Page ini, Jabat Akok negar ba tabiak Adat Hukum di Akok negar brei thau dom hukum hu Quoc hoi mbang XV brei tapa di Mbang nyaom ka 8 nan lac: Hukum Jien je Thue gia tri gia tang; Hukum pasiam veik, pabak dom asar kadha di Hukum Chung khoan, Hukum Ke toan, Hukum Kiem toan doc lap, Hukum Kadung jien Karja, Hukum Khik iek, padar drap ar di karja, Hukum Khik iek jien je, Hukum Jien jien di manuac, Hukum Khik caga taneh ia, Hukum Langyah bruk ngak suan hukum hanh chinh; Hukum Drap ar ilamo; Hukum Kong chung; Hukum Quy hoach do thi saong palei pala; Hukum Kong ndoan; Hukum Dữ lieu; Hukum Pacang khuah, padam apui saong daong urang gaok bala; Hukum Pacang bruk blei pablei manuac.  

UB Bhap bini tinh Binh Duong bahrau ba tabiak Tapuk Hijao tinh Binh Duong thun 2024, pok meyaom 35 gah ngak mbang pablei salih hu dom bruk rik daong siam mekre dalam bruk pacang khik alam langik tasik. Piah hu pok meyaom dalam Tapuk Hijao, dom gah ngak mbang pablei salih brei hu ginup harak gar ka alam langik tasik, khan brei thau bruk taong yaom ka alam langik tasik saong dom harak gar hu pambuak tal. Gah ngak mbang pablei salih nan brei hu bruk oh gaok taong bhat ngak suan hanh chinh ka alam langik tasik dalam 2 thun jaik taphia abih. Ini lac bruk taduan dom bruk kham merat di dom gah ngak mbang pablei salih dalam bruk pacang khik alam langik tasik. Meng nan, brei mboh bruk siam mekre ini ka dom gah ngak mbang pablei salih karei ba gauk hu mbaok tame bruk pacang khik alam langik tasik.

Pahadar 80 thun Harei padang Bol lin Bhap bini Viet Nam saong 35 thun  Harei roya Quoc phong taong abih bhap bini, Bộ chi huy Kapol dam dara Bol lin Bien phong tinh Kien Giang birau mai rivang, alin pandap ka Amaik VNAH  saong dom urang dahlau diah lac dam dara xung phong jalan 1C di huyen tapen negar Giang Thành. Dahlau di nan, Bol lin Bien phong tinh Kien Giang hu mai rivang, alin pandap Amaik VNAH Trần Thị Xinh, daok di xã Vân Khánh Đông, huyện An Biên.

Mentri Pato Megru bahrau peih bruk Pasram pabak ilamo ngak bruk duh ka rahra saong pato langyah jalan sahaneng ka urang jakar pasang iek, gru pato, urang ngak di dom sang bac pho thong Bangsa gam bac gam daok, sang bac daok veik meteh jala pandiak, sang bac pho thong hu anek saih bac daok veik jala pandiak di tinh Trà Vinh. Di var pasram, dom urang nan hu ndom biai nao mai, bac megru di guak piah hu kajap dom ilamo piah njauk pandar dalam sang bac. Kayua hu rilo ilamo, adat cambat karei di gauk, raidiuk daok dang karei, dalam kapul anek saih hu rilo ilamo karei di gauk ba tal neh rabha tui nyaom, mbon kamelah gauk, mesao gauk; ba tal dom bruk oh lagaih.

Pasak Khik iek jalan mbak bhap bini TPHCM peih ngak 17 radaih buyt  ndien pambuak tal metro ka 1 (Bến Thành - Suối Tiên). 17 radaih buyt ndien hu ma so radaih meng 153 tal 169 meda hu peih pajeng tuai  njauk tukvak tal metro 1 (Bến Thành – Suối Tiên). Jalan radaih hu abih tih 150 sruh radaih buyt ndien, hu ngak birau, ralo lagaih, hu meng 30 tal 40 ghe, ralo tagok tal 60 ghe. Tuai damuai hu pandar 17 sruh radaih oh abih jien harak ve 30 harei  akaok meti dreih yau metro 1.

 Dalam mbang pataom mbaok yaok thun piah kuhria iek veik bruk dalam  thun 2024 hu rah tabiak di biar harei 19/12 Tong thong Nga Vladimir Putin taduan labaih 2 trieu asal kadha sua tangi di rahra. Kinh te lac asal kadha hu rahra tangi rilo abih. Tong thong Nga Vladimir Putin ndom lac: Bruk kinh te di Nga daok khik hu tani tanat. Kol hulin dahlak daok patagok lac oh huac kanda ka hagait, yaom lac hu dom bruk ngak kanjah jhak saong kham ngak srau kadau meng langiu piah ngak kan kandah tal kol hulin dahlak. Thun dahlau, kinh te patagok hu 3,6%. Thun ini lac 3,9%, atau meda lac 4%.

Kadung Jien Dunya (IMF) khan lac tuk halei jeng pambuak haong bhap bini dunya daong ka buk padang veik Syri tuk hu lagaih. Tui IMF, hadei tuk Tổng thống dahlau diah lac Syri Bashar al-Assad trun rai, karja Syri meng hu padang tagok biak rilo kan kandah hadei 13 thun mesruh metak. Urak ini, dom taneh ia di bhum taneh saong bhap bini  dunya dak kham merat daong  bruk jao brei patui ngak chinh tri  jeng yau  pabak jien daong ngak pahala ka bhap bini  taneh ia ini.

Mentri Y te Nam Phi hu kakei dahlau ka bruk tagok rilo urang njom ruak rubella dalam negar haong labaih 10.000 urang hu khan brei thau meng akaok thun tal ini. Rilo meng lac rah tabiak di uranaih umo mala 15 thun. Tui Mentri Y te Nam Phi, ruak ini njom mbak meng menuac tapa menuac diah, kayua ia pabah urang njom ruak katuk atau taglak tame yava langik. Uranaih saong urang kamei daok metian mbuan gaok dom bruk tamuh ruak karei kayua rubella.