Salam uan 64 thun Harei meng kan di Bộ đội Biên phòng, 34 thun Harei Biên phòng toàn dân, dom labik di dalam bhum tapen tasik, tỉnh Sóc Trăng hu pambuak haong dom đồn Biên phòng di Bộ đội Biên phòng tỉnh Sóc Trăng peih “harei pataom Biên phòng toàn dân" ngan haong rilo bruk ngak hu makna siam lagaih. Di ban sit Vĩnh Châu, dom kapul nyaom saong kanja hu jak ba dom jabat, kapul daong 3 baoh sang jumpataom (yaok baoh sang yaom 50 triệu đồng), 19 paok pandap (yaok paok yaom 1 triệu đồng), saong 12 paok jien bac (yaok paok yaom 1 triệu đồng) alin ka dom baoh sang sarak kanja saong urang kan kathaot.

UBND TP.HCM bahrau hu harak tacei pato duah jalan tabiak ka dom danak dak sang danaok taneh riya daok gar veik di dalam ban. Dalam nan ban raya brei pasang iek piah jhul samar langyah tui njauk thẩm quyền saong njauk adat hukum. Daok dom tavak tavaiy yam tapa thẩm quyền, ban raya pok panuac tagok dom mintri, dom gah di TW jhul samar lang talaih. Ngan saong 116 danak dak taneh riya daok gaok kan kandah, tavak tavaiy, UBND TP.HCM jao ka Sở Xây dựng pambuak bruk haong dom Sở pambuak tal ginum biai haong Hiệp hội bất động sản TP piah pathau khan tagok UBND TP parabha nhóm dự án njauk pasang iek, langyah dahlau. Meng nan, parabha gah taduan bruk langyah salah blaoh dahlau di harei 5/3.

Kayua langik lagaih saong caga hu dahlau ia taba rilo nan ye bilan padai Đông Xuân 2022-2023 di tỉnh Tiền Giang pala njauk, oh khat lahik kayua pandiak bhang, ia mbak. Urak ini, mikva urang nong daok tame bilan yuak padai ngan haong năng suất tui kuhria lac 7,1 tấn ha. Dom mblang hamu urak ini rilo meng daok sraoh nerang saong yam tame bilan yuak, taeng di huyen bhum tasik Gò Công Đông hu 80% mblang taneh pala padai hu yuak blaoh. Di rilo labik nang suat ngak padai mek hu labaih 10 tấn/ha, urang nong hu laba labaih 30 triệu đồng/ha. Kayua yau nan ye, urang nong Tiền Giang yuak padai biak chreih chrai.

Di huyện Tháp Mười (tỉnh Đồng Tháp), raong kiuk hu jeng bhum ngak tui tanut chuẩn VietGAP saong liuk lac pandap rami ramik veik bruk ngak nong di huyện. Piah patagok bruk raong kiuk khang kajap, huyện hu tabiak jalan patagok gah raong kiuk tal thun 2025, haong 3.104 vèo raong kiuk di 278 baoh sang raong, pamaong tal bruk ngak jeng bhum raong tani tanat, jhul khang bruk pambuak gauk raong saong pablei, ba mai kein laba glaong. Huyện kham merat hu 1-2 cty, doanh nghiệp sơ chế, ngak kiuk mbaoh tangin pambuak bruk blei kiuk haong urang raong; hu takik di abih lac meng dua janih pandap ngak meng kiuk mek hu 3 patuk tui danak dak OCOP.

UBND huyện Phú Quý hu harak payua UBND tỉnh Bình Thuận ka bruk hu labaih 130 sruh gilai ikan ngan haong 524 urang ngak daok taong mek ikan di bhum tasik di kaoh pulao Trường Sa daok kurang pandap mbang menyum kayua langik tasik jhak. Dahlau di nan, meng harei 2-12/2, dom sruh gilai tabiak tasiknao taong cap kaya ikan di bhum tasik Trường Sa hu caga khik piah dahlau pandap mbang menyum meng 17 tal 20 harei. Min, langik di bhum tasik Trường Sa dalam dom harei tapa hu hangin Đông Bắc khang pakat 7, magei pakat 8, pakat 9, nan ye dom sruh gilai njauk tame kaoh pulao Đá Lát, huyện đảo Trường Sa, tỉnh Khánh Hòa pataok tame oh nao taong cap ikan hu, jeng oh mai gilac hu Phú Quý.

Akaok mintri jien padai Hàn Quốc Choo Kyung-ho ieu taneh ia ini pambak tame bruk Trung Quốc peih pabah mbang veik piah jhul khang bruk pablei tabiak negar langiu.  Tukvak dahlau meng tamuh jit praong Covid 19, Trung Quốc lac taneh ia blei pandap rio abih di Hàn Quốc. Sarak Zero Covid di Trung Quốc ngak ka bruk thâm hụt thương mại di Hàn Quốc tagok glaong di abih. Bruk pablei tapa Trung Quốc di taneh ia ini dalam thun bloh tok hu jaik 155 tỷ USD, trun duk haong 163 tỷ đô la dalam thun 2021.

Rajaei Mỹ urak ini ka oh hu bruk njauk gauk dalam rajaei ka makna ba tal jit ruak Covid-19. Tuiu nan, dom jabat tình báo Mỹ urak ini jeng daok oh njauk gauk dalam bruk kết luận ka asal ba tal Covid-19. 4 jabat liên bang karei di Mỹ jeng daok brei thau lac jit praong Covid-19 lac mai meng bruk njom mbak di langik tasik meng sa janih athur langiu bilik ngak iek tapa anek menuac. Dom urang dalam đảng Cộng Hòa lac virus tabiak meng sa bilik ngak iek di Vũ Hán, Trung Quốc, min, Trung Quốc tah klak bruk ini. Jit praong Covid-19 ngak ka 7 triệu menuac urang di dunya metai.

Kuhria meng harei ini, rajaei Canada pakauk oh brei tải phần mềm mạng xã hội Tiktok di Trung Quốc tame dom jamriak kayua rajaei khik ramik. Thủ tướng Canada brei thau, bruk ini hu ba tabiak ngak piah khik an ninh thông tin di rajaei, hadei di sa taong yaom brei mboh Tiktok hu dom jalan ngak piah pataom mek dữ liệu, haong quyền tame dalam dữ liệu phone tangin. Kadha ini meda ngak ka urang pandar mbuan gaok bala anak dom bruk tấn công mạng. Urang jakar ngak praong di Canada jeng daok duah thau Tiktok anak dom duh hatai lac nền tảng ini pataom mek, ba pandar saong brei thau thông tin cá nhân di urang pandar./.