Di tỉnh  Bà Rịa - Vũng Tàu, Bhum 2 Hải quân raok 2 kapol urang mai ngak bruk tamat mbang rivang, tadhau ayuh Tet urang jakar, bol lin  sang giàn DK1 angaok tasik gah Meraong negar, dom urang jakar, bol lin ngak bruk di tasik saong bhap bini huyen  Côn Đảo. Tapa 15 harei, dua kapol ngak bruk saong urang lambaok dom jabat, kapol nyaom, urang cih vak dom jabat mbao rayo papar sap papar binguk Trung uong, tinh, ban gam haong urang jakar, bol lin gilai Trường Sa 21 saong Trường Sa 10 nao tapa yaok ribau hai ly angaok tasaik mai rivang, alin  pandap ka dom sang giàn, kapal gilai saong dom jabat dan chinh ndang, dom đơn vị ngak bruk di huyen Côn Đảo, ba suan yawa di taneh mai haong urang jakar, urang lin labik akaok negar. Labaih 600 paok pandap di Akok negar Nguyễn Xuân Phúc, Bộ Tư lệnh Bhum 2 Hải quân, Kalup kapol “Daong Hoàng Sa - Trường Sa anit ranam” saong nyaom “Chia sẻ Sharing”, Kapol Doanh nghiệp TPHCM...hu kapol urang payua tal tangin urang jakar, urang lin dom sang giàn DK1 saong kapal gilai, bol lin, bhap bini huyen Côn Đảo.

Piah salam uan Tết Nguyên đán thun sak tapai 2023, UBND huyện Tịnh Biên, tỉnh An Giang peih ngak rilo bruk bui sambai, chreih chrai, pachreih ba hệ thống chính trị puk palei saong rahra ba gauk pamaong tal thun bahrau jayah. Huyện meda peih Mbang pacacah parang iek phun cảnh, bingu xuân thun sak tapai 2023, ngak gheih gom bingu di labik rahtabiak dom bruk uan thun bahrau; harei pacacah daoh tamia “Sắc màu Tịnh Biên”; gian hàng pandap mbang pabak ka bhap bini. Langiu di bruk mbang dom pandap bingi, tuai daok meda maong iek jalan ngak tabiak pandap panda. Kayua yau nan ye, asal kadha ka salamat hacih saat pandap mbang, pasang iek asal di nyu dahlau di tuk ba tabiak duh ka tuai damuai hu mban peih bruk sangka iek praong ba tagok dang akaok.

Page 10/11, kapol ngak bruk di Mban Bangsa tỉnh Bình Phước kayua ong Lý Trọng Nhân, Akok Mban Bangsa tỉnh ba akaok nao rivang, tadhau ayuh  Tet saong alin pandap ka dom taha palei, urang hu angan je dalam bhap bini  bangsa takik dalam ban Đồng Xoài. Akok Mbang bangsa tỉnh Bình Phước caong khin dalam tukvak anak tal dom taha palei, urang hu angan je ngan haong bruk ngak, angan je di drei meda pambuak bhap bini bangsa haong pakat ủy, karja palei saong kapol nyaom dom pakat; lac urang pathau ngak tapak, jak ba, duah thau hatai sahaneng, caong khin di bhap bini piah khan tal pakat uy, karja, rik tame ngak hu jak jeng bruk patagok kinh te - xa hoi, quoc phong, an ninh saong salamat xa hoi dalam tinh.

Bilan pala café thun 2022-2023, Đắk Lắk kuhria pablei tabiak negar langiu 420.000 tấn ( tagok 5%) dut saong bilan pala thun dahlau. Jalan ngak di tỉnh lac oh tagok taneh pala cà phê bo khik tani tanat di tanut 204.000 hec ta, sản lượng labaih 526.000 tấn; khik kajap bruk pala veik cà phê tukvak 2021-2025 njauk tui bruk ba tabiak, patui bruk cak rok patagok cà phê khang kajap piah paglaong năng suất, chất lượng pandap panda, pabak hu bruk pablei tabiak negar langiu, paglaong yaom patagok.

Di tỉnh Tiền Giang dom harei tapa, gam gam hajan praong karei bilan, dui atah ngak kan kandah ka urang pala bingu kieng Tet. Hajan praong oh lac ngak dauk ia bruk phun bo daok ngak ka bingu chroh nerang oh njauk tuk Tet saong njom ruak. Tet ini, palei bingu Mỹ Tho, tỉnh  Tiền Giang pala labaih 1 trieu yot bingu that. Ralo yot  bingu caik di taneh hamu, oh hu ndon hagit. Mbiah tal tukvak ini, hu labaih 80% taneh pala bingu that chroh nerang; dom hamu pala bingu daok hu urang blei pajeng nao sang min jeng gaok kan kandah kayua langik hajan. Ong Võ Văn Thông, Yam ndoc Rayo kuhria mboh dahlau langik tasik Tiền Giang bre thau, ini lac dom mbang hajan suan bilan di bhum Nam bộ kayua langik la-ar di tasik biển Đông.

Tổng thống France Emmanuel Macron hu ba Thủ tướng Nhật Bản Fumio Kishida nao rivang iek labik padang ngak nhà thờ Đức Bà dalam tuk negar Fance daok duah jalan jhul patagok talei pambuak bruk di dua gah dahlau di tuk Nhật Bản ngak akaok G7. Thủ tướng Kishida lac urang par akaok negar langiu camriep abih hu nao rivang Nhà thờ Đức Bà meng di tuk hu padang ngak veik hadei di mbang apui khuah  praong di thun 2019.

Darak pasar dang, khoáng sản Australia pandiak tagok di dom labik giao dich hadei tuk Trung Quoc brei adat  ka dom kapol praong di taneh ia ini blei dang saong khoáng sản di Australia. Ini lac bruk ngak siam lagaih  di Trung Quốc  camereip peih tabiak brei pambuak  bruk ngak mbang pablei salih nao mai haong Australia. Brei panuac di Mentri Ngoại giao saong Thương mại Australia, Rajaei Australia sahaneng mboh lac bruk pambuak veik gah pablei salih yau dahlau diah  di Australia saong Trung Quốc meda ba mai kein laba siam abih ka dua taneh ia, dalam nan hu dang saong khoáng sản.

Công ty AIPER bahrau ba tabiak janih rô-bốt ngak hacih tự động bahrau ngan haong phiên bản pakat glaong abih meda ngak hacih labik manei praong tal 300 mét vuông. Pandap chuyên dụng halang ia dalam labik manei hu angan lac Seagull ini bahrau hu pok brei Jai thuong Sáng tạo di Mbang Parang iek điện tử pandar praong abih di dunya CES 2023 bahrau hu peih tabiak di Las Vegas, Mỹ. Robot Seagull hu cak rok ngak tabiak meng di thun 2015, lac janih pandap robot bahrau tabiak mbaok di janih ngak hacih labik manei thủy sinh biak siam lagaih saong hu taong yaom glaong di Aiper. Meng tự động ngak hacih mbaok danao caluai ia, di mala saong ar danao, ngak hacih abih tih mbaok danao caluai ia bo oh njauk tathuak ia tabiak, bruk ngak ini meda daong patak pataom biak rilo tukvak gam haong prein yava dut saong rilo pandap panda ngak hacih urak ini./.