nguyễn Phú Trọng:

Dom kapul lambaok ka patao, Đảng bhap bini Campuchia, Quốc hội, Thượng viện, Bol bala saong dom mintri, ban ngành, jabat Rajaei Campuchia hu nao tal Đại sứ quán Việt Nam zirah saong vak tame sổ tang hadar tal Tổng Bí thư Nguyễn Phú Trọng haong dom panuac klah rabha pandik harao tal Đảng, Karja Việt Nam saong gauk gar di ong, gam haong nan, taong yaom glaong dom bruk ngak di Tổng Bí thư brei ka taneh ia Việt Nam, ka bruk pabak talei rohim – pambuak bruk Việt Nam - Campuchia.

Harak thư điện tử di Tổng thống Cộng hòa Liên bang Đức Frank Walter Steinmeier klak rabha pandik harao ka bruk plang lahik di Tong Bí thu Nguyen Phu Trong hu vak yau ini: “ Tuk ngak Tổng Bí thư Đảng Cộng sản Việt Nam saong Akok negar Cộng hòa xã hội chủ nghĩa Việt Nam, ong Nguyễn Phú Trọng hu caik veik ralo bruk hu makna bika praong ka taneh ia jeng yau pakhang kajap saong peih praong talei pambuak bruk Viet Nam saong Đức jeng yau chau Au.

Tổng thống Cộng hòa Azerbaijan Ilham Aliyev hu payua harak klah rabha pandik harao tal akaok negar Cộng hòa xã hội chủ nghĩa Việt Nam Tô Lâm. Thủ tướng Cộng hòa Azerbaijan Ali Asadov hu payua harak klah rabha pandik harao tal Thủ tướng rajaei negar Cộng hòa xã hội chủ nghĩa Việt Nam Phạm Minh Chính. Phaok Chủ tịch Đảng Azerbaijan bahrau Tahir Budagov hu payua harak klah rabha pandik harao tal Thường trực Mban Bí thư Đảng Cộng sản Việt Nam Lương Cường./.