Lạm phát di dunya dui tui bruk caong pablei ikan pra di dom darak pasar trun meng meteh thun ini mai, yau nan min ikan pra di taneh ia drei thun 2022 hu kuhria mboh dahlau lac meda mek jien tame labaih  2,4 tỷ USD. Ini lac jien mek tame hu rilo abih kuhria meng dahlau mai, jeng lac tanut cak rok patagok glong di abih jaik 80% dut saong thun 2021. Min tui Kapol Bruk ngak ikan Viet Nam, bruk raong ikan  di Bhum taneran kraong Cuu Long  daok hu bruk ban thei thei ngak. Tui nan ngak ka gah ikan pra patagok  oh yau caong khin saong daok huac lac “ harei ini tagok, harei paguh trun”, ba tal rilo khat lahik.

Tui LĐLĐ tỉnh Đồng Nai, tal urak ini hu labaih 200 doanh nghiệp hu khan brei thau ka bruk thưởng Tết, dalam nan hu labik thưởng glaong di abih lac 100 triệu đồng, labik thưởng takik di abih lac 50.000 đồng. Piah daong Tết ka urang ngak, LĐLĐ Đồng Nai pok panuac likau Tổng LĐLĐ Việt Nam daong ka 70.000 urang haong yaom daong 500.000 đồng sa urang. Jaik 150.000 urang ngak hu daong jien meng jien di công đoàn haong pandap panda yaom 1 triệu đồng sa urang. Urak ini Đồng Nai hu jaik 48.000 urang ngak hu takik bruk ngak, jaik 900 urang lahik bruk ngak, labaih 1.400 urang njauk tavak sraiy BHXH.

Piah patagok bruk khik kajap siam mekre bruk pajeng tuai meng radaih ô tô di Ban, meng ini tal harei 15/2/2023, Ban raya HCM tacei ba dom sơ, dom gah, dom labik brei pataom manuac tame peih ngak bruk tabung glong, pataom iek taong abih saong kham merat piah ramik pasiam bruk radaih taduan tuai, bayar tuai njuak labik  ba tabiak. Urak ini, di Ban raya HCM hu 76 labik taduan tuai oh njauk tui bruk ba tabiak, yau ye anak  labik ngak bruk, jaik labik tuh xăng, angaok jalan, mblang radaih…rilo abih lac Q5  hu 25 labik, Ban Thủ Đức hu 22 labik.

Kapul pachreih bac tỉnh An Giang pambuak bruk haong Sở Pato Megru tỉnh An Giang bahrau jao 48 pok jien bac pachreih megru Doãn Tới - An Giang ka dom anek saih, sinh vien naih gheih dalam thun bac 2022-2023. Jien bac pachreih megru Doãn Tới - An Giang tabiak rai meng thun 2009, kayua ong muk Doãn Tới padang tabiak haong panuac sanya daong 1 triệu USD, pok jien nan hu payua tame gilang pariak, mek laba yaok thun piah brei ka dom anek saih, SV lac menuac An Giang. Hadei di 10 thun padang tabiak saong patagok, kadung jien hu brei jien bac ka anek saih, SV haong yaom jien abih tih lac labaih 14 tỷ đồng (kuhrai tah tapa yaok thun 1,2 tỷ đồng).

Festival bingu Đà Lạt mbang 9 thun 2022 hu peih tabiak di melam 18/12. Ngan haong kadha “ “Đà Lạt – Ban bingu luac thun”, Festival binggu Đà Lạt na lac bruk patui veik, brei mboh, pok meyaom  urang pala bingu saong yaih khan dom makna  bingu, ka dom janih kaya nong danei angan saong oh labik halei hu yau di Đà Lạt – Lâm Đồng, yau ye: njam patam, te, caphe, tơ lụa..Dalam nan, bingu hu jeng thaot binguk gheih mekre  di ban Đà Lạt saong danei angan  oh lac dalam negar bo daok yam atah tal rilo taneh ia di dunya. Festival bingu Đà Lạt mbang 9 dui atah tal harei 31/12.

Tui kuhria mboh dahlau di Viện Chỉ số saong taong yaom prein yava (IHME) hu jabat di Mỹ, dom menuav njauk ruak COVID-19 di Trung Quốc meda tagok tal tabung glaong di harei 1/4/2023, tuk nan dom menuac metai meda tagok tal 322.000. Jaik 1/3 menuac sia Trung Quốc meda njaom ruak di tukvak nan. IHME brei thau, sarak “oh COVID” di Trung Quốc hu jak jeng dalam bruk pacang cakak dom biến thể dahlau nan di virus SARS-CoV-2, min prein njaom mbak glaong di biến thể Omicron ngak brei oh khik ramik hu sarak ini.

 Dalam harei 18/12,  nhiệt độ di bhum meraong Bohemia di negar Séc trun khang tal âm 27,5 độ C. Tuyết -ia khan laik kapal, la-ar biak la-ar saong maong oh mboh jalan ba tal kan kandah bruk tabiak jalan mbak di Séc saong hu rilo mbang gal jalan, radaih ginuh gauk. Di dom labik , langik la-ar daok ngak brei khut jalan điện cao thế, ngak lahik điện di dom labik. Ini lac nhiệt độ biar abih kuhria meng 20 thun tapa di gah Meraong taneh ia ini.

Dalam mbang dit chung kết World Cup 2022 peih tabiak di Qatar melam 18/12/2022, kapul Argentina dit mbang kapul Pháp 4-2 dalam mbang dit luân lưu, hadei di 120 minit dit hoà 3-3. Argentina tagok angan lac kapul vô địch mbang ka 3 dalam sajarah. Harei pataom dit blong praong abih di dunya thun ini jeng hu menuac tui iek rilo di abih lac 5 tỷ menuac, tui kuhria mboh di Liên đoàn dit blong dunya FIFA. Dahlau di nan, hu jaik 4 tỷ menuac tui iek dom mbang dit di vòng chung kết World Cup 2018 peih tabiak di Nga./.