Hu mbaok di Nyaom biai ilamu 2023 piah duah jalan padang ngak ilamu saong anek manuac  dalam vaktu birau di tỉnh Bình Phước rah tabiak page ini 11/8, Bí thư Trung ương Đảng, Akok Mban Tuyên giáo Trung ương Nguyễn Trọng Nghĩa caong lac, tukvak anak tal, Bình Phước brei caga dahlau, kham merat ba drei tame dunya ka ilamu saong padang ngak Bình Phước hu jeng labik biak gheih ka bruk pataom ilamu; ngak tabiak rilo pandap ilamu, pandap dulich asar chat luong glong ndung bak ilamu, anek manuac Bình Phước, pamong tal  bruk dak padang Bình Phước  jeng labik  biak gheih mekre pachreih  tuai damuai dalam saong di dunya. Tapa nan , Gilang tapuk tỉnh Bình Phước  parang iek labaih 1.000 baoh tapuk  ngan haong rilo janih  tapuk cih vak ka Chu tich Ho Chi Minh, ilamu tỉnh Bình Phước…

Tỉnh Sóc Trăng bahrau peih bruk pok meyaom urang ngak kinh tế joi, mbang ka 4, tukvak 2018-2023. Urak ini dalam tỉnh hu labaih 137 rabau menuac dalam Kapul urang praong thun, dalam nan hu jaik 33 rabau urang praong thun ngak kinh tế di dom gah… Urang praong thun ngak mbang pablei salih naih joi hu ba bruk ngak mbang ka labaih 21 rabau urang ngak dalam palei, daong patruh eik patrun kathaot. Bruk urang praong thun ngak kinh tế joi hu daong tame bruk salih jalan ngak kinh tế, pandar ilamu công nghệ bahrau dalam ngak mbnag, pablei salih.

Mentri jalan mbak pajeng ba birau hu harak javap calei cử tri Ban Cần Thơ ka bruk buh jien tame ngak jalan pasei peih drah samar TPHCM - Cần Thơ. Tui nan, danak dak jalan pasei  TP.HCM - Cần Thơ hu ngak praong, tui kuhria oh ka ginup abih, yaom jien buh tame ngak abih tih lac labaih 7 tỷ USD, yau nan ye njauk brei roh duah tani tanat, taong abih gah. Dahlau di nan, cử tri Ban Cần Thơ  pok panuac tagok Mentri Jalan mbak pajeng ba  samar  brei buh jien tame peih ngak jalan pasei cao tốc TPHCM – Cần Thơ piah lang talaih  kan kandah dalam bruk pambuak jalan nao mai, trun jien buh tame ngak tabiak pandap, paglong prein meraik gauk saong ba pandap tabiak darak pasar pablei.

TPHCM daok ngak harak dự thảo pathau khan tagok pakat angaok ka bruk patabiak yaom pajeng tuai angaok jalan pasei Đô thị ka 1 TPHCM (Bến Thành-Suối Tiên). Tui kuhria, yaom harak meng 12.000 đồng tal 18.000 đồng yaok mbang. Piah pachreih urang pandar jalan pasei đô thị, Sở jalan mbak pajeng ba ban raya likau buh jien di kadung jien karja ban raya daong taong abih yaom harak pandar jalan pasei đô thị ka dom urang dalam sarak karja saong uranaih umo mala 6 thun.

Piah pakhang bruk pacang caga taong cap ikan suan hukum, oh khan brei thau, oh tui bruk ba tabiak di IUU, Bà Rịa-Vũng Tàu brei duah thau, langyah dom gilai ikan di tasik  oh hu pambuak mac jamraih  tui iek. Meng kaok thun tal ini, gah chức năng taong phạt  hành chính 27 urang di 45 gilai ikan, kuhria mboh labaih 3,6 tỷ đồng; mek veik 21 văn bằng, chứng chỉ peih gilai ikan.

Hà Bắc, sa dalam dom labik gaok kan kandah trak kayua hajan ia sua meng rabuk Doksuri di Trung Quốc tal urak ini ngak brei 29 urang metai, 16 urang lahik. Langiu di nan, jaik 4 triệu urang gaok kan kandah kayua ia sua, 319.700 ha njam patam khut, jaleih. Khat lahik kinh tế tagok tal jaik 96 tỷ nhân dân tệ (samu jaik 133 tỷ USD). Dalam tuk nan, Đài Khí tượng negar Trung Quốc daok tabiak tanut cảnh báo rabuk sambo màu hijao di mesup ini, tuk rabuk Khanun daok nao tui jalan Tây Bắc tui kuhria nyu tame tỉnh Liêu Ninh di melam ini (11/8).

 Urang jakar Mianma brei panduan ba labaih 18.000 bhap bini di bang Kay-in, gah meraong taneh ia ini piah plaih njiak ia dauk ia sua. Urak ini, ia di dom kraong di bang ini sre tapa ar, ia kraong tagok glong mbuan rah tabiak bala. Karja bang Kay- in brei padang rilo labik daok tạm trú, brei panduan ba bhap bini daok tapen kraong saong di dom labik dhong mbuan gaok bala. Urak ini, ia di 6 kraong nduac grauk negar Mianma tagok tapa tabung glong rah tabiak bala kayua hajan dui atah dalam rilo harei tapa.

Mỹ saong Iran ginum biai njauk gauk dalam bruk palao tabiak dom urang Mỹ njauk guk daok kreik di Iran, salih veik Mỹ brei peih talaih dom pok jien di Iran daok njauk pacang veik. Tui nan, tuk dom rahra Mỹ hu peih palao saong mai veik taneh ia, karja Mỹ jeng brei peih palao dom urang Iran daok njauk guk kayua ngak suan bruk taong phạt Iran. Langiu di nan, Mỹ jeng brei peih talaih jaik 6 tỷ USD di Iran daok di Hàn Quốc saong payua yaom jien ini tame sa tài khoản di gilang pariak negar Qatar, piah khik kajap hu bruk pandar jien ka dom gah, dom bruk oh njauk taong phạt./.