Blah web tut angan Taong yaom prein bac mbang ka 1 di Sang bac Đại hoc negar TP.HCM kareik veik di maong 12 melam 4/3 ngan haong labaih 96.070 anek saih tut angan tame, dalam nan hu 94.315 anek saih hu ngak salah adat kak jien piah pakacah. Ini lac mbang pakacah taong yaom prein bac hu anek saih tut angan tame glaong abih kuhria meng thun 2018 tal urak ini. Mbang pakacah meda hu peih tabiak di harei 7/4 di 24 tinh, ban meng Đà Nẵng tame. Urak ini hu labaih 100 sang bac đại học, cao đẳng pandar bruk pakacah di mbang ini ngak sa dalam dom jalan pilih ruah, dalam nan hu 97 sang bac đại học.

Yaom lac hu panuac brei thau lac bhum ĐBSCL daok tame tabung glaong bilan pandiak thu, ia mbak njaom tame khang, min kayua yaom padai jeng daok glaong nan ye rilo urang ngak nong jeng daok tam, drak bilan padai patui di nan yaom lac bahrau yuak blaoh. Anak bruk nan, Jabat mBan Chỉ huy Pacang caga bala meng langik tasik – daong duah urang njauk bala tỉnh Hậu Giang hu panuac ieu gah chức năng saong dom puk palei tacei pato gah chuyên môn tui iek, caga pacang. Kakei bhap bini oh mek ia tagok hamu ka dom mblang padai metian, tasak, bhian tui iek mbak langiu kraong praong, ngak đập thời vụ di dom labik pabah kraong piah pacang mbak, khik taba, khik caga bruk pala drak, patrun patakik di abih dom khat lahik.

Yaom lac danak dak pasiam veik, peih praong ribaong Chợ Gạo (tukvak ka 2) di huyện Chợ Gạo, tỉnh Tiền Giang hu ngak salah min tal urak ini jeng ka oh padang ngak ginup dom labik tái định cư tui adat. Rilo baoh sang rahra yah klaak abih daok gaok kan kandah ka labik daok. Danak dak ini gam tal 633 baoh sang rahra, dalam nan hu jaik 80 sang njauk rami ramik veik labik tái định cư tui adat. Tui Mban khik ramik danak dak saong Cak rok patagok kadung taneh pak huyện Chợ Gạo, bruk padang ngak labik tái định cư pak xã Bình Phục Nhứt suai veik lac kayua gaok kan kandah dalam bruk biyar jien, urak ini daok tavak 2 baoh sang, gam tui di nan lac dom adat hukum, adat to yaom jeng daok dui atah.

Rija Nagar lac rija akaok thun di urang Cam Ahier, tỉnh Ninh Thuận. Ini lac tuk peih mbaok ka dom rija ndung bak adat cambat, ilamu di urang Cam. Akaok thun, tuk mehit sap jakala yava tagok di gah timur, gah pai lac brei thau ka sa thun bahrau di urang Cam jaik tal. Urang Cam ngak Rija Nưgar piah likau ka hajan siam, ngin lagaih, pala hagait hu nan, raidiuk hu trei sir, haniem phul, par nao abih dom kanjah jhak di thun klak piah taduan raok dom patuah jamo dalam thun bahrau

Sang iek ruak Phụ sản TP. Cần Thơ bahrau blaic raih mek tabiak hu khối u xơ tử cung trak jaik 4kg, daok jaik bak abih dalam tung di sa urang kumei njauk ruak umo 31 thun. Dahlau di nan, urang ruak hu nao iek ruak dalam tuk njauk rong kinh, tung praong samar saong mboh pandik labik hạ vị. BS.CKII Nguyễn Hà Ngọc Uyên – Akaok khoa Cấp cứu, Sang iek ruak phụ sản ban Cần Thơ brei thau, U xơ tử cung lac janih ruak tui kuhria mbuan gaok tal 30% di urang kumei di rilo umo thun karei di gauk, abih di nyu nan lac urang kumei khin lakei saong manek di umo thun meng 30 – 50 thun. Rilo adei saai kumei oh bhian nao iek ruak yaok mbang, nan ye bhian mboh ruak suai jang, kan taong ruak saong meda ba tal dom janih ruak trak, abih di nyu nan lac dalam tuk matain.

Mbang nyaom ka 2 Quốc hội Trung Quốc mbang 14 hu peih tabiak tuk mesup ini (5/3) di Bắc Kinh. Di mbang nyaom, Rajaei taneh ia Trung Quốc daok brei ngak dahlau bruk tani tanat kinh tế saong ba tabiak bruk patagok thun 2024 lac 5%, ba labaih 12 triệu bruk ngak bahrau di thành thị, menuac oh hu bruk ngak lac jaik 5,5%, khik ramik pasang iek bruk bội chi kadung jien karja di tanut 3%. Dalam 10 bruk praong di rajaei dalam thun 2024, jhul khang patagok kapul urang ngak bahrau saong salih bahrau gah ilamu công nghệ, hu Trung Quốc ba tagok dang akaok, ngak dahlau.

Tòa án pakat glaong Thái Lan tabiak panuac lac “trắng án” oh hu duas hagait ngan haong Thủ tướng Thái Lan dahlau deih, Yingluck – lac sa bruk biak uan tabuan ngan haong sang Shinawatra. Bruk “trắng án” ini pambuak tal bruk Ủy ban pacang caga tham nhũng negar Thái Lan lac amuk Yingluck saong 4 urang karei ka duas ngak palai pajoa  taneh ia, ndom lac amuk oh ngak njauk tui adat to yaom dalam harak pambuak bruk di rajaei hu yaom 250 triệu Baht (6,7 triệu USD) brei ka dua hãng truyền thông praong. Tui panuac di Tòa án pakat glaong Thái Lan harei kabroi, 9 thẩm phán njauk gauk oh mboh dom bruk hagait bo dom bị cáo hu sahaneng ngak ba kein laba mai ka dua jabat truyền thông hu pambuak bruk.

Harei  Nyepi daok ieu lac harei daok kandang thun ini lac meng mon 6h mesup harei 11/3 tui lịch  Hindu lac tame thun bahrau di Bali (Indonesia). Di harei ini, urang Hindu kreik pabah mbang daok dalam sang, oh am cuh pui, oh ngak bruk, oh tabiak gah langiu meyah oh hu bruk hagait praong njauk nao saong oh hu mbaok tame dom bruk me-in sambai. Dalam “Harei daok kandang”, urang Hindu ăn chay, thiền định pamaong tal joa kandang, paatah bruk kanjah jhak. Tuai damuai mai ini dalam dom harei ini njauk caik hatai piah plaih njauk phạt atau njauk pateok tabiak kayua gaok tame bruk oh brei ngak di menuac sia pak ini./.