Uan raok Yang sinh, urang ngak praong di Tinh uy, UB Bhap bini tinh Dak Lak hu mai rivang, tadhau ayuh  dom labik agama dalam tinh, payua panuac tadhau ayuh  siam mekre, janiem phol  tal bhap bini Kong yao saong Tin lanh. Kala mbaok urang jakar ngak praong tinh Dak Lak, ong Trương Công Thái, Phaok Akok UB Bhap bini tinh tadhau ayuh mikva Kong yao uan raok Giang sinh hu rilo siam mekre, taduan dom bruk rik daong di bhap bini tame bruk patagok di tinh. Tui nan brei mboh, tinh tuk halei  jeng iek praong  bruk dak padang pambuak siam mekre dom agama saong bhap bini, padang labik daok bhap bini sron  mbon, jum pataom gauk.

Bruk jak ba padang mbang ngui birau di kapul urang ngak nong tinh Ca Mau daok patagok karo, mbuak jang abih lac gah ngak nong. Bruk daong phun jien di kadung jien Daong urang ngak nong saong gilang pariak daong ka mikva ngak nong patagok bruk ngak mbang, pablei salih hu siam makre. Urakni tinh Ca Mau hu jaik 82.000 baoh sang ngak nong naih joi saong padang tabiak hu dom kalup Urang ngak nong jien ty. Ni lac bruk awal peih jalan piah patagok bruk ngak nong hadah krah saong palei pala birau, patagok ty trong ngak nong taka so di bruk ngak tabiak pandap pandar.

So Ngak nong saong patagok palei pala tinh Dong Thap birau pambuak  haong UB bhap bini huyen Tháp Mười padang ngak dom danak dak pabak ia hacih palei pala di Danak dal biah taka 7. Danak dak hu 5 bruk padang ngak, prein pabak ia lac 16.000m³ dalam harei melam, duh ka 15.000 baoh sang yau urak ini saong labaih 9.000 baoh sang harei hadei. Kuhria abih tih labiah 150 tỷ đồng meng kadung jien karja negar. Hadei tuk ngak salah, danak dak brei salih ka 20 balai pabak ia ala taneh, langyah  bruk kurang ia hacih saong paglong raidiuk bhap bini.

Urak ini, bruk ngak lan am meng kan di palei Cam Ragaok Bình Đức, huyen Bắc Bình, tinh Binh Thuan gaok kan kandah kayua cong nghe saong darak pasar nan ye jien mek tame di nghe nhan trun takik. Palei Cam hu ralo urang thau di bruk ngak lan am meng kan nan hu UNESCO taduan brei harak lac drap ar ilimo oh mboh di mata. Danak dak ngak lan daok khik tamo di bruk cambat lan, ngak jieng thaik thaot tal am lan tathak saong cih bingu hala meng tangin. Piah khik ramik saong patagok makna ka drap ar ni, tinh Binh Thuan daok kham marat parang khan pandap pandar lan am di dom danak dak dalam nagar saong nagar lingiu.

Harei ini 24/12, Mban Tacei ba Pacang caga bala meng langik tasik saong duah daong urang gaok bala tinh  Ba Ria - Vung Tau khan lac, dom jabat  chuc nang  pambuak haong 1.820 kapal gilai daok nga bruk di tasik, brei tame plaik njiak ribuk salamat. Tui yaok kuhria, mbiah tal page ini, tỉnh Ba Ria - Vung Tau hu labaih 3.400 gilai ngan haong labaih 50.200 urang nao gilai pataok tame dom tapen tasik plaik njiak ribuk hu salamat. Tinh caong khin dom bhum palei tapen tasik  saong bhap bini brei caga bala meng langik tasik, khik iek drap ar  saong anek manuac hu siam salamat.

Mentri Pablei salih Trung Quoc birau khan lac pakauk bruk pablei tabiak nagar langiu dom kaya pandap tamo hu makna glaong piah ngak chip tapa nagar My kayua huac duh ka bol lin, ngan haong nan piah cagar veik di dom pakauk di gah My ba tabiak dahlau nan. Dom kaya pandap tamo ni lac dom kaya khang yau: gali, germani…pandar di dom kaya pandap kong nghe glaong. Lingiu di nan, Trung Quoc hu dom jalan ngak piah khik iek catang di dom kaya pandap pambak tal than chi. Bruk ni khan lac darak pasar pablei salih di dua nagar dak harei dak kan kandah.

Kapol kapal haok  Airbus (di Đức, Prang, Tây Ban Nha, Anh) birau khan lac cakak trun labaih 2.000 burk ngak di gah Quoc phong saong Lavang langik. Bruk ngak yau nan rah tabiak dalam tuk Airbus dang anak bruk meriak gauk dak harei dak catang  di gah vệ tinh. Bruk cakak trun meda peih ngak meng kreh thun 2026, ralo kan kandah tal urang ngak bruk khik iek saong urang ngak bruk di jabat. Đức gaok kan kandah rilo abih, patui di nan lac Prang, Anh saong Tây Ban Nha.

Kong ty jalan pasei KAI di Indonesia birau khan hu raong radaih duh ka urang kamei di Jalan radaih ndien peih samar lanyual (LRT) di Jakarta. Raong radaih ndien ni daong ka dom tuai damuai kamei tuk ndih hu salamat. Dom raong piah duh ka urang kamei hu dak di gah likuk. Dom urang kamei matian tuk nao radaih ndien nan hu ralo pachreih uu dai yau hu labik daok taeng saong jalan nao mai hu mbuan lagaih./.