Urang ngak hu dong jien pah sang 

Bruk bayar jien daong pah sang ka urang nagk tui Sarak 08 di Rajaei, mbiah tal ini BHXH TPHCM brei thau hu bayar ka 18.210 doanh nghiệp ngan haong labaih 614 ribau urang. Urak ini hu 72 D.N hu dom quận huyện bayar 319 trieu dong piah daong jien pah sang ka 537 urang ngak. Tui kuhria dahlau dalam adit ini,  dom quận, huyện brei bayar jien ka D.N ngan saong dom hồ sơ hu mbaoh tangin blaoh. Sở Lao động Thương binh saong Xã hội jeng hu tacei pato UB bhap bini TPHCM padang 4 kapol urang jakar pasang iek dom quận, huyện saong D.N piah tacei pato jalan bayar jien ka njauk manuac, sumu tukvak.

Tukvak ini, bruk glut jaleih daok rahtabiak sarau kadhau di Bhum taneran kraong Cửu Long, ngak ka yaok ribau baoh sang bhap bini njauk panduan ba nao labik karei samar drah. Taeng di An Giang hu tal 56 labik takai kraong bhian njauk glut jaleih, ngak kan kandah tapak tal 5000 baoh sang bhap bini. An Giang daok padang ngak 4 labik tái định cư,  tani tanat labik daok ka labaih 1.000 baoh sang, min bruk ini bahrau pabak hu ka labaih 20% bruk panduan ba. Piah langyah ka bruk caong hu labik daok bahrau biak rilo di bhap bini, dom tinh ban di Bhum taneran kraong CL hu likau Rajaei ba tabiak sarak xã hội hóa ka gah sang danaok ini.

Sarak ka 68 di Rajaei ka dom sarak daong urang ngak saong urang pandar urang ngak gaok kan kandah kayua jit ruak praong COVID-19 hu patabiak dahlau labaih 1 thun min mbiah tal ini, tỉnh Tiền Giang birau ngak salah. Yau nan min, daok kandong labaih 3.000 urang oh ka taduan hu jien daong kayua oh ginup kadha tui bruk ba tabiak. Abih di nyu nan lac di huyen Châu Thành hu 724 urang hadei di 1 thun oh ka hu taduan jien daong.Sarak daong di karja mai tal urang mbang tui sarak oh njauk tukvak ngak trun makna di dom sarak Karja brei ka dom urang kan kandah kayua jit ruak praong.

Tui Công an tỉnh Bình Dương, dalam 6 bilan akaok thun 2022, Bình Dương hu 25 bruk ngak suan an ninh trật tự, ngan haong labaih 1.100 urang pataom gauk tual băng rôn, khẩu hiệu ngak lahik an ninh trật tự labik hu rilo manuac piah yah bak pambuak tal 12 danak  taneh riya, sang danaok. Makna lac kayua dom po buh jien tame ngak hu pambak tame bruk kurang labaih dalam  bruk taong yaom, brei adat padang ngak danak dak piah plaik di hukum, jak ba jien suan adat hukum, hadei di nan oh jao sang, taneh ka bhap bini yau sanya blaoh. 

Urak ini, njam patam di dom darak meng kan dalam Ban raya HCM daok tagok meng 14% tal 25% dut saong akok bilan  6, yaom dom janih njam patam baoh karaoh tagok meng 10 -15%. Tui ong Hoàng Thanh Hải, Yam ndoc Hợp tác xã njam patam hacih Hải Nông (huyện Củ Chi) makna ba tal yaom njam patam baoh karaoh tagok kayua jien pajeng ba, yaom blei dom janih pandap yau khak, jru, pajaih  tagok yaom yau nan ye  ngak brei yaom dom kaya nong tagok glong. Langiu di nan, hajan khang dui atah ngak dauk dalam ia rilo labik pal njam ba tal kurang njam patam.

Japon brei padang sa kapul đặc biệt nao tal ban Nara piah pasang iek dom bruk an ninh, pambuak tal bruk pametai Thủ tướng dahlau daih Abe Shinzo. Jeng pambuak tal bruk ini, gah cảnh sát pasang iek tỉnh Nara brei thau, amaik di nghi phạm Tetsuya Yamagami hu rik brei kapul agama ngan haong paok jien tagok tal 700 ribau USD. Bruk ini ngak brei kinh tế baoh sang njauk kan kandah, dalam tuk nghi phạm oh hu bruk ngak tani tanat. Kayua yau nan ye nghi phạm Yamagami sahneng lac, Thủ tướng dahlau deih ong Abe hu pambuak tal kapul agama ini, nan ye saneng tal bruk pametai ong.

Tổng thống Pháp Emmanuel Macron iew bhap bini Prang pasram pandar takik năng lượng veik chip piah caga bruk Nga cakak taong abih bruk pabak khí đốt ka châu Âu. Ong Macron jeng khan lac, rajaei Prang meda brei thau dalam bilan Hè ini sa bruk patak pataom năng lượng, gam iew bhap bini Prang pandar patak pataom năng lượng, brei lagaih, takik pandar ka dom bruk yau druac hadah melam, atau rak ia pandiak dalm bilan Hè

Khuah glai daok rahtabiak di grauk labik dalam negar Bồ Đào Nha, Tây Ban Nha, Pháp saong Croatia, khuah ralai abih sang danaok saong ngak kan kandah tal bruk ngak mbang duah jien di bhap bini, tuk binah praong châu Âu daok dalam pandiak bhang. Di huyện Leiria dalam tỉnh Leiria di Bồ Đào Nha, kapul padam pui daok kham marat padam, pacang. Di bhum tapen negar gah pai Tây Ban Nha, pui khuah glai daok nao tapa tỉnh Salamanca dalam bhum Castile saong Leon ngak ka 49 uranaih njauk panduan ba tabiak di sa trại hè. Di Thổ Nhĩ Kỳ, yaok ribau urang jeng hu panduan ba tabiak truh dom baoh sang di akaoh pulao Datca kayua khuah glai./.

Urang lang: Thu Thảo - Ái Nghiêm- 16/7