Tui ong Huỳnh Văn Chương, Akok Cuc khik iek asar siam, Mentri Pato megru daok roh duah piah khik brei sumu guak dalam bruk palih ruah dom thun jaik ini ndiem dom mon bac mon KHTN saong KHXH tuk halei jeng glong atau biar jang gauk. Langiu di nan, kuhria mboh dahlau bruk palih ruak bac tamat  brei mek ndiem pakacah saong bruk taong yaom kuhria dalam 3 thun bac tui jalan meteh ini - meteh diah. Langiu di nan, bruk oh pakacah sap negar langiu tuk hu harak chung chi ngoai ngu meda oh brei salih jeng 10 ndiem, bo dalam pasang iek brei taong yaom tamat bac hu siam.

UB Bhap bini Ban raya TPHCM bahrau ba tabiak adat hukum pakauk rabha taneh, pablei taneh. Tui nan, po buh jien tame danak dak taneh riya, danak dak buh jien tame padang sang daok di Ban raya oh jao quyen pandar taneh hu ha tang ky thuat dalam danak dak taneh riya, danak dak buh jien tame padang sang daok ka dom kapul, urang menuac eng padang sang daok. Langiu di dom phuong, quan, ye taneh di 5 huyen bhum tapen hu Bình Chánh, Hóc Môn, Cần Giờ, Củ Chi, Nhà Bè jeng oh hu rabha taneh, pablei taneh. Sarak ini hu ba tame pandar meng harei 21/10/2024. (VOV) 

Patui bruk ngak iek hu jak jeng di padai bilan Hè thu 2024 saong Thu Đông thun ini di 5 tỉnh bhum taneran karong Cuu Long, dom bhum palei kuhria brei peih pambak praong 65 bruk ngak iek Danak dak “ Patagok khang kjap 1 trieu ha ngak padai asar siam glong saong takik tathuak nerak gam patagok hijao di bhum taneran kraong Cuu Long tal thun 2030” tabiak dom huyen, ban sit dalam bilan Đông Xuân 2024 - 2025. Cục  pala drak kakei, dom bruk ngak njuak brei caik hatai tui iek ribuk, ia sua saong pakhang tui iek bruk ngak padai, pataom tame drak padai Thu Đông aval, brei caik hatai tal tukvak drak padai bilan Đông Xuân 2024 - 2025.

 Dalam tinh Ben Tre hu jaik 158 ribau urang ngak nong daok dalam kapul. Abih tih urang dalam kapul lac urang ndang urak ini hu labaih 13.550 urang dalam kapul. Meng akaok thun tal ini, hu ba 113 urang ngak nong naih gheih tame Ndang. Dom urang ndang lac urang ngak nong hu brei mboh bruk nao dahlau, ngak dahlau dalam bruk pakacah gauk ngak mbang pablei salih naih joi, rik daong tame dom danak dak, bruk ngak cach mang di bhum palei. Bruk ini patui veik hu dom pakat Kapul urang ngak nong tinh Ben Tre sangka, ngak tui. 

Mbang nyaom ka 22 HĐND tinh Hau Giang mbang ka X, vaktu 2021 -2026, dom urang lambaok, doanh nghiep hu mbaok tame daong hu labaih 10 ty dong ka Danak dak ngak brei oh daok baoh sang tak tahak di tinh. Dalam labaih 20 thun tapa, tinh jak ba padang ngak yaok pluh baoh dang anit ranam. Hậu Giang kham merat tal thun 2025 taneh ngak sang daok dalam tỉnh kuhria rah tapa 26,5m² sa urang. Kuhria tal kreh thun ini, dalam tinh Hậu Giang daok labaih 6.600 baoh sang urang kathaot. Tinh kham merat tal abih thun ini meda trun veik 2% dom baoh sang kathaot dalam tinh.

Meng di thun 2022 tal ini, dom jabat chuc nang Campuchia daong hu labaih 1.000 urang Ấn Độ lac gaok pachot pagat saong ikak menuac. Dalam nan, kuhria di sa thun ini, hu jaik 800 urang Ấn Độ hu daong klah tabiak di nan. Tui Dai su quan Ấn Độ di Campuchia, bruk pachot pagat meng bruk pagun sanya brei bruk ngak daok lac asal kadha njauk duh hatai di rahra Ấn Độ di Campuchia, ngak rilo urang patui veik gaok kateik geik hu mbaok tame bruk pachot pagat online.

Takik di nyu 95 urang metai kayua ia rubuk sua hadei tuk ia trun di bhum Valencia - gah Timur Tây Ban Nha saong dom labik jiak nan. Labaih 1.000 urang lin mai meng dom don vi pacang caga samar di Tây Ban Nha hu peih ngak di dom labik gaok kan kandah. Rajaei pakat negar hu padang sa uy ban piah daong dom bruk ka urang gaok bala. Dom urang metai kayua ia ribuk meda tagok kayua daok rilo urang daok lahik. Tây Ban Nha brei caik 3 harei  piah pahadar dom urang metai kayua ia ribuk sua.

Tal harei lac mboh veik, harei pataom gauk yaok thun, “Papar tathar yau Jump Like a Pharaoh" bahrau rah tabiak, hu mbaok di jaik 200 urang papar tathar mai meng 34 negar dalam dunya, ngak abih tih 1.000 mbang papar tathar tapa Kim tu thap Giza hu angan jia di Ai Cap. Hu peih ngak dalam bilan 10 yaok thun, harei ini hu makna sajarah praong glaong, ngak hu ruk pambuak haong jaman siam gheih abih saong drap ar ilamo meng kal di negar Ai Cap meng kal. Harei ini jeng rik daong jhul bruk yulit saong ba mai jien mek tame ka bhap bini di labik nan./.