Bitcoin oh njauk lac jien biyar tui njauk adat hukum di taneh ia Việt Nam

  “Bitcoin, dom janih dreih yau jien ảo piah brei thau nan oh njauk lac jien tui njauk adat di hukum, oh njauk lac jien điện tử, jeng oh njauk lac jien biyar tui njauk adat hukum di taneh ia Việt Nam”. Ini lac panuac brei thau di Phó Thống đốc Thường trực NHNN Đào Minh Tú di mbang họp báo Rajaei yaok bilan di bilan 7 peih tabiak di bier harei kabroi (03/08). Piah brei mboh dom kan kandah ngan haong dom kapul nyaom, manuac urang hu mbaok tame ma-in, pablei salih jien ảo, meng bilan 2/2014, Gilang paraik kanja hu pathau khan rilo tapa roh duah dom adat di dom taneh ia piah thau cambaih jien ảo, jien Bitcoin lac yau habar. Meng di dalam bilan 4/2014, Gilang paraik karja jeng hu pathau khan Thủ tướng Rajaei hu sarak ka 10 saong patui di nan lac Gilang paraik Kanja hu sarak ka 02 pato tacei dom gilang paraik peih ngak dom bruk giao dịch khik tani tanat oh caik rahtabiak dom bala saong pambak tame jien ảo deih yau dalam dom bruk giao dịch.

Di var họp báo rajaei yaok bilan di bilan 7 rah tabiak di melam 3/8, di Hà Nội, Trung tướng Tô Ân Xô, Chánh văn phòng Mintri Công an ndom lac: “Mintri Công an hu pabak labik ndih tapui di rahra tame binah bị chú di passport, meyah tuk khin, bhap bini meda tal Cục Quản lý Xuất nhập cảnh atau jabat lambaok Việt Nam di negar langiu, piah pabak labik ndih tapui tame labik bị chú”.

Harei 3/8, di huyện Long Thành (tỉnh Đồng Nai), Phó akaok Ủy ban Kinh tế Quốc hội Nguyễn Minh Sơn ba akaok kapul ngak bruk nao pasang iek labik tái định cư saong labik padang ngak mblang kapar haoh Long Thành. Urang par akaok kapul ngak bruk hu mboh dom kham marat dalam bruk jao mblang taneh padang ngak di tỉnh Đồng Nai, huyện Long Thành saong ACV dalam bruk padang ngak dom danak dak padang ngak mblang kapar haoh Long Thành, yaom lac gaok rilo kan kandah kayua langik hajan saong jit ruak Covid-19 dui atah. Urak ini dom po thầu daok samar drah peih ngak dom danak dak san nền saong tathuak ia di dom labik padang ngak di mblang kapar haoh, mblang pataok di kapar haoh, labik danak dak thành phần saong abih di nyu nan lac pataom iamraik, pandap panda, manuac urang piah ngak labik cọc saong labik nhà ga di tuai damuai. Tui kuhria, tal bilan 12- 2022, Tổng Công ty Hàng không Việt Nam meda padang ngak jalan par trun, jalan nduac di kapar haoh, labik pataok kapar haoh saong tui kuhria meda ngak salah di bilan 12- 2024.

Tal harei 3/8, ban raya Hồ Chí Minh hu 262 labik klauk vaccine pacang Covid-19 ka bhap bini, dalam nan hu 157 labik klauk ka uranaih meng 5 tal ala 18 thun song 82 labik klauk di sang bac song 75 labik klauk di dom labik y tế. Anak bruk dom urang njom Covid-19 dalam ban daok tagok dalam adit, dalam tuk bruk klauk mbang hadar di uranaih meng 12 tal mala 18 thun dalam ban dok beir, Ủy ban bhap bini ban raya Hồ Chí Minh palih bilan 8 lac bilan tabung glong klauk vaccine pacang Covid-19 ka uranaih.

Bier harei 3/8, tui khau tin meng urang par akaok Ủy ban bhap bini xã Hòa An, huyện Krông Pắc, tỉnh Đắk Lắk, di dalam xã bahrau rahtabiak bruk mblung ia ngak ka 2 kamuan metai. Tui bhap bini di pak ini brei thau, dahlau di tuk rahtabiak bruk biak pandik harao, 2 kamuan tabiak labik mblang hamu di gah likuk sang ma-in. Pak ini, dom kamuan oh patuah blait takai laik trun danao ia dalam. Hadei di tuk rahtabiak bala, karja palei hu mai rivang saong daong ka sang kuhria bruk ngak ndam metai.

Harei kabroi, CanaDa hu chap mek dom janih di phao ndao hu in 3D payua tame taneh ia ni, tui jalan bưu điện dunya.  Theo cảnh sát pak ni, bruk chap khik rah tabiak di Vancouver song Toronto. Urakni, cảnh sát dok duah chap dom urang ba tame dom phao ndao ni. Phao ndao in 3D hu dom urang jakar Ca-na-đa ieu lac phao jin , kayua oh hu sê-r, yau nan ye kan duah tabiak kol tội phạm tuk pandar.

Harei kabroi, Nhật Bản hu jaik 250 ribau urang njauk COVID-19 bahrau, tanut glaong abih meng dahlau mai di taneh ia ini. Ini lac harei ka 2 gam gam taneh ia ini brei thau lac hu labaih 200 ribau urang njauk COVID-19 yaok harei. Dahlau di nan, di Nhật Bản lac 233 urang njauk COVID-19 dalam harei hu mboh di harei 30/7. Bruk dom urang njauk COVID-19 tagok samar daok ngak ka gah y tế Nhật Bản tapa prein. Meng di puac bilan 6 tal urak ini, jit ruak COVID-19 tamuh tabiak khang gilac veik di Nhật Bản, rilo meng lac kayua bruk hu mbaok di BA.5 – biến thể phụ di Ô-mi-crôn.

Phaok thủ tướng ka 2 di rajaei kayua Taliban pal akaok di Afganistan, Abdul Salam Hanafi harei 3/8 hu panuac chỉ trích Mỹ ka bruk tong tame meng kapan haoh oh hu menuac peih, pametai urang dang akaok di Al-Qaeda lac Ayman al-Zawahiri. Bruk ni, meda ngak ka talei rohim di karja Taliban song dunya trun biar jang./.

Urang lang: Hani Pha & Thu Thao – 04/08