Dalam bilan 6/2022, rilo sarak bahrau pambuak tapak tal rai duik di bhap bini hu ba tabiak pandar. Tui nan, meng harei 1/6/2022, bhap bini meda likau ngak passport phổ thông (oh pagam chíp) tapa Cổng Dịch vụ công Mintri Công an, bayar  jien tui jalan online, taduan  passport tapa  bưu chính atau di jabat khik ramik xuất nhập cảnh. Meyah bhap bini oh pandar hu  dịch vụ công pakat 4 atau khin  nộp hồ sơ tapak  ye pandar jalan tut angan tame, taduan mek, langyah, ngak harak passport yau urak ni.

UBND ban Cần Thơ bahrau brei tapa 16 adat ka bruk neh raba mblang taneh, pataom taneh saong mblang taneh hu adat brei neh raba ngan haong dom janih taneh lac taneh daok, taneh oh ngak nong oh njauk lac taneh daok, taneh ngak nong saong bruk ngak di dom jabat, kapul nyaom, manuac urang. Ngan haong taneh daok, mblang taneh takik di nyu hu neh raba di dom phường, ban sit lac meng 40 m2 tagok, di dom xã lac meng 60 m2 tagok. Ngan haong taneh oh ngak nong oh njauk lac taneh daok, mblang taneh praong takik di nyu hu neh raba lac meng 200 m2 tagok, praong, atah di mblang taneh praong jang atau samu 4 m...

Tỉnh Bến Tre daok peih bruk dong jien pah sang ka urang ngak tui sarak  ka  08 di Thủ tướng rajaei. Urak ni,  Bến Tre hu labaih  18.500 urang ngak dok pah sang  trọ hu dong jien  meng  500 ribau đồng tal 1 triệu đồng/sa urang, sa bilan. Tui kuhria, abih tih jien dong  ka urang ngak lac labaih  33 tỷ, 300 triệu đồng.

  Tui mBan pasang iek pok thầu J2 danak dak jalan nduac samar  Bến Lức – Long Thành, danak dak oh ka peih ngak ye  njauk palai khut , co klaik. Dalam nan, rilo talei  điện truac hadah, blah pacang tanyak, pandap  an toàn giao thông njauk lahik. Rilo blah pacang tanyak di jalan phân cách hu ngak dahlau di nan, jeng njauk taoh talaih. Dom geng gom truac hadah jeng njauk janh khut, tasuak talei điện hu caik gah dalam. Bruk co klaik  vật tư, dom pandap khik caga siam mekre giao thông mangaok jalan nduac samar biak kan kandah ka dom radaih peih nduac tuk ba tame pandar.

Meng di puac bilan 3, ia di bhum gah angaok kraong Cửu Long tagok glaong jang tukvak ini thun blaoh meng 20 tal 30 cm. Abih di nyu nan lac di Bilai quan trắc thủy văn ban Hồng Ngự, tỉnh Đồng Tháp, tanut ia duk hu dalam harei 29/5 lac 1,6m. Tanut ia di dom bilai akaok halau karei jeng glaong jang tanut kuhria rah tapa rilo thun. Tui panuac brei thau di dom urang ilamo gah kuhria mboh dahlau bruk langik tasik, tanut ia di dom kraong di ĐBSCL meda khik tani tanat di tanut glaong dalam tukvak anak tal. Bruk ini daong khik hu ia pruh tani tanat ka labaih 1 triệu ha padai Hè Thu di miền Tây.

Liên minh châu Âu (EU) bahrau ni brei mboh hatai huac kanda ka bruk gah bol bala  Iran chap khik 2 kapan  pajeng menyek di  Hy Lạp bo oh khan brei thau cambaih laih dom bruk ngak suan. Urang brei panuac di lambaok pakat glong iek gah sarak an ninh song đối ngoại di  EU hu panuac ieu karja  Iran samar tabiak panuac brei thau cambaih makna di nyu, plaih ngak ka bruk catang tagok.

Công ty ngak dhang praong abih di dunya kayua Rajaei  Ấn Độ pan akaok meda blei meng negar langiu tame dhang nhiên liệu piah pandar ka công ty ngak dien di taneh ia ini. Ini lac mbang akaok meti meng di thun 2015, Công ty dhang Ấn Độ blei tame dhang nhiên liệu, piah plaik bruk rahtabiak veik bruk cacak điện trak damak abih yau di tuk bilan 4 meng bloh. Ấn Độ tui kuhria meda gaok bruk kurang dhang praong abih dalam quý 3 ini kayua caong pandar điện glaong jang, ngak haduh hatai ka bruk lahik điện rah tabiak rilo jang.

Dang anak bruk mbuan si meda rah tabiak jit kum mùa song  Covid-19 tuk bilan liar dok jiak si tal, Karja 4 bang di  Australia  pabak brei saoh  vắc-xin pacang ruak  kum mùa ka yaok rahra. Hadei di labaih 2 thun peih bruk paatah di gauk piah pacang cakak jit prong  Covid-19, dom urang ruak kum mùa hu trun khang di Australia. Min, tuk dom jalan pasang iek jit Covid-19 hu yah klaak ye dom urang ruak kum mùa dok tagok gilac veik./.

Urang lang: Thu Thao & H.Pha - 30/5/2022