Mintri Lao động-Thương binh saong Xã hội bahrau hu Sarak pato tacei dom tinh, ban peih bruk alin pandap di Akaok negar uan harei Tết Nguyên đán thun sak tapai thun 2023... Dalam sarak di Mintri Lao động-Thương binh saong Xã hội ieu kakei bruk alin pandap ka urang hu buh prein ka taneh ia njauk peih ngak biak siam lagaih, ngan haong bruk sua tangi, pachreih ba dom jabat, kapul nyaom di puk palei nao sua tangi tal yaok urang. Kadung jien peih bruk alin pandap di Akaok negar di dom puk palei kayua kadung jien kanja pakat negar saong hu rami ramik dalam  kadung jien karja kuhria buh tabiak di thun 2023 peih ngak Sarak daong ka urang hu buh prein ka cách mạng di dom puk palei.

LĐLĐ tỉnh Bình Dương pambuak bruk haong dom gah bahrau peih bruk nao tal dom labik brei pah bilik daok piah brei pandap ka dom urang ngak hu raidiuk biak kan kandah. Thun ini, LĐLĐ Bình Dương meda peih ngak “Sruh radaih xuân anit ranam”, alin 5.000 vé radaih pui nao mai ka đoàn viên công đoàn, urang ngak gaok kan kandah daok di dom tỉnh bhum kreh negar saong gah barak nao palei mbang Tết.  Gam haong nan, công đoàn jeng hu peih ngak dom bruk tacei pato jalan adat hukum, iek ruak, tacei jalan iek glang prein yava oh mek jien; alin voucher, phiếu blei pandap zero đồng... Abih tih pok jien daong Tết ka urang ngak, lac jaik 350 tỷ đồng.

Thành ủy, UBND ban Thủ Đức (TP.HCM) pambuak haong Hội xuất bản Việt Nam bahrau peih ngak “jalan tapuk ban Thủ Đức” di jalan Hồ Thị Tư dalam phường Hiệp Phú. Bruk padang ngak Jalan tapuk di pak ini hu caong lac meda rik tame sa labik siam gheih di ilamo dalam jalan diukrai di rahra ban raya; sa labik ravang me-in siam makre ka tuai damuai tuk nao rivang ban Thủ Đức; rik tame cak rok patagok ilamo puac tapuk jang yau ka gah xuất bản, patabiak tapuk. Tui kuhria jalan tapuk di ban Thủ Đức meda hu peih pakak saong ba tame ngak njauk tukvak pahadar 48 thun harei peih paha gah maraong negar, ba taneh ia tame sa baoh negar (30/4/1975 – 30/4/2023).

Meng thun 2021 tal ini, tỉnh Bến Tre hu jaik 140 urang jakar, urang ngak gah y tế di karja padeih bruk. Tui Sở Y tế Bến Tre, urang jakar, urang y tế likau padeih bruk kayua rilo makna, bo makna praong lac bruk ngak dak harei dak rilo, dak trak damak, min jien bilan biar oh pabak samu prein ngak. Piah ka urang jakar, urang y tế oh padeih bruk, gah y tế karja brei salih bahrau sarak jien mek tame langiu jien bilan, tagok jien phụ cấp saong sarak daong pato pakai, pasram megru paglaong ilamu saong ngak ka labik ngak bruk hu tani tanat, chreih chrai ka urang jakar, urang ngak gah y tế, abih di nyu lac di dom bilai y tế cơ sở.  

Tukvak tapa, rilo rahra pathau khan lac taduan hu tin nhắn meng dom laik lạ nhắn tin saong payua jalan link ieu tame dom ứng dụng, blah web gam haong khau tin ka bruk jien daong, alin pandap, njauk jai thuong… tuk rahra peih bruk tame đăng nhập, dom jalan link nan ba tal blah web hu giao diện giao dịch deih yau blah giao dịch điện tử di dom gilang paraik rahra daok pandar, hadei di nan dom giao diện ini meda hu ieu kakei pabak mật khẩu, mã xác thực OTP tài khoản gilang paraik. Kayua yau nan ye Mintri Công an ieu kakei rahra njauk caik hatai, oh tame dom blah mạng oh cambaih laih, tuk mboh njauk pathau khan chip haong jabat công an labik jaik di abih piah hu langyah.

 Ong Kim Jong Un – urang pan akaok Triều Tiên bahrau khan brei thau dom bruk daok pamaong tal bahrau gah quân sự di taneh ia ini dalam thun 2023 di Nyaom biai peih praong mbang ka 6 di mBan chấp hành Trung ương Đảng Lao động Triều Tiên mbang 8. Hãng thông tấn Negar Triều Tiên oh ba tabiak cambaih laih dom bruk daok pamaong tal bahrau gah quân sự di Triều Tiên dalam thun 2023 lac hagait. Min tui dom urang langyah, Triều Tiên meda daok tui bruk ngak iek tên lửa saong phao ndao bahrau, yau hu ngak bloh dalam thun 2022 saong bruk ini meda ngak ka Bán đảo Triều Tiên daok catang tagok.

 Kapul daong duah urang njauk bala Philippin jeng daok duah 26 urang lahik hadei di dom mbang hajan ia sua saong glut jaleih taneh rahtabiak di puac adit blaoh. Tui yaok pataom brei mboh, hajan ia sua saong glut jaleih  ngak ka 300 labik ia dauk, 20 labik glut jaleih taneh, njauk ba labaih 80 ribau urang  nao daok di dom pasak sơ tán. Tui kuhria, hajan khang meda dui atah tal abih harei 29/12. Philippin lac sa dalam dom taneh ia njauk kan kandah abih di bruk biến đổi khí hậu. Dom urang ilamo khan lac dom mbang ribuk meda dak harei dak khang tagok tuk mbaok taneh dak harei dak pandiak.

Sa kapul ngak bruk oh duah laba bhian tui iek dom bruk cuh phao di Mỹ mboh lac dalam thun ini hu 6.023 uranaih Mỹ umo ala 17 thun metai atau njauk rambus kayua phao ndao. Dom menuac metai saong njauk rambus ini, lac praong di abih kuhria meng di tuk kapul ini peih bruk yaok pataom meng di thun 2014. Meda ndom lac, phao ndao lac sa dalam dom bruk trak damak, dui atah saong kan langyah abih di Mỹ. Yaok pataom ini sa mbang tra brei mboh bruk pandar phao ndao daok tagok dalam dom thun jaik di ini, ngak brei dak harei dak hu rilo menuac hu panuac ieu ngak catang bruk pasang iek phao ndao di Mỹ./.