Dalam tuk Tet thun nasak Ula Naih 2025 ini, TPHCM brei raok thun birau ngan haong danak dak gom  kruac hadah 3D tagok sang UB bhap bini Ban raya di melam 28/1 saong cuh phao bingu nghe thuat di melam tame thun birau. Langiu di nan, TPHCM brei peih bruk  parang iek  “ Raok Thun birau nasak Ula Niah – Salam uan Ndang praong hadah”; darak bingu Tet biak gheih karei ngan haong kadha “Tapen kraong angaok, ala ia hu giai”; Nyaom darak bingu xuan saong darak bingu Tet di harei 26/1 tal 2/2 di bein bingu Tao Đàn;  Bui sambai jalan bingu Nguyễn Huệ, Jalan tapuk saong rilo bruk ngak ilamo nghe thuat karei. Landiu di nan, TPHCM brei peih bruk ginum biai  pataom mbaok urang Viet daok negar langiu, pok bingu kakuk  Chu tich Ho Chi Minh saong Chu tich Tôn Đức Thắng…

Kadung jien daong uranaih Viet Nam bahrau hu peih ngak danak dak “Bal pataih ka adei” mbang ka 18 haong angan “Cih sambo bar caong takre di adei”. Hadei 17 thun peih ngak, danak dak jak ba hu jaik 1.580 ty dong saong daong hu labaih 4 trieu mbang uranaih kan kandah tapa dom danak dak: Alin jien pachreih bac, pabak ia pandar hacih sa-at, daong radaih juak piah nao bac, taong ruak ka uranaih njauk dom ruak baoh hatai meng dalam tung tian amaik: padang tal bac, sang gam daok gam bac ka uranaih bhum kan kandah, bhum ceik; daong samu ka dom adei daok di bhum gaok bala, jit ruak…

Mban Bangsa tinh Soc Trang birau peih tal Pasram ilamo bangsa ka urang ka 3, ka 4 di Binah danak dak ka 2 dalam Danak dak 5, Danak dak Pakat negar patagok kinh te - xa hoi di bhum urang bangsa takik. Hu mbaok tame tal pasram, dom urang nan hu duah thau taong abih dom asar kadha birau, siam lagaih ngan haong bruk khik iek di karja ka bangsa tapa dom sarak bangsa…Tapa nan, dom urang bac pasram  hu pandar lagaih  jang tame bruk dom danak dak, pathau khan, jak ba bhap bini hu tame dom danak dak, sarak bangsa hu pambuak tal bhum palei dalam tukvak anak tal. 

Urak ini dalam tinh Tra Vinh hu labaih 5.750 ha glai pacang caga hu urang ngak nong di dom huyen bhum tapen tasik ngak bruk raong pambuak kaya ia mbak saong ikan hadang ia meteh mbak meteh taba. Bruk ini takik gaok kan kandah ka jit ruak, jien buh tabiak blei pandap mbang takik, urang ngak  raong takre pablei ikan hadang tuk halei ye pablei tuk nan, nan meng plaih hu bruk njauk bilan lahik yaom. Tỉnh jeng daong pachreih mikva pala glai piah patagok taneh ngak tabiak glai – ikan hadang. Dom baoh sang ngak nong hu mbaok tame pala glai ye hu daong 50% jien blei phun pajaih. Tukvak anak tal tinh patui veik jao abih ka rahra piah hu jien mek tame.

Birau hu veik sa urang metai kayua ruak meruai asau kaik di tinh Ba Ria-Vung Tau. Urang ruak lac ong N.V.B, ndih tapui 1991, daok Phước Bình, xa Phước Tịnh, Long Điền, po labik sik ngak rilo athau, meyao. Anak bruk hu urang metai kayua ruak meruai, gah Y te tinh  hu tacei pato dom urang hu taom gaok urang ruak tui iek prein yawa, ngak tui tukvak  klauk jru vaccine njauk harei. Gam haong nan,  peih  bruk pruh jru  vin taom dar sang urang ruak, labik kareik athau meyao meng Cloramin B...

Indonesia hu pambuak bruk haong 10 negar piah pacang cakak bruk taong mek ikan suan hukum, oh khan brei thau saong oh tui adat (IUU), jhul tagok bruk pambuak dalam labik piah pacang khik kein laba di kaya tasik saong bruk khang kajap di dom kaya tasik. Rajaei Indonesia hu pagun sanya patagok bruk pasang iek dom labik taong mek piah duah mboh dom bruk taong mek IUU. Bruk pasang iek hu sa bruk pasang iek pak anak meta saong kong nghe pasang iek di gilai pambak tame di vệ tinh.

No-el thun ini,  danak dak Ask Santa makna lac Tangi ong taha Noel pambuak urang haong dom bruk ma-in sambai di bilan No-el  puac thun ralo caong khin  pandar kong nghe glong. Uranaih  hu ndem meyai tapak haong ong taha No-el saong tangi sua dom asar kadha pambuak tal No-el, tui nan daong jhul pakhang bruk ngak piah rik jien tame ka bruk roh duah ruak me-ik saradang tuyp 1.

Tui roh duah di Sang bac Đại học St Andrews, Anh, njom pambak yava langik hu pambuak tal bruk tagok rilo bruk ba tame taong ruak di sang iek ruak tâm thần. Roh duah nan hu maong yau njauk – pambak meng dữ liệu di labaih 200.000 urang di Scotland. Dom urang roh duah hu mboh lac urang taom gaok suai atah haong tanut njom pambak glaong jang mbuan ba tame sang iek ruak kayua dom ruak yau srau kadau glo akaok, trầm cảm, atau tâm thần phân liệt./.