Harei ini 12/4, tỉnh Bình Dương peih bruk brei thau Sarak di UBTVQH ka bruk padang ban Tân Uyên di tỉnh Bình Dương. Tapa nan, Pho akaok QH Trần Thanh Mẫn khan lac, Tân Uyên ngak njauk tui dom Sarak di Đảng; iek praong ilamu KHCN birau, sangka bruk pato pakai pambuak haong bruk parilo urang ngak bruk ilamu glong. Paglong bruk pachreih urang buh jien tame ngak mbang, pandar siam dom bruk daong di karja, gam haong jak ba  prein khang di xa hoi piah buh jien tame ngak brei cak rok patagok jaln mbak, kong nghiep dich vu saong nong nghiep asar glong…Tal urak ini, tỉnh Bình Dương hu 4 ban, dalam nan hu: Thủ Dầu Một, Thuận An, Dĩ An, Tân Uyên.

Di Nyaom biai brei thau tanut kein laba khik ramik hành chính công pakat tỉnh PAPI 2022 peih tabiak tuk mesup ini (12/4) brei mboh labik dang akaok ka tanut PAPI  thun 2022 lac tỉnh Quảng Ninh. Patui di nan lac Bình Dương, Ninh Thuận saong Thanh Hóa. Kapul dang gah likuk lac dom tỉnh Gia Lai, Điện Biên saong Cao Bằng. Njauk caik hatai lac nyaom biai brei thau lac hu dom labik, dom tỉnh ban hu 90% rahra brei thau lac njauk yar jien ka urang mbang piah ngak harak chứng nhận quyền pandar taneh, tok hu 3% menuac brei thau lac hu padang ngak harak gar hồ sơ menuac pandar di mangaok cổng dịch vụ công taneh ia.

Tỉnh Hậu Giang birau peih bruk Pataom mbaok Tet Chol Chnam Thmay hu mbaok di labaih 200 urang lambaok lac dom sư sãi, acar, dom urang jakar padeih hưu, lambaok  baoh sang urang dalam sarak karja, urang hu angan je dalam bhap bini Khmer. Di var taom mbaok, muk Hồ Thu Ánh, Phaok  akaok  UBND tỉnh Hậu Giang caong khin taong abih dom urang jakar, dom sư sãi, bhap bini Khmer patui veik patagok bruk jum pataom, kham merat pasiam saong yam tapa kan kandah, yam tagok ngak brei tani tanat raidiuk; kham ba drei tame dom bruk jak gauk pakacah bac megru, ngak mbang, abih di nyu lac bruk ngak nong, padang ngak palei pala birau. Hậu Giang urak ini hu labaih 26.000 urang Khmer  saong 15 baha Phật giáo Nam tông Khmer.

Tỉnh Sóc Trăng hu sangka daong ka bruk pato akhar haroh Khmer saong Hoa di gah pato pakai langiu công lập, rik daong khik ramik, patagaok sap ndom, akhar vak di bhap bini bangsa. Thun bac 2022-2023, hu jaik 99 rabau anek saih lac urang bangsa takik daok tui bac, meblah jaik 37% abih tih anek saih dalam tỉnh. Piah ngak hu siam bruk pato saong bac akahr haroh ka anek saih bangsa takik, tỉnh Sóc Trăng hu buh tabiak labaih 3 tỷ 200 triệu đồng daong ka urang pato sap saong akhar haroh Khmer di tuk padeih hè; sap saong akhar haroh Hoa di dom sang bac langiu công lập dalam tỉnh.

 Di bhum Đồng Tháp Mười, tỉnh Long An, kayua raong hadang thẻ takai patih mek jien tame glaong jang rilo duk haong ngak padai yau nan ye tukvak jaik ini urang ngak nong jak gauk kuac danao raong hadang di taneh hamu. Sở Ngak nong saong patagok palei pala tỉnh ndom lac, Long An oh brei bhap bini salih bruk raong hadang di bhum Đồng Tháp Mười, kayua labik ini lac bhum ia taba. Dom gah chuc nang di tinh langyah catang oh brei tamuh tabiak taneh raong birau. Urak ini, taong abih taneh raong hadang  di Đồng Tháp Mười lac labaih 350ha.

“Pathau khan siam mekre anak tal di kinh tế dunya” bahrau abih hu Kadung jien Dunya (IMF) bahrau brei thau hu kuhria mboh dahlau lac jalan patagok kinh tế di Trung Quốc meda lac 5,2% dalam thun ini, saong meda jhul tagok bruk kinh tế dunya. Cố vấn kinh tế gam ngak Chủ nhiệm jabat roh duah di IMF brei thau, bruk pasaim saong ramik veik dom sarak dalam pacang caga jit ruak di Trung Quốc hu daong ka kinh tế Trung Quốc siam veik khang kadang. Ini lac kein laba praong ka kinh tế dunya saong jeng prein khang jhul patagok kinh tế dunya.

Gah Y te Dunya brei thau hu sa urang kumei umo 56 thun di Quảng Đông – Trung Quốc njom virur kum manuk ada H3N8 metai di harei 16/3 meng blaoh. Ini lac urang metai akok meti  kayua virus manuk ada nan. WHO ndem cambiac laic: “ Urang ruak hu rilo ruak dahlau dalam rup. Muk hu taom gaok manuk ada diuk dahlau di tuk ruak saong hu rilo cim glai mai vin var sang muk. Oh hu thei taom gaok jaik urang ruak njom virus atau mboh ruak di tuk brei thau”. Meng thun 2022 hu 3 urang njom virus H3N8 di Trung Quốc.

The thao Indonesia bahrau ini njauk gaok sa bruk biak damen tuk FIFA mek veik quyền dang tabiak peih Giải vô địch caoh mbanh, dit blong pakat dunya U20 peih ngak di taneh ia ini, bo makna lac kayua Thống đốc Bali oh taduan kapul Israel mai Indonesia hu mbaok tame Nyaom roya thể thao takai tasik dunya 2023. Hiệp hội dom UB Olympic taneh ia daok taom gaok  Indonesia piah khik kajap bruk lac yaok taneh ia jeng meda hu mbaok pakacah di Nyaom roya thể thao takai tasik dunya 2023. Lac taneh ia hu urang tui Islam rilo abih di dunya saong oh hu pambuak bruk ngoại giao haong Israel, Indonesia tuk halei jeng pachreih tui Palestine dalam bruk mesruh gauk di Israen- Palestine rah tabiak rilo thun tapa./.