Bier harei kabroi (19/9), di Jabat Akaok negar, Phó akaok negar Võ Thị Ánh Xuân taom gaok Kapul urang lambaok dom urang angan je di tỉnh Lào Cai dalam bruk pacacah gauk ngak tui panuac Wa. Dalam mbang pacacah biak hu makna piah pahadar 65 thun harei Wa nao rivang Lào Cai, dalam tinh hu pok mayaom 668 kapul, manuac urang hu angan je, naih joi ngan haong rilo jalan ngak gheih dalam bruk bac taa saong ngak tui Wa. Phó akaok negar caong khin tỉnh Lào Cai patagok hatai jumpataom gauk, gam tui di nan jeng hu dom sarak, jalan ngak daong lagaih saong pamadeih hatai kham merat di mikva yam tagok meng dua plak tangin di drei, ngak habar piah ka mikva bangsa hu samu gauk saong hu mbang tui dom jak jeng cak rok patagok di taneh ia, palei negar.

Dalam harak tacei pato jalan ngak thun bac 2023 - 2024 di gah pato pakai bangsa, Mintri Pato Megru tacei lac taong abih anek saih dom sang bac, tal bac bán trú saong bangsa gam bac gam daok brei hu pathau khan ilamu diukrai, bruk likei kumei, saong bruk samu gauk di likei kumei haong asal kadha saong tukvak lagaih haong umo thun. Tui nan, Mintri Pato Megru ieu brei patui jalan ngak tui Sarak 1898 di Thủ tướng Rajaei brei peih ngak Danak dak “Daong bruk likei kumei samu gauk di bhum DTTS tukvak 2018 - 2025”. Sangka bruk pato pakai jalan diukrai siam mekre, pato pasram ilamu diukrai,  thau ka menuac sia, puk paga, tacei pato adat hukum ka anek saih tapa dom bruk pato pakai, abih di nyu lac sangka tal anek saih bán trú daok sit umo thun saong daok atah amaik ame, patagok bruk khik caga siam mekre salamat sang bac. 

Trung ương Kapul urang kumei Việt Nam pambuak haong Kapul urang kumei tỉnh Bình Phước bahrau peih Harei pataom “pambuak pandap panda – patagok kaya di dalam bhum palei”. Dom bruk ngak dalam harei pataom hu pambuak pagam, daong ka urang kumei padang mbang ngui, daong ka dom doanh nghiệp, hợp tác xã, labik ngak mbang, pablei salih kayua urang kumei khik ramik, abih di nyu nan lac urang kumei bangsa takik. Gam tui di nan, Harei pataom daok ba mai ka dom urang kumei dalam kapul hu ba drei tame, bac magru ilamo dalam bruk pambuak pandap panda, tapa nan hu rilo ilamo piah pato veik ka dom urang dalam kapul, daong ka bhum palei, abih di nyu nan lac adei saai kumei mikva bangsa takik cak rok patagok kinh te dalam sang.

mBan Bangsa tỉnh Trà Vinh tuk halei jeng jhul khang bruk pathau khan tal urang hu angan je dalam bhum bangsa takik, dom ong bhik dang akaok saong mBan khik iek dom baha Khmer dalam tỉnh. Danak dak piah ngak brei cambaih laih dom asal kadha, pato pakai adat hukum saong pathau khan, jak ba urang bangsa takik daok dalam danak dak pakat negar patagok KTXH bhum urang bangsa takik saong bhum ceik. Asal pathau khan pataom tame Sarak di Tỉnh ủy ka patagok abih gah bhum urang bangsa Khmer vaktu 2021 – 2025 saong bruk peih ngak sarak pato pakai bhum urang bangsa takik dalam tỉnh.​ 

Bier harei sup kabroi, kayua hajan khang njauk tuk abih mon ngak bruk, anek saih peih bac nan ye bruk nao mai di rahra di TP.HCM gaok kan kandah, rilo labik rahtabiak bruk gar radaih, jalan mbak nao mai sarau kadau. Hajan dui atah ngak ka yaok jalan di dalam dom Quận 3, 7, Gò Vấp, Tân Bình, Bình Tân saong dom huyện langiu ban yau ye huyện Bình Chánh, Nhà Bè… rahtabiak bruk ia dauk di dom labik, dom sruh radaih nao mai gaok kan kandah. Rilo phun praong tabuac gha, pacang gar jalan. Tui Jabat kuhria mboh dahlau bruk langik tasik bhum gah Maraong negar, TPHCM daok tame bilan hajan, bruk hajan khang meda rahtabiak rilo jang, rilo meng lac di bier harei sup. Tui kuhria bier harei sup melam ini, gah meraong negar daok hu hajan rabuk di dom labik.   

Harei ini (20/9), Tổng Thư ký Liên hợp quốc Guterres pan akaok nyaom biai pakat glaong abih ka bruk khí hậu piah pachreih dom taneh ia di dunya, dom rajaei, dom doanh nghiệp jhul samar dom kham merat ngak salah bruk mesruh pacang biến đổi khí hậu lac ba nerak tathuak  mai 0% di thun 2050 saong bruk pandiak tagok di baoh taneh oh tapa 1,5 độ C. Nyaom biai lac sa bruk hu makna praong gah chính trị piah brei mboh hatai di abih gauk dalam bruk jhul samar bruk ngak ka nyu lagaih haong langik tasik. Ini lac bruk ngak dalam adit pakat glaong saong mbang ginum biai pakat glaong dalam Đại hội đồng Liên hợp quốc Khóa 78 hu peih tabiak harei kabroi di jabat Liên hợp quốc daok di New York, Mỹ, hu mbaok di labaih 150 urang pan akaok dom taneh ia atau urang dang akaok rajaei.

Amuk Paetongtarn Shinawatra, anek kumei taluac di Thủ tướng dahlau deih ong Thaksin harei kabroi hu brei thau lac amuk halain hatain taduan ngak akaok Đảng Kayua negar Thái, đảng pan akaok liên minh pan quyen urak ini, mayah hu pilih ruah. Ndom puac anak gah truyền thông di tuk pahadar 16 thun harei Padang Đảng Kayua negar Thái, amuk Paetongtarn brei thau lac amuk tuk halei jeng caong khin buh prein yava tame ka bruk praong tagok khang kajap jang di Đảng Kayua negar Thái. Nan ye, amuk halain hatain taduan yaok bruk ngak halei, dalam nan hu gam bruk Akaok Đảng, mayah taduan hu bruk jia tame di rilo urang đảng. Dahlau di nan, amuk Paetongtarn hu Thủ tướng Srettha Thavisin pok tagok ngak Phó Akaok Ủy ban Jalan ngak Quyền lực lamar negar hadei di tuk Rajaei bahrau di Thái Lan tame bruk ngak.

Di taneh ia Dom tiểu vương quốc Arab Thống nhất (UAE), sa bruk ngak praong pachreih ba menuac sia ngak veik nerak klaak meng katak daok hu peih ngak haong rilo jalan ngak bahrau. Ong Jerome Viricel – Yam ndok điều hành Cty Recapp Veolia brei thau: Cty brei teik pandap ngak veik di yaok urang, meyah trak 3 kg, urang taduan hu 3.000 điểm. Saong meng 3.000 điểm tagok lac meda salih mek dom thẻ trun yaom di rilo pandap hu angan praong daok hu pablei urak ini daok pambuak bruk haong Cty. Dom Tiểu vương quốc Arab Thống daok pamaong tal bruk klaak abih dom labik lam nerak, tui nan, taong abih dom nerak jeng hu ngak veik./.