Akok negar pambuak haong Mentri Ngoại giao, Mentri Kong An, Tòa án Bhap bini pakat glong saong dom jabat hu pambuak tal hu peih hop bao brei thau bruk đặc xá thun 2024 di Akok Negar Cộng hòa XHCN Việt Nam. Phaok akaok Jabat ngak bruk di Akok negar Phạm Thanh Hà brei thau, tui panuac caong khin di Rajaei, harei 30.7.2024, Akok negar Cộng hòa XHCN Việt Nam Tô Lâm hu mbaoh tangin tame harak đặc xá thun 2024 tuk pahadar 79 thun Harei Negar CHXHCN Việt Nam saong 70 thun harei peih paha Ban ine. Urang hu đặc xá nan lac: Urang daok guk hu tukvak, urang daok guk luac rai hu brei trun daok guk tui tukvak, urang hu brei padeih phạt daok guk.

Sở Y tế TP.HCM bahrau peih ngak “harei pataom bruk ngak duh ka dom bac si ranaih umo” thun 2024 di Pasak Y tế Quận 8. Tui PGS.TS Tăng Chí Thượng, yam ndok Sở Y tế TP.HCM, “harei pataom bruk ngak” thun 2024 hu peih praong piah ka dom urang hu mbaok tame lac bac si hu harak gar ngak bruk min ka oh duah hu bruk ngak. Hu labaih 100 bac si hu harak gar brei adat ngak bruk tut angan tame. ini lac bruk biak uan tabuan tuk hu rilo bac si hu harak gar brei adat ngak bruk pilih ngak di labik y te pak co so, rik tame paglaong bruk sangka prein yava ka rahra abih di nyu nan lac di dom quan, huyen bhum tapen.

UB bhap bini huyen Long Mỹ, tỉnh Hậu Giang birau peih bruk Khan brei thau xã Thuận Hưng mek hu tanut chuan palei pala birau kiểu mẫu. Bruk siam gheih abih dalam bruk padang ngak palei pala birau kieu mau di xã Thuận Hưng, lac bhum palei patagok hu labaih 70 bruk pambuak gauk ngak tabiak pandap panda jien mek tame ka bhap bini hu meng 100 trieu dong tagok sa hecta sa thun; gam hu rilo labik ngak mbang, pablei salih hu kein laba saong duah hu bruk ngak ka labaih 250 urang. Abih di nyu lac bhap bini njauk hatai ralo haong dom bruk padang ngak palei pala birau kieu mau di xã.

Mban khik ramik labik tasik Hòn Cau (huyện Tuy Phong, tỉnh Bình Thuận) hu duah mboh sa sruh baoh kara kanduh tasik. Yaom lac ka oh thau cambaih janih min tui kuhria ini rilo meng lac janih đồi mồi quý hiếm. meng hadei di tuk duah mboh, urang ngak pak Labik khik rasmik tasik Hòn Cau hu pataom mek, khik piah saong panduan ba nao caik di labik karei dom baoh nan piah caih hu salamat. Ini lac mbang camriep dalam thun ini, kara kanduh tasik mai tal Hòn Cau piah caih baoh. Ini lac sa bruk biak uan tabuan tuk kara kanduh tasik lac janih athur quý hiếm mbuan lahik nao biak glaong.

Tui bilai Kuhria tui iek bruk langik tasik di bhum gah Meraong, tui kuhria, hajan dalam bilan 8 di TPHCM biar jang dut saong dom thun dahlau. Pandiak kuhria rah tapa glong jang yaok thun meng 0,3-0,8 độ C. Meda hu sa mbang takik hajan suai lavik di Ban raya HCM dalam adit akaok saong adit kreh bilan. Mbang hajan takik lavik harei dui atah, brei pacang caga bruk kurang ia ka bruik ngak nong di kreh bilan.

Rajaei Campuchia bahrau ba tabiak jalan ngak pakat negar ka bruk pacang caga bruk pablei salih manuac dalam 5 thun anak tal, piah pamaong tal bruk dak harei dak takik saong lahik abih janih duas ini. Phó Thủ tướng, Akaok Mintri Nội vụ Campuchia brei thau lac, jalan ngak pakat negar meda daong ka rajaei pacang cakak samu saong lagaih dom kol toi pham pablei salih manuac, tapa bruk caga dahlau hu siam jang saong dom jalan langyah palagaih jang, ngak tui asal kadha lac thau cambaih khau tin ginup, taong abih gah saong njauk ka bruk pablei salih manuac.

7/ Kapol Chữ thập Đỏ Hàn Quốc hu peih panuac haong Bình Nhưỡng ka bruk daong ngak pahala tuk bhum gah Barak Triều Tiên hu hajan ia sua trak. Mentri Thống nhất Hàn Quốc khan lac Hàn Quốc tuk halei jeng halan hatian daong pandap panda piah langyah “ dom kan kandah dalam bruk ngak pahala” bo bhap bini Triều Tiên daok dang anak. Rabuk ia sua khang di bhum Tây Bắc Triều Tiên ngak dauh rilo danak dak duh ka bhap bini, jalan mbak sang daok, dalam nan hu labiah 4.100 baoh sang, jaik 3.000 ha taneh ngak nong.

Mintri Jalan mbak pajeng ba Mỹ hu ba tabiak adat bahrau, dalam nan pakauk dom hang kapar haok oh mek rilo jien jang meyah amaik ame daok gam anek sit. Tui panuac ba tabiak ini, dom hang kapar haok di Mỹ saong negar langiu meda njauk rami ramik labik daok oh mek jien ka uranaih meng umo mala 13 thun daok jaik amaik ame atau urang praong thun nao gam. Tui adat ini meda daong ka sa sang hu 4 urang patak pataom hu tal 200 USD jien labik daok ka sa mbang par nao mai.