2 huyen Cu Chi song Hoc Mon hu jeng patagok dalam harei anak tal 

Biar harei ini 12/4 di Ban raya HCM, Akok negar Nguyễn Xuân Phúc dang kaok Nyaom biai pachreih urang buh jien tame ngak mbang di 2 huyện Hóc Môn saong Củ Chi thun 2022. Bruk ieu da-a urang buh jien tame dua huyen ini piah ngak ka bhum Tây Bắc di Ban raya HCM hu jeng labik đô thị sinh thái, dich vụ, patagok CNCN glong, ngak nong tui jalan ilamu glong. Kuhria tal harei 16/3, hu labaih 55 danak dak hu 2 huyen ieu da-a buh jien tame tuk pachreih tame ngak mbang abih tih phun jien 12,5 tỷ USD, pataom tame dom gah yau: jalan mbak- ilamu ky thuat; ramik pasiam đô thị; cong nghiep, ngak nong, pablei salih - dịch vụ saong pato megru - ilamu - the thao.

Kapul jien bilan pakat negar ginum biai njauk gauk saong ba tabiak panuac caong tagok jien bilan takik di abih tui bhum meng harei 1/7/2022 di tanut 6% piah pok tagok Rajaei pasang iek, brei panuac.. Ong Ngọ Duy Hiểu, Phaok Akaok Tổng Liên đoàn lao động Việt Nam brei thau , tagok jien bilan di tukvak ini, gam piah daong ka urang ngak yam tapa kan kandah, gam lac prein pachreih ba piah patagok năng suất ngak bruk, daong ka doanh nghiệp siam veik samar, cakrok khang.

Ilamu nghe thuat hadar praong di bangsa Khmer huyen Thới Bình, tỉnh Cà Mau birau hu Mentri Ilamu - The thao saong Dulich ba tame harak angan inem krung ilamu phi vật thể pakat negar. Ini lac inerm krung ilamu phi vật thể pakat negar mbang ka 4 di Cà Mau saong lac inem krung ilamu phi vật thể pakat negar akok meti di bhap bini Khmer dalam tỉnh. 

UBMT negar VN ban raya HCM bahrau brei 50 pok jien daong jien bac da-a, yaok pok yaom 2 triệu đồng ka anek saih, sinh viên bangsa takik daok diukrai, bac da-a di tỉnh Đồng Tháp. Bruk ngak ini piah salam uan harei ilamu dom bangsa VN (19/4), rik daong klah rabha dom kan kandah haong dom adei anek saih, sinh viên bangsa takik, pachreih ba dom adei sahanang hatai bac da-a.

Tui kuhria dalam bilan 4 ini ban Cần Thơ peih bruk klauk vaccine pacang Covid-19 ka uranaih umo ala 12 thun. Pasak pasang iek ruak kik Ban Cần Thơ  ba tabiak jalan ngak piah caga saong pambuak haong dom puk palei vak angan uranaih umo meng 5 tal ala 12 thun piah klauk vaccine pacang Covid-19.

Sa pathau khan di Quốc hội Mỹ bahrau ba tabiak brei mboh lac, dom bruk cuh iek tên lửa bahrau ini di Triều Tiên yau piah patagok prein plaih nyaik dom hệ thống phòng thủ tên lửa di Mỹ hu ba tabiak caik dalam bhum. Min tui taong yaom ye prein khang biak biai di dom tên lửa Triều Tiên lac  “oh ka cambaih laih.”  

Yam ndoc Gah Urang kumei di LHQ Sima Bahous iew brei hu dom jalan ngak siam lagaih piah khik caga urang kumei saong uranaih di Ukraine. Muk Bahous jeng hu panuac iew brei padeih bruk mesruh gauk di Ukraine, gam brei thau lac uranaih di labik ini daok dang anak bruk eik lipa. Urak ini, hu tal meteh dalam abih tih 3 trieu 2 rituh ribau uranaih di Ukraine oh ginup pandap mbang piah diuk tapa harei.

Jabat pasang iek Pandap mbang menyum saong Jru tavao Indonesia brei padeih di anak meta bruk pablei taong abih dom pandap di Kinder, dalam nan hu baoh menuk ada Kinder Suprise piah pacang caga bruk njaom mbak di vi khuẩn Salmonella hu dalam socola. Hu thau, Singapore, Anh saong dom taneh ia châu Âu jeng tabiak bruk brei pataom mek veik dom pandap di Kinder. Tui Gah Y tế Dunya, vi khuẩn Salmonella lac 1 dalam 4 makna praong ngak brei ruak aih craoh di dunya./.

Urang lang: Ái Nghiêm- Mousaphuong- 12/4