Page ini 27/4, Kapol urang jakar Thành ủy, HĐND, UBND, UBMTTQ Việt Nam Ban raya HCM, Bộ Tư lệnh Quân khu 7, Bộ Tư lệnh Quân đoàn 4, kayua Ủy viên Mentri Chính trị, Bí thư Thành ủy TP.HCM Nguyễn Văn Nên ba kaok kapol mai cuh gilau, pok bingu paling kakuk dom amaik VNAH, dom anh hùng liet si di labik kubo liet si Ban raya HCM. Dom urang lambaok dang kandang hadar saong brei mboh hatung hatai thau dhar phol praong glong ngan haong dom amaik VNAH, dom Anh hung liet si nan lac dom urang var klak rup drei ka bebat tự do di taneh ia. Hadei di tuk pok bingu, cuh gilau, dom urang lambaok hu tame cuh gilau di yaok baoh kubo, lac labik ndih di jaik 14.500 anh hung liet si piah hadar tal saong thau dhar phol.

Pahadar 48 thun harei Peih paha gah maraong negar, yasa taneh ia (30/4/1975 - 30/4/2023), dah page ini (27/4) UBND tỉnh Tiền Giang peih bruk padang ngak tatua Tân Thạnh (xã Tân Thạnh, huyện Tân Phú Đông). Tatua Tân Thạnh hu padang tapa kraong Cửa Trung, atah labaih 359 mét, hu 9 nhịp. Abih tih jien buh tame ka danak dak lac labaih 145 tỷ đồng. Tatua Tân Thạnh hu padang ngak piah daong pabak pasaim bruk nao mai, pambuak jalan tỉnh 877B  haong xã Tân Thạnh, palagaih ka bruk nao mai di rahra, saong pajeng ba pandap panda.

UB bhap bini tỉnh Trà Vinh tacei pato dom gah chức năng, dom huyen, ban sit jhul samar bruk peih  phun jien ngak dom Danak dak pakat negar thun 2023. Tỉnh kham merat mbiah tal puac bilan 6 ini, peih phun jien ngak dom Danak dak pakat negar lac 50% saong 100% di puac thun. Urak ini, bruk peih ngak dom Danak dak pakat negar di tỉnh biak suai damuai, meng akok thun mbiah tal ini bahrau peih jien hu labaih 38 tỷ đồng, sumu labaih 6% bruk peih phun jien thun 2023.

UBND tỉnh Bình Dương ka oh mbaoh tangin tame harak brei yaom biyar jien ngan haong danak dak jalan Vành đai 3. Danak dak Vành đai 3 TP.HCM gah nao tapa Bình Dương atah labaih 26km, ngan haong yaom phun jien buh tame abih tih labaih 19.280 tỷ đồng. Dalam bruk pasang iek veik, brei ngak jalan peih yaom taneh, dom ban Thủ Dầu Một, Thuận An, Dĩ An meda payua tagok Sở Tài nguyên saong Môi trường pasang iek taong yaom harak yaom taneh. Kapul taong yaom yaom taneh tỉnh hu ginum biai brei tapa yaom taneh ngan haong labik ban Thủ Dầu Một saong Thuận An. Min kayua biar – glaong jang gauk di 2 labik nan ye Kapul taong yaom taneh tỉnh ka oh brei tapa.

Harei ini 27/4, Jabat Pato megru ban Đồng Xoài, tỉnh Bình Phước khan lac, hu 8 anek saih pakat tieu hoc di labik ini njauk jru mek pandap mbang. Dahlau di nan, sa anek saih bac tal 4, sang bac Tiểu học Tân Thành blei paok keo ahar langiu pabah mbang sang bac parabha ka 18 ayut mbang haong gauk. Sa mong hadei tuk mbang blaoh, 8 anek saih njauk jru mek kayua pandap mbang yau pandiak,  pandik tian, pandik akaok, gloh ta-oh. Hadei di nan, sang bac saong karja palei  ba dom adei tame Pasak iek ruak. Jabat Pato megru Ban Đồng Xoài hu panuac ieu dom sang bac patagok bruk pathau khan ka anek saih oh mek ahar di urang oh randap, oh blei keo ahar  gah langiu; pachreih amaik ame oh brei jien ka anek piah palaik njiak bruk dom adei blei pandap mbang, ia menyum  tuk oh hu pasang iek.

Mintri Y tế Malaysia daok kuhri kuhria  bruk pandar veik adat cuk pataik pacang mbaok di dom sang bac di dalam taneh ia piah plaih bruk tamuh tabiak gilac veik di jit ruak COVID -19 kayua biến thể Omicron XBB1.16 atau Arcturus. Tui gah y tế, dom pato tacei saong adat pacang caga jit ruak tui tanut chuan meda hu brei pandar dahlau di tuk sang bac peih pambah mbang gilac veik di harei 2/5 anak tal, kayua huak lac rilo anek saih meda njom ruak virus tuk nao du lịch dalam mbang padeih Hari Raya. Malaysia bahrau hu 12 urang njom ruak biến thể phụ bahrau di Omicron mboh lac hu prein njom pambak glaong di dom bang saong ban ine Kuala Lumpur.

Australia meda brei salih he thong nhap cu piah pakhang bruk taduan dom urang ngak hu ilamu glong. Karja lien bang brei thau, he thong  urak ini hu pandar piah palih ruah urang ngak di labik karei mai, naih joi bruk ngak, dalam nan hu pandar bài kiem tra kuhria điểm brei ramik pasiam piah brei thau lac dom urang hu ilamu lagaih haong kinh te taneh ia ini. Dahlau di nan, taneh ia ini  brei parilo urang nhap cu daok veik taneh ia ini tagok tal 195.000 urang dalam thun jien padai ini paih daong dom D.N langyah  bruk kurang urang ngak.

Tòa án Bhum Skukuza, tỉnh Mpumalanga (Nam Phi) hu kaoh duas  3 urng likei, abih tih lac labaih 100 thun daok guk kayua dom duas pambuak tal bruk man klaik di Mblang main negar Kruger Park. Tui kaoh duas di Tòa án, dom duas di dom urang nan hu gam bruk pametai 3 drei tê giác, pandar phao suan adat, khik piah phao ndao, sahaneng ngak suan. Urang ini njauk cap khik di bilan 11/2019 gam haong 2 urang ngak gam karei  klak nduac dauk hadei di tuk hu brei daok di sang.