Bình Dương urak ini  dang ka 2 dalam taneh ia ka bruk dui pachreih phun jien buh tame meng negar langiu, hadei di Ban raya Hồ Chí Minh; thun 2022 ini, Bình Dương brei jhul samar drah bruk peih praong mblang taneh di labik ngak kong tui quy hoạch. Tỉnh Bình Dương urak ini hu 34 labik ngak kong hu Thủ tướng Rajaei brei quy hoạch. Tal urak ini hu padang ngak 29 labik ngak kong saong ba tame ngak 27 labik ngak kong, dalam nan hu labaih 88% daok ngak bruk. Njauk ndom tal di abih lac Tổng công ty Becamex IDC lac doanh nghiệp praong abih ngan haong 5 labik ngak kong praong lac labik ngak kong Mỹ Phước 1,2,3, Thới Hòa, Bàu Bàng. Thun 2022, Bình Dương meda jhul samar drah peih praong mblang taneh di labik ngak kong tui jalan quy hoạch hu Thủ tướng Rajaei brei ngak.

  Tuk tết nguyên đán ni, bruk blei dom janih har  kẹo song dom pandap mbang tagok glong, kayua yau nan ye, dom doanh nghiệp di  tỉnh Sóc Trăng dok jhul khang bruk ngak dom pandap ni piah samar  pabak ka drak pasa pablei ka urang pandar. Gam song nan, bruk khik kajap hacih saat pandap mbang tuk halei jeng hu dom labik ngak, dom doanh nghiệp iek prong . Bahrau ni, Ủy ban bhap bini tỉnh Sóc Trăng hu tacei pato dom pakat puk palei caga dom janih pandap pablei Tết sak rimong  song yaom pandap panda tui kuhria labaih 500 tỷ đồng, dalam nan hu brah dom janih, dom pandap that, gam song dom janih pandap panda karei yau saradang, ia tasau, har kẹo.

  Urak ini, bruk njom mbak jit ruak di tỉnh Cà Mau jeng daok rahtabiak sarau kadhau, hu rilo urang njom ruak dalam rahra, dom urang njom Covid-19 taong ruak di sang dak harei dak tagok jang. Piah jhul samar bruk khik ramik, pathau khan saong tacei jalan ka urang njom Covid-19, Sở Y tế pambuak haong Viễn thông Cà Mau padang ngak phần mềm khik ramik urang njom Covid-19 di dom labik taong ruak saong urang taong ruak di sang. Dom urang njom ruak Covid-19 meda hu pathau khan online tapa phần mềm “Khik ramik urang njom ruak (F0)”.

Anak bruk rilo amaik ame hu anek meng tal 1 tal tal 6 oh khin ka anek mai veik sang bac hadei di tuk  Tết Nguyên đán yau panuac ba tabiak di Sở pato megru ban raya.HCM, ong Trịnh Duy Trọng, Akaok jabat ngak bruk  chính trị Sở pato megru ban raya .HCM brei thau, bruk brei ka dom anek saih meng tal 1 tal tal  6 mai veik sang bac hadei di  Tết Nguyên đán tui bruk halan hatain. Meyah, amaik ame anek saih oh pachreih tui bruk brei ka anek nao bac, dom uranaih ni jeng dok brei bac online  tapa internet, angaok  tuyền hình atau tui jalan jao bài… Sở pato megru ban raya hu tacei pato cambaih laih piah dom sag bac peih ngak.

Tỉnh Hậu Giang bahrau ba tame pandar gilai du lịch Xà No, ini jeng lac gilai camriep hu buh jien tame ngak di ribaong Xà No. Di mangaok gilai, tuai hu mbang dom pandap di puk palei,hu maong iek Đờn ca tài tử Nam bộ - Inem krung ilamo oh maong mboh di menuac sia dunya. Pandap panda dịch vụ du lịch biak gheih di bhum kraong ia ini meda lac sa bruk praong, biak karei ka du lịch Hậu Giang, rik daong yaih bhum taneh saong anek manuac urang Hậu Giang tal ayut sahabat, tuai damuai dalam saong langiu di taneh ia, tapa nan ngak brei hu rilo jang dom janih du lịch manuac ngak.

Negar Áo jeng sa taneh ia camreip abih di châu Âu brei tapa bruk pacap klauk  vaccine ka rahra umo meng mangaok 18 thun meng kreih bilan 3 tal. Bruk nan hu ngak ngan saong rahra umo mangaok 18 thun, daok dom urang umo meng  14-17 meda eng drei khin klauk atau oh. Bruk nan jeng oh pandar ka urang kumei metain saong dom urang kayua njauk ruak karei oh klauk hu. Dom menuac urang njuak klauk vaccine bo oh klauk, meda njauk tong phạt, yaom jien phạt meng  600 - 3.600 euro. Akaok mintri  Y tế liên bang Áo ndom lac,  bruk pacap klauk vaccine lac bruk brei mboh talei jum pataom gauk di bol bhap rahra.

Sa kapul bác sĩ sang bac Y Heersink dalam Sang bac ĐH Alabama di Birmingham (Mỹ) ngak hu mbang ka 2 ghép thận di pabui ka anek manuac. Dalam mbang pagam ini dom bác sĩ hu pagam 2 baoh thận di sa drei pabui biến đổi gene tame dalam rup di urang likei umo 57 thun njauk metai glo akaok. Dom urang chuyên môn caong lac bruk cấy ghép tung pruac karei janih ini meda langyah ka bruk kurang tuang pruac alin brei meng lavik mai. Urak ini jaik 107.000 urang Mỹ daok caong hu pagam tạng, yaok harei hu 17 urang cang pagam tạng metai.

  Tháp giáo đường di Jam, sa gilang dakrai hu yaom glong hu meng 800 thun dahlau di  Afghanistan, njauk khut khat  hadei di 2 mbang  megei boh taneh rah tabiak  di akaok adit ni song dok mbuan si jaleih. Thun 2002, Tháp giáo đường di Jam song di chỉ khảo cổ pagam tal danak dak padang ngak ni hu jeng labik camereip di Afghanistan hu UNESCO ba tame angan inem krung dunya. Tòa tháp hu padang ngak di abap 12,  Giáo đường ini dok di sa labikk hu jalan tame kan kandah, kan nao jaik hu, rah tui krong  Harirud./.

Urang lang: Thu Thảo & H.Pha – 22/1/2022