Rajaei bahrau patabiak Sarak 13/2023/NĐ-CP ka bruk Khik piah dữ liệu di manuac urang, dalam nan pakauk bruk pablei salih dữ liệu ini tui yaok jalan ngak. Sarak ini hu pandar meng harei 1/7, dữ liệu manuac urang hu khik pacang, khik kandauk saong khik piah dalam tukvak lagaih piah langyah dữ liệu. Po di dữ liệu njauk hu thau ka dom khau tin hu pambuak tal drei. Dom kapul. Manuac urang ngak suan dom adat khik piah dữ liệu manuac urang njauk langyah, phat jien  atau hình sự. 

Sang iek ruak Ruak Nhiệt đới TP.HCM brei thau, bruk mangaok  mạng xã hội ndom ka jit ruak COVID-19 saong 140 urang ruak biến chủng bahrau di sang iek ruak ini, lac bruk suan, oh biak yau nan. Biar harei kabroi (18/4), mạng xã hội Facebook ba gauk ndom lac,  “Jit ruak daok njaom mbak khang, abih gauk sangka cuk pataih pacang mbaok khử khuẩn tuk nao tal labik rilo menuac”, gam haong nan, lac "12 labik jit pandiak” daok di dom quận, huyện dalam ban raya. Langiu di nan, daok ndom lac,  “Sang iek ruak Nhiệt đới hu 140 urang ruak biến chủng bahrau”.  Tui bác sĩ Lê Mạnh Hùng – Phaok Yam ndok sang iek ruak Ruak nhiệt đới (TP.HCM), bruk nan lac suan.12 urang daok taong ruak di sang iek ruak lac urang praong thun hu ruak dahlau dalam rup, dalam nan tok hu 8 urang suak yava meng oxy, oh hu menuac suak yava meng mac, jamriak.

Melam kabroi (18/4), di Pasak ilamo - Điện ảnh tỉnh Bến Tre hu rah tabiak danak dak ilamo, yaih khan tapuk uan salam Harei ilamo dom bangsa Việt Nam. Ini lac tukvak piah ka rahra dom bangsa daok dalam saong langiu  tỉnh taom gaok gauk ba drei tame saong pato ilamo di yaok bangsa, ngak jeng labik ma-in ka rahra, parang iek thaot binguk biak gheih makre bak sambo mau di dom bangsa adei saai, ba drei tame dom bruk ngak di rahra gam lac ilamo meng kan, gam bahrau, duh , pabak  bruk ilamo dak harei dak caong hu glaong di rahra.

CA ban Thủ Dầu Một, tỉnh Bình Dương harei kabroi (18/4) brei thau,, urak ini hu jaik 2.700 radaih mô tô abih tukvak cap khik, min oh ka hu menuac mai taduan mek. Tapa yaok pataom dom radaih daok mek khik, CA ban Thủ Dầu Một, tỉnh Bình Dương hu padang angan jaik 2.700 radaih abih tukvak cap khik, min oh ka hu menuac mai taduan mek veik,. Jeng hu rilo menuac mai taduan mek min oh hu ginup harak gar nan ye gah CA ka oh jao brei.

UBND tỉnh An Giang bahrau pathau khan tamat tukvak samar drah ka bala di langik tasik, glut jaleih di dalam tỉnh di 22 labik takai kraong Tiền, kraong Hậu nduac tapa tỉnh. Tui nan, dom bhum njauk langyah blaoh bruk glut jaleih saong tamat bruk samar drah, hu jalan tagok ceik Cấm (xã An Hảo, ban Tịnh Biên; takai kraong Tiền (labik tapa ban sit Phú Mỹ, huyện Phú Tân); labik kraong Kênh Xáng Tân An (phường Long Châu, ban sit Tân Châu); ar kraong Bắc kênh Xáng (xã Tân An, ban sit Tân Châu);takai kraong Hậu (xã Châu Phong, ban sit Tân Châu); takai kraong Hậu (xã Vĩnh Trường, huyện An Phú); takai kraong Hậu (xã Phú Hữu, huyện An Phú). 

Karja rilo bhum di Ấn Độ brei kreik pabah mbang dom sang bac dalam 1 adit hadei di tuk  langik pandiak glaong, tagok tal mangaok 40 độ C. Jabat Thời tiết taneh ia Ấn Độ brei thau, taneh ia ini meda hu mbang pandiak bhang meng bilan 3 tal bilan 5. Bilan 2 meng blaoh, nhiệt độ glaong abih kuhria rah tapa dalam Ấn Độ lac 29,5 độ C, lac glaong di abih kuhria dalam labaih 120 thun tapa. Pandiak bhang ngak brei takik di nyu 11 urang metai saong labaih 40 urang njauk tame sang iek ruak kayua glaih glar meng pandiak hadei di tuk hu mbaok dalam sa bruk praong di bang Maharashtra daok di gah Timur Ấn Độ harei 16/04.

Mbang nyaom thường trực di Liên hợp quốc ka urang bản địa bahrau peih pakah di jabat Liên hợp quốc di ban ine New York  (Mỹ) ngan haong kadha: “Urang bản địa, prein yava di anek manuac, prein yava di baoh taneh saong biến đổi khí hậu: jalan pambuak pamaong tal dom quyền”.  Di mbang nyaom, Tổng thư ký Liên hợp quốc Antonio Guterres hu brei thau dom kan kandah bo urang bản địa daok gaok. Ong jeng taong yaom glaong bruk ngak di urang bản địa dalam pacang caga biến đổi khí hậu tuk ieu ini lac dom menuac khik caga parilo janih sinh học ka dunya. Yaom lac oh ngak tabiak bruk sarau kadhau khí hậu min urang bản địa lac menuac daok di dom labik samar drah ka langik tasik. 

21 urang metai hadei di tuk pui khuah sang praong, glaong rilo tal daok di gah timur labik taong ruak nội trú di sang iek ruak Trường Phong daok di ban ine Bắc Kinh, Trung Quốc harei kabroi 18/4.  Tui Nhật báo Bắc Kinh, pui khuah tabiak di tuk jaik mon 1 kreh pandiak tui mon pak nan. Lin padam pui hu mbaok chip saong pacang hu pui khuah di mon 1 meteh. Abih tih 71 urang hu ba nao labik karei. Kuhria tal mon 6 biar harei nan, 21 urang metai hadei di tuk hu ba tame sang iek ruak. Khuah sang iek ruak takik hu mboh di Trung Quốc. Urak ini, urang jakar daok duah thau makna di bruk khuah nan.