Ndem tal bruk ngak mblo tabiak gah langiu kadha pakacah Ngữ văn saong Toán mbang pakacah THPT 2023 angaok mạng internet, Mentri Pato megru brei mboh bruk nan oh ngak jhak hagait tal Mbang pakacah kayua tui bruk duah thau hu mboh, ini lac bruk ngak suan di dom anek saih saong urak ini oh ka mboh khaw tin langyah kadha pakacah atau tacei pato langyah meng gah langiu payua tame bilik pakcah. Mbiah tal tukvak ini, dalam negar  oh mboh bruk ngak jhak, peih bruk bleih saleih. Mban tacei jalan pakat negar oh  atah klah kadha pakacah  kayua bruk nan tok pambak tal sa urang, oh jhak tal dom anek saih karei. 

Urang dang akaok huyện Bình Chánh – labik hu rilo khu chế xuất, khu công nghiệp di TP.HCM bahrau peih bruk ndom biai nao mai haong dom doanh nghiệp daok dalam huyện. Tapa nan, dom doanh nghiệp brei thau, bruk ngak mbang pablei salih jeng daok rilo kan kandah, hu 70% doanh nghiệp kurang phun jien mesraiy, yaom lac hu dom labik brei mesraiy min bruk mesraiy oh mbuan, abih di nyu lac ngan saong doanh nghiệp sit saong mbiah. Dom sarak taneh riya, harak gar, sarak dui pachreih urang buh jien tame ngak mbang, abih di nyu lac dom gah yau pato megru, du lịch sinh thái pambuak haong bruk ngak nong… jeng oh ka lagaih.

Meng akaok thun mbiah tal ini, yaom lac bruk ngak mbang pablei salih di tỉnh Tiền Giang gaok rilo kan kandah min bruk mek jien tame kadung jien karja di tỉnh biak ralo, ralo labik mek jien je tapa bruk jao brei. Ong Lê Văn Đông,  Pho akaok Chi Cục jien je huyện Cái Bè khan lac,  thun ini huyen kham merat  mek jien je tame  labaih 203 tỷ đồng; dalam 10 thun tapa huyện Cái Bè mek jien tame glong jang dut haong bruk hu jao brei.

Sa ong taha umo 90 thun daok di huyện U Minh, tỉnh Cà Mau hu cấp cứu di sang iek ruak Hoàn Mỹ Minh Hải dalam tuk kan suak yava biak trak, kalik hijao, jih cambuai ngù, mạch nduac samar. Hadei di tuk taong yaom bruk ruak di urang ruak, dom bác sĩ brei peih hệ thống cấp cứu ngưng tim – padeih suak yava (Code Blue). Hadei di 5 harei taong ruak, urang ruak nan brei padeih suak yava meng jamriak, suak yava eng hu, prein yava mboh hu siam tagok. BS.CKI. Đào Trung Trí, Phaok akaok khoa Hồi sức cấp cứu, Sang iek ruak Hoàn Mỹ Minh Hải brei thau, tapa taong ruak hu siam mekre yau nan, brei mboh bruk siam lagaih di hệ thống Code Blue. Tapa nan, daong taong ruak, cấp cứu saong pabak veik prein yava ka urang ruak

Jabat Cảnh sát pasang iek Công an Ban Biên Hòa, tỉnh Đồng Nai birai ba tabiak kaoh tui hukum bị can Bùi Văn Xờ - po Bilik iek ruak Đa khoa Tam Đức (phường Tân Hiệp) saong pakauk urang nan tabiak truh labik daok piah pasang iek ka bruk ngak ja con dấu, harak tài liệu di jabat tổ chức. Langiu di bi can Xờ, kong an ba tabiak 19 bị can  lac dom bác sĩ , dược sỹ, urang jakar y tế saong urang chuyen mon piah ngak ja dom harak adat di bilik iek ruak đa khoa. Kong an brei mboh, dom jabat iek ruak gah langiu blei pablei dom harak gar chứng nhận padeih bruk piah hu mbang tui BHXH ye daok ngak hồ sơ piah taduan jien BHYT.

Jaik 2 tỷ urang Islam di grauk labik mangaok dunya hu uan raok harei roya Eid al-Adha atau daok ieu lac roya Qurban, dui atah dalam 4 harei. Di dom taneh ia daok srau kadau yau Palextin, Xyri, Yemen, Libya atau Irac, dom kan kandah jeng oh pacang hu bruk bui sambai chreih chrai di harei roya Eid al-Adha. Meng saboh mesup, dom urang Islam di grauk labik dalam bhum Trung Đông saong Bắc Phi ba gauk tame bak dom sang megik piah samen roya. Taong abih jeng caong hu siam mekre mai tal di anak. Ini jeng lac tuk urang Islam nao ngak rukun haji di palei Mecca.

Harei ini 30/6, Hội đồng Bảo an LHQ brei buh phieu padeih bruk khik brei sron mbon hoa binh dui atah sa pluh thun tapa di Mali. Hoi dong kuhria brei tapa sa sarak kayua Pháp vak tabiak, iew Phái bộ khik sron mbon hoa binh di Liên hợp quốc pak Mali peih ngak bruk meng harei 1/7, jao bruk ngak, jeng yau “ ba bol lin tabiak hu tani tanat saong salamat”, kham ngak brei salah bruk nan dahlau harei 31/12. Bruk nan peih tabiak hadei karja quan su di taneh ia Tây Phi ini iew patuah 13.000 urang tabiak samar dalam dua adit.

Sauk pui meng yaok ratuh labik khuah glai di Canada daok par tapa dom labik di bhum Trung Tây saong bờ Đông taneh ia Mỹ, ngak jhak tal langik tasik. Labaih 100 triệu urang daok di dom labik dalam bhum ini jeng hu kakei lac takik tabiak gah langiu, cuk pataih pacang mbaok meyah mboh suak yava oh lagaih. Kuhria tal harei 28/6, Canada jeng daok hu jaik 480 labik khuah, jaik sa meteh dalam nan daok pasang iek hu. Dom labik khuah nan, mbang ralai labaih 8 triệu hecta glai./.