Danak dak padang ngak jalan nduac samar Bắc – Nam gah Timun vaktu 2021 -2025

Biar harei 11/1, Mbang nyaom oh hu kuhria dahlau mbang ka sa, QH mbang XV ginum biai mbang tamat. Dalam mbang ginum biai tamat hu papar sap, papar binguk tapak piah cử tri saong bhap bini tui iek, dom urang QH meda yer tangin ka Sarak pandar jien, jien ndo piah daong Danak dak pasiam saong cak rok patagok kinh te - xa hoi; Hukum pasiam veik, pabak dom paka di Hukum Đầu tư tui jalan pambuak bruk cong tư, Hukum Thuế tiêu thụ đặc biệt saong Hukum ngak tui án dân sự. Dom urang QH brei yer tangin ka Sarak buh jien tame ngak Danak dak padang ngak jalan nduac samar Bắc – Nam gah Timun vaktu 2021 -2025; Sarak peih ngak iek dom jalan tacei ba, sarak đặc thù patagok ban Cần Thơ; Sarak mbang nyaom oh hu kuhria dahlau mbang ka sa, QH mbang XV.

Melam 10/1/2022, di ban Vĩnh Long, Festival Padai brah Việt Nam mbang ka 5 - Vĩnh Long thun 2021 ngan haong kadha “Ngak nong khang kajap – cak rok patagok haong urang nong” hu tamat hadei di 4 harei peih tabiak ngan haong rilo danak dak siam lagaih, pachreih hu labaih 30.000 mbang tuai mai rivang saong blei pandap. Di tuk tamat, mBan peih bruk Festival hu jao giải Nhất bruk pacacah Brah bingi angan je Việt ka Công ty cổ phần Tập đoàn Lộc Trời ngan haong janih brah Ngọc Trời Thiên Vương (LT28); jao giải Nhất bruk pacacah pandap bingi ngak meng brah – ndiuk Việt Nam brei Kapul urang kumei phường Tân Hòa, ban Vĩnh Long ngan haong har bánh ít trần hu 5 sambo mau.

Di var ginum biai di Mban tacei jalan pacang caga jit Covid-19 saong pasiam kinh te TPHCM rah tabiak tuk biar harei 10/1, lambaok Sở Pato megru Ban raya brei thau, bruk klauk jru vaccine nan lac sa dalam dom tieu chi ka bruk brei noa bac gilac tapak. Yau nan ye, tui ban raya brei cang klauk vaccine blaoh meng brei anek saih nao bac tapak lac oh njauk. Klauk vaccine tok lac sa dalam dom tanut saong bruk nai bac tapak gilac daok pambak tame rilo bruk karei. Urak ini, Ban raya HCM oh ka klauk vaccine ka anek saih tal bac 6 min Ban raya daok ba tabiak jalan ngak, caga dom bruk lagaih piah taduan anek saih bac tal 6 trun gialc veik tame bac tapak dalam tukvak anak tal.  

Tỉnh đoàn Bình Thuận pambuak haong Công ty Viet Vision saong Công ty Menard bahrau peih bruk “Pasiam veik saong pabak hijao glai sinh thái” di Labik khik ramik langik tasik Tà Cú, di Tiểu khu 300, xã Hàm Minh, huyện Hàm Thuận Nam, tỉnh Bình Thuận. Di pak ini, kapul dam dara hu mbaok tame pala labaih 1.000 phun sao jhuk angaok taneh praong labaih 2 ha taneh di labik khik ramik. Hadei di tuk pala blaoh, dom labik pambuak haong jabat chức năng dom labik tui iek, sangka saong raong praong phun tui dom binah glai pala blaoh. Bruk ngak ini daok dalam danak dak bruk ngak rahra “glai Việt Nam”, hu makna praong dalam bruk pacang caga glut jalieh, theik haluk, jhul samar bruk paralai patau piah ngak jeng haluk, ngak pasiam viek dom glai tamo, cak rok patagok phun hijao, khik caga glai, pacang caga biến đổi langik tasik.

Piah duh ka darak Tet Nguyên đán thun anek sak Rimaong, taneh pala binguk Đà Lạt – Lâm Đồng pala jaik 3.700 ha bingu yaok janih, hu jaik 1,4 tỷ dhar, tagok 3,9% dut saong tukvak ini thun 2021. Tui kuhria meng harei 14/1 anak tal lac harei 12 bilan mat, po bein brei paik bingu pajeng nao dom tỉnh piah sumu pablei darak Tet. Tui Sở NN saong PTNN tỉnh Lâm Đồng, thun ini hu biak rilo janih bingu, dom janih bingu ralo abih lac bingu cúc, bingu lily; bingu đồng tiền saong dom janih bingu karei tagok hasit taneh pala jeng yau bingu dut saong tukvak ini thun 2021.

Dalam mbang ndem biai haong Akaok Hội đồng châu Âu Charles Michel, hu peih tabiak di harei kabroi tui jalan papar thaot binguk, Tổng thống Kazakhstan Kassym-Jomart Tokayev brei thau, khat lahik kinh tế kayua srau kadau di taneh ia ini meda tagok tal 2-3 tỷ USD. Dom bruk taong paoh di kol khủng bố ngak brei metai lahik dom urang nao pasang iek hukum saong bhap bini, labaih 1.300 labik pablei salih njauk khut tayah, labaih 100 pasak pablei salih saong gilang pariak jeng njauk taong tame, labaih 500 radaih cảnh sát njauk cuh khuah. 

Mỹ saong 5 taneh ia di LHQ nan lac An-ba-ni, Pháp, Ai-len, Nhật Bản saong Anh harei 10/01 ba tabiak tuyen bo chung ndem puac ka bruk cuh iek tên lửa đạn đạo di Triều Tiên harei 05/01. Tuyên bố chung iew Triều Tiên brei kadun trun dom bruk ba tal sraw kadau, klaak danak tên lửa đạn đạo saong vũ khí paralai sumu rilo saong hu mbaok atme ginum biai hu makna piah ngak hu bruk oh hu hạt nhân tui bruk ba tabiak di dom sarak di Hội đồng bảo an. Ini lac jalan ngak piah hu salamat suai lavik di kaoh pulao Triều Tiên.

Israel hu dom urang njom virus SARS-CoV-2 glaong abih dalam tuk rajaei taneh ia ini daok brei pacadu dom bruk pacang caga jit. Di harei 9/1, Israel hu labaih 17.000 urang njom bahrau. Dom urang njauk tame sang iek ruak jeng tagok tal tanut 524 urang dut saong 338 urang di adit blaoh. Piah pacang caga biến thể bahrau, Israel hu padang ngak yaok pluh labik tacei ba saong dom pasak dut iek ruak di grauk labik dalam taneh ia, min urak ini dom labik ini rilo meng lac oh pabak hu prein caong yaok harei di bhap bini./.

Urang lang: Bhumi – Thu Thao – 11/01