Thu Tuong Pham Minh Chinh taom gaok bieu bao di negar langiu 

Brei panuac di var taom gaok urang Việt daok di negar langiu hu mbaok  di danak dak Xuân taneh ia thun 2022 harei 22.1 meng bloh, Thủ tướng Phạm Minh Chính brei thau  Đảng, karja, rajaei, hu thau hatai  cong khin hu mai palei   di rilo  urang VN daok di negar langiu, min kayua kan kandah di  jit prong oh ka mai hu;  Đảng, karja bhian batabiak bruk song hu jalan piah ngak ka  "jalan mai palei jiak jang" ngan saong urang Việt daok di negar langiu, dom jalan ngak anak meta brei ngak chip yau peih veik dom jalan par. Taphia di nan,  lac dom sarak  cambaih laih jang  piah iek glang, dong brei, pachreih ilamu , pren khang di mik va  ka bruk patagok taneh ia  khang kajap kaya meda.

Labaih 1.500 urang ngak, uranaih, urang jakar samg kan kandah saong kapul urang di labik pacang caga jit COVID-19 hu mbaok tame danak dak “Hatai ranam bilan xuân – thun 2022” kayua Liên đoàn Lao động ban Thủ Đức-TPHCM peih tabiak tuk biar harei (23/1) di pasak Ilamu ban Thủ Đức. Akaok negar Nguyễn Xuân Phúc mai hu mbaok gam haong kapul ngak bruk hu alin hadiah 900 pok pandap uan thun bahrau ka dom uranaih metui kayua jit COVID-19, dom y bác sĩ, urang jakar phường, khu phố hu mbaok tame pacang jit saong urang ngak di ban Thủ Đức. Akaok negar Nguyễn Xuân Phúc taong yaom glaong bruk TP.HCM hu rilo danak dak kuhria Tết ka urang kan kathaot, urang sang kan kandah daok dalam ban haong yaom jien praong. Tapa nan, Tổng Liên đoàn Lao động Việt Nam haong dom doanh nghiệp jeng hu dom pandap lì xì thun bahrau payua tal dom adei uranaih saong kapul urang ngak daok di ban Thủ Đức.

Melam 23/1, Sở Y tế tỉnh Bình Dương brei thau  bruk dut iek  phân lập virus meng Viện Pasteur ban raya  Hồ Chí Minh ka urang njom biến thể Omicron camereip  hu meng  tỉnh ni. Ni lac sa urang kamei ndik tapui thun  1990, Quốc tịch VN, meng Canada tal mblang kapan haoh Tân Sơn Nhất harei  9/1. Sở Y tế tỉnh Bình Dương  dok ba tabiak jalan pacang cakak  anak biến thể Omicron,  saong brei thau  ni lac urang njom biến chủng Omicron meng urang negar langiu tame, hu brei dok karei meng dahlau nan  oh kan kandah ka bhap bini .

Dom gah dalam Bộ Chỉ huy Quân sự tỉnh Bà Rịa-Vũng Tàudaok kham merat jak ba rilo kapul nyaom, doanh nghiệp, meuac urang ngak pahla ba gauk tame daong kuhria Tết ka urang kan kathaot, urang bangsa takik daok dalam tỉnh. Puac adit bloh, mBan Chỉ huy Quân sự huyện Đất Đỏ hu dang tabiak, pambuak bruk haong Huyện Đoàn huyện Đất Đỏ, Kapul cơ sở di Sở Y tế tỉnh, urang jakar, urang nao kapal Tàu ngầm 187 Bà Rịa-Vũng Tàu, dhar Gilang pariak Thương mại Cổ phần Ngoại thương Việt Nam dhar Vũng Tàu alin hadiah 40 pok pandap brei ka uraniah bangsa Châu Ro; 20 pok pandap ka dam dara urang ngak lac bangsa Châu Ro (xã Long Tân, huyện Đất Đỏ), yaok pok pandap yaom 500 ngàn đồng; 10 sruh radaih juak yaom 20 triệu đồng brei ka anek saih kan kathaot daok di ban sit Đất Đỏ. 

Tui Sở Lao động - Thương binh song  Xã hội TP Hồ Chí Minh, tui kuhria dahlau di Tết Nguyên đán anek sak rimong, dom doanh nghiệp dok di ban raya caong hu labaih  30.000 urang ngak song labaih 75.000 urang ngak hadei di  Tết. Dalam nan, bruk caong hu urang ngak tangin gheih meda tagok rilo di dom gah: Công nghệ thông tin, điện - điện tử; ngak pandap mbang, padang ngak, pajeng ba, gilang pandap - dịch vụ pabah lamnge; pablei salih – pablei pandap; marketing; langyah – iek glang tuai damuai; du lịch; khách sạn...  Bruk caong hu urang ngak hu ilamu đại học meblah  21%, cao đẳng, trung cấp, sơ cấp 65% song urang oh tapa bac megru tok meblah 14%.

Tui Yam ndok Gah Y tế dunya bhum châu Âu Hans Kluge, biến chủng Omicron ngak brei Covid-19 salih tapa 1 tukvak bahrau saong meda lahik abih di châu Âu. Dom urang roh duah jeng brei thau lac, dom menuac njom biến chủng Omicron hu dom ruak oh trak damak yau chủng Delta, abih di nyu lac dom menuac hu klauk vaccinre bloh. Tapa nan ngak brei menuac sia caong lac Covid-19 daok salih meng jit praong tapa sa ruak di sa bhum palei halei nan mbuan pacang caga jang, dreih yau ruak sru la-an tui bilan. 

Harei ni, bruk ginum biai camereip di lambaok karja  Taliban di Afghanistan song dom taneh ia phương Tây dok rah tabiak di Ốt-xlô, Na-uy, ngan song kadha prong lac khik ramik quyền anek menuac  song dong ngak pahla. Lambaok  Taliban hu dom mbang taom gaok  dom urang jarka negar po sang song dom urang jarka dom taneh ia yau  Anh, Pháp, Đức, Italia, Mỹ song lambaok  Liên minh châu Âu. Yaom lac tui ngoại trưởng Na Uy An-ni-cưn Hít-phét (Anniken Huitfeldt), bruk ni oh dreih yau bruk pok brei angan atau  hợp pháp hóa gah Taliban pal bruk di Afghanistan, min gah  Taliban cong khin, mbang ginum biai ni jeng lac jalan ngak piah  “salih labik mesruh metak" hadei di 20 thun  cagar veik gah kapul Hiệp ước Bắc Đại Tây Dương (NATO).

Tổng thống Armenia Sa-ki-xi-a harei kabroi (23/1) khan lac ngak harak likau padeih saong brei thau Hukum  negar oh brei ka ong dom quyền piah meda ngak pasiam dom sarak. Ong Sa-ki-xi-a lac Tổng thống Ác-mê-ni-a meng thun 2018. Min di thun blaoh, hadei di mbang mesruh di Ác-mê-ni-a haong A-déc-bai-gian di labik \Nagorno-Karabakh)\ ong kandah gauk haong Thủ tướng Nikol Pashinyan dalam dom bruk, dalam nan hu gam bruk brei padeih urang dang akaok gah tapon nyaom bol pan phao kraong./.

Urang lang: Hanipha- Mousaphuong -24/1