Hu mbaok tuk peih parang iek hu ong Phan Văn Mãi, Ủy viên Trung ương Đảng

Dalam dom bruk ngak di Danak dak Harei pataom papar sap pakat negar mbang ka XV, bier harei 1/8, di Rayo sap ndem bhap bini Ban raya HCM hu peih parang iek “Jak jeng kinh tế xã hội TP.HCM” saong “Jak jeng cak rok patagok di Rayo sap ndem bhap bini ban raya”. Hu mbaok tuk peih parang iek hu ong Phan Văn Mãi, Ủy viên Trung ương Đảng, akaok UBND TP.HCM, lambaok urang par akaok Rayo sap ndem VN, lambaok urang par akaok Quân khu 7 haong urang par akaok dom mban, dom gah di TP.HCM. Bruk parang iek hu mayaih khan 60 blah thaot binguk gam haong rilo bruk rilo bruk ngak kinh tế praong hu angan, mayaih khan tapa dom bruk cak rok patagok kinh tế, chính trị, ilamo, xã hội di ban raya dalam dom thun jaik di ini. Abih di nyu nan lac dom kham marat biak praong saong hatai khang di abih hệ thống chính trị, bruk hu mbaok di abih rahra di TP.HCM dalam bruk pacang caga jit ruak COVID-19, pasiam veik kinh tế saong rilo bruk sanka, bruk ngak xã hội karei...

Harei 1/8, di Cần Thơ, Liên đoàn Thương mại song Công nghiệp Việt Nam (VCCI) peih bruk brei thau pathau khan  Kinh tế yaok thun bhum taneran krong Cửu Long (ĐBSCL) thun 2022 (AMDER 2022). Ni lac mbang ka 2 pathau khan Kinh tế yaok thun bhum taneran krong Cửu Long hu peih ngak song lac pathau khan ginup abih ka sa bhum kinh tế dalam taneh ia. Pathau khan tacei lac bhum taneran krong Cửu Long dang anak rilo tavak tavaiy prong dok dalam 3 jalan ngak: kinh tế, xã hội song môi trường. Dom cuang kandah ni, ngak patrun bruk patagok GRDP di bhum tanren krong Cửu Long bier, bahrau hu 5,31%/sa thun dalam tuk vak 2016-2020, bier di abih dalam 4 bhum kinh tế prong. Bruk ni lac, bhum tanren krong Cửu Long yaom lac, kaya meda gah drap ar , prein khang , min kandun likuh gah kinh tế.

Tuk mon 1 jala pandiak harei 1/8, rahtabiak bruk khuah di labik 231 phố Quan Hoa, quận Cầu Giấy, ban ine Hà Nội ba tal bruk biak trak damak ngak brei 3 urang jakar, urang lin Cảnh sát padam khuah Công an ban Hà Nội metai. Lambaok Rajaei, Thủ tướng rajaei, Phó Thủ tướng Thường trực Rajaei Phạm Bình Minh hu payua panuac klah rabha pandik harao tal gauk gar di sang dom urang jakar, urang lin njauk bala saong hu panuac tacei Mintri Công an, Ủy ban bhap bini ban Hà Nội peih bruk nao rivang, pachreih ba, hu jalan daong samar drah saong peih ngak ginup dom sarak ngan haong urang jakar, urang lin metai saong gauk gar, pato tacei dom kapul chức năng pataom tame ngak pasiam dom kan kandah saong pasang iek, ngak cambaih makna di bruk khuah, langyah dom bruk ngak suan tui adat hukum. 

Jalan pasang iek tapen negar tỉnh Tây Ninh hu buh jien tabiak ngak tuk vak 2017-2020, atah labaih 130km, nao tap dom huyện Tân Biên, Châu Thành, Bến Cầu song ban Trảng Bàng, haong yaom jien buh tame ngak abih tih labaih 1.169 tỷ đồng, kayua mban khik ramik danak daka jalan pasang iek tapen negar - Quân khu 7 ngak po đầu tư. Urak ni, jalan ni hu ngak salah bloh, min oh ka hu dom gah njauk gauk nghiệm thu. Min, yaom lac oh ka ba tame pandar, urak ni, jalan ni daok mbaih mbaoh trak, labaih 20km jalan nao tapa labik huyện Tân Biên hu rilo labik khut, ngak jeng dom lubang dalam, mbaok jalan bê tông nhựa daok mbaih mbaoh.

Harei 1/8, Jabat Cảnh sát pasang iek Công an tỉnh Bình Dương brei thau lac daok tabiak bruk pagui duah urang kumei ngak yam ndok pagam pambak tame bruk ngak meblah mek labaih 14 tỉ đồng. Amuk Trác Tú Vân, lac yam ndok Công ty TNHH kaya nong pandap panda Đức Thành di labik 225 Phạm Văn Chí, phường 3, quận 6, Ban raya Hồ Chí Minh hu pagam pambak tame bruk ngak di drei meblah mek drap ar, hu: 300 tấn asal caraih, 855 tấn mì lát hu khik piah di kho ấp Phú Thứ, xã Phú An, ban sit Bến Cát tapa bruk padang pandap nan piah masaiy 8,1 tỉ đồng saong 281.000 USD di Gilang paraik Eximbank – dhar Hòa Bình. Piah pabak ka bruk pasang iek, Jabat Cảnh sát pasang iek Công an tỉnh Bình Dương pathau khan haong jabat, kapul, manuac urang tuk hu khau tin pambuak tal amuk Trác Tú Vân njauk khan brei Jabat Cảnh sát pasang iek Công an tỉnh Bình Dương atau jabat Công an jaik di abih thau.

Harei 01/08, tui panuac khan di mintri pablei salih pakat dunya Anh, Rajaei negar ni brei adat pabak dịch vụ bảo hiểm song tái bảo hiểm kapan tasik, kapan haoh song dom bộ phận ka dom taneh ia pambuak bruk song Nga. Dahlau di nan, harei 21/7, dom jalan tong phạt gah hàng không Nga hu Liên minh châu Âu pacadu. Dong ilamu kỹ thuật dalam gah ni hu brei adat "dalam bruk njauk ngak, piah dong bruk di gah hàng không dân dụng dunya (ICAO) dalam bruk patagok dom ilamu kỹ thuật".

Sa urang kanja pakat glaong dalam rajaei Tổng thống Mỹ Joe Biden brei thau, taneh ia ini hu peih ngak jak jeng sa bruk pacang khủng bố pamaong tame sa urang par akaok pakat glaong di Al Qaeda di Afganistan puac adit bloh. Urang ini brei thau lac pametai hu urang par akaok pakat glaong di Al Qaeda, Ayman al-Zawahiri saong oh hu rahra halei njauk hagait.

Sa mbang cuh phao rah tabiak di saboh mesup 1/8 (tuk vak pak ni) di ban Ajax di tỉnh Ontario negar Canada ngak ka 6 urang tame sang iek ruak. Dom urang gaok bala hu 3 urang likei song 3 urang kamei, dalam nan hu sa urang njauk trak , 5 urang dok veik njauk rambuac, min oh kan kandah hagaih. Cảnh sát oh brei thau ka nghi phạm, urang dok njauk pagui duah hadei di tuk nduac dauh dalam sa sruh radaih 4 labik ./.

Urang lang: Hani Pha & Thu Thao – 02/08