Brei panuac di Nyaom biai jhul patagok bruk cakrok ngak nong Bhum taneran kraong Cuu Long lagaih saong bruk bien ndoi khi hau peih tabiak di harei kabroi 6/3 di tỉnh Kiên Giang, Thủ tướng Phạm Minh Chính hu panuac caong lac  Bhum taneran kraong Cuu Long brei patagok bruk ngak meng prien khang di drei, yam tagok meng plak tangin, glo akaok, taneh riya langik tasik di drei; ngak meng prein khang di drei dahlau, suai lavik; jhul pakhang bruk pambuak công tư; jak ba, peih bruk pachreih urang buh jien tame ngak brei cakrok patagok, meng bruk buh jien tame ngak di karja piah dui ba urang buh jien tame ngak, ngak hu makna, njuak bruk praong. Thủ tướng caong khin brei ngak njauk 4 bruk siam dalam  quy haoch “quy hoạch siam  piah hu danak dak siam; hu danak dak siam piah pachreih urang buh jien tame ngak mbang; hu urang naih joi tame ngak ye ngak tabiak pandap siam”.

Pagam tal bruk khik iek rahra di Ukraine, tui dom jabat lambaok  Việt Nam di Ukraine song dom taneh ia dok jiak tapen, kuhria tal 17tuk, harei 06/3/2022, hu labaih  2.500 urang Việt hu taduan raok ba tabiak truh bhum mesruh gauk di Ukraine. Gam haong nan, dong ngak dom harak gar ka mik va nhập cảnh, quá cảnh hong pambuak bruk song dom urang jakar pak nan, dom kapul nyaom urang Việt di pak nan taduan raok, rami ramik radaih nao mai, labik mbang, labik dok di anak meta brei ka mik va. Urak ni, mintri Ngoại giao dok kham merat pambuak bruk song dom nmintri, dom gah, jabat,pagam tal ba urang Việt mai palei  angaok 2 sruh kapan haoh dalam harei ni  meng  Romania song harei  9/3/2022 meng  Ba Lan.

Mentri Y tế hu ba tabiak, liaku panuac di Mban tacei jalan pakat negar pacang caga jit Covid-19 ka bruk F0, F1 nao ngak dalam tuk pa-atah gauk. Dalam panuac ba tabiak nan, urang F0 oh mboh ruak, dalam tuk pa-atah gauk, halan hatian ngak bruk meda ngak online, oh taom gaok urang karei; atau brei hu mbaok tame daong iek glang prein yawa, taong ruak ka urang ruak Covid-19. Daok F1 meda ngak bruk online atau ngak bruk tapak. Dalam tuk ngak bruk tapak, labik ngak bruk brei padang labik ngak karei ka dom urang F1, khik brei pa-atah gauk plaik njiak njom mbak ruak.

Kayua bruk pabak trun  song urang blei tagok, yaom ikan pra pajaih di rilo tỉnh ban di bhum taneran krong  CL tagok jang 2 mbang dut song dom bilan dahlau song dok di tanut  glaong di abih dalam labaih 2 thun tapa. Urak ni, ikan pra pajaih janih 30-35 drei /sa kg yaom meng 55.000-58.000 đồng/sa kg. Yaom ikan pra  nguyên liệu pablei tabiak negar langiu tagok tal 30.000-32.000 đồng/sa kg, tagok jang meng 5.000-7.000 đồng/sa kg dut song labaih 2 bilan dahlau. Tui yaom ni, urang rong ikan pra laba labaih  5.000 đồng/sa kg ikan pra thương phẩm.

Pahadar 1982 thun dang tagok mesruh metak di Hai Bà Trưng saong 112 thun harei Dunya urang kumei  8/3, harei kabroi 6/3, labaih 2.000 urang kumei dalam kapul urang kumei di Ban raya HCM hu taom mbaok saong maong gilac veik  bruk ngak di Kapol dalam sa thun tapa. Hadei var taom mbaok, jaik 2.000 adei sa-ai urang kumei Ban raya cuh ao atah, hu mbaok tame dieu hành dalam 4 bruk: nao tabak, ndik radaih juah, ndik radaih buyt dulich 2 tal saong radaih buyt angaok kraong ia. Tamat meng bruk parang ao atah di yaok ribau ao tah  rilo sambo mau karei di gauk, ngak jeng blah thaot biak ghaih mekre, piah brei mboh bruk pasiam saong cak rok di kinh tế, dulich Ban raya HCM.

Tổng Thư ký Liên hợp quốc Antonio Guterres hu panuac ieu dom gah dalam bruk mesruh gauk di Ukraine padeih cuh, piah daong ka bhap bini hu siam mekre salamat  tabiak truh dom ban  song pandap dong pahla meda mai tal dom urang dok veik  di ban. Dalam tuk nan, sa kapul pasang iek di  Liên hợp quốc brei thau, meng di tuk  Nga peih  bruk taong tame Ukraine harei  24/2 meng bloh, hu takik di abih  364 rahra metai song  759 urang njauk rambuac.

Ngoại trưởng Mỹ Antony Blinken brei thau, Mỹ song dom taneh ia pambuak bruk di Âu dok pasang iek  jalan oh brei blei menyek di Nga tame, haong ndom lac makna prong di bruk khik tani tanat pabak xăng menyek di dunya. Dom puac ndom nan di ngoại trưởng Mỹ batabiak dalam tuk vak yaom xăng menyek tagok glong dalam adit tapa hadei di tuk  Mỹ song dom đồng minh tong phạt Nga kayua Nga peih bruk taong tame Ukraine.

Sa urang likei, angan lac Donnell Hunter di bang New Mexico, Tây Nam negar Mỹ bahrau tabiak sang iek ruak hadei di sa thun meteh tong ruak Covid-19. Ong Hunter uan tabuan oh ndom biai hagait hu tuk mai veik sang  hadei di labaih 18 bilan ndih iek ruak, saong dalam tukvak taong ruak nan, ong rilo meng brei suah yava meng jamriak. Javap jalei panuac tangi sua  di gah truyền thông, ong Hunter brei thau, tangin ong haong rilo labik karei dalam rup oh daok pandar hu. Kayua yau nan, ong brei ngak biak rilo kadha phục hồi chức năng, trị liệu ngôn ngữ, pasram mbang, pasram luan./.

Urang lang: A.Nghiem & H.Pha – 7/3/2022