Tổng Giám đốc Đỗ Tiến Sỹ hu taong gar peih mbaok ka harei Pataom papar sap pakat negat mbang ka 15 - thun 2022

Bruk peih mbaok harei Pataom papar sap pakat negar mbang ka XV - thun 2022 hu peih tabiak di melam 4/8 di Sang daoh tamia Ban raya Hồ Chí Minh. Ủy viên Bộ Chính trị, Bí thư Thành ủy TP.HCM Nguyễn Văn Nên; Urang dahlau daih ngak Ủy viên Bộ Chính trị, Thủ tướng thường trực Rajaei dahlau daih Trương Hòa Bình; Bí thư Trung ương Đảng, akaok mban Tuyên giáo Trung ương Nguyễn Trọng Nghĩa; Ủy viên Trung ương Đảng, Bí thư Tỉnh ủy Long An Nguyễn Văn Được; Ủy viên Trung ương Đảng, akaok UBND TP.HCM Phan Văn Mãi; Thứ trưởng Mintri Thông tin Ilamo saong Du lịch negar CHDCND Lào Phosy Keomanivong; Tổng Giám đốc rayo papar sap negar Lào Sovanh Vilayseng; gam haong dom urang lambaok dom Mintri, dom gah, dom tỉnh, ban, lambaok dom Sở, mBan, dom gah di TP.HCM saong dom tuai damuai dunya hu mai hu mbaok saong uan harei pataom di dom urang ngak gah papar sap. Harei pataom papar sap pakat negar mbang ka 15 kayua Rayo sap ndem VN pambuak haong UBND TP.HCM, Rayo sap ndem Bhap bini TP.HCM peih tabiak meng harei 4-6/08/2022, ngan haong kadha “sami samar salih bahrau – lagaih piah yam tagok”. Meng labaih 500 kadha hu mbaok tame pacacah (glaong abih meng dahlau mai), mBan peih bruk hu pilih ruah tabiak 203 kadha hu ba tame vòng chung khảo .Lambaok ka urang par akaok di Rayo sap ndem VN, Tổng Giám đốc Đỗ Tiến Sỹ hu taong gar peih mbaok ka harei Pataom papar sap pakat negat mbang ka 15 - thun 2022.

Di mbang nyaom UBND TP.HCM ka bruk KTXH bilan 7 saong 7 bilan akaok thun 2022 saong bruk ngak, jalan ngak bilan 8 thun 2022 peih tabiak harei kabroi, ong Lâm Đình Thắng-Yam ndok Sở Thông tin song Truyền thông brei thau, dalam 7 bilan di thun 2022, dom gah di TP.HCM taduan hu 22.470 kiến nghị, brei thau di bhap bini. Dom gah hu khan brei thau rilo abih lac gah trật tự đô thị saong tài nguyên môi trường.

Harei 4/8, Công an tỉnh Bình Phước hu peih mbang pathau khan brei padang Trung đoàn Cảnh sát cơ động caga mesuh di công an tỉnh.  Công an tỉnh Bình Phước lac sa dalam 14 labik dalam taneh ia hu padang kapul Cảnh sát cơ động caga masuh pakat trung đoàn. Trung đoàn hu 3 tiểu đoàn ngan haong labaih 1.000 urang jakar, chiến sĩ di kapul Công an tỉnh Bình Phước saong công an pakat huyện. Trung đoàn hu padang tabiak piah pabak ka kapul, paglaong chất lượng, lagaih dalam cơ động, vũ trang mesuh piah padang ngak dom bruk hu makna di dalam tỉnh Bình Phước. 

Yaom lac xăng menyek trun yaom khang rilo mbang, min yaom rilo janih pandap mbang, huak, dalam nan hu gam lisei, pacuk, phở...hadei di tuk tagok tui yaom xăng jeng oh trun, gaok mai daok tagok yaom. Rilo doanh nghiệp tagok yaom pandap ndom lac kayua yaom xăng menyek tok meblah hasit dalam yaom pandap, min  jeng hu panuac lac, hu bruk tagok blaoh kan trun meng urang pablei. 

Tapol ikan voi hijao hu 6-7 drei daok hu mboh di bhum tasik Đề Gi (huyện Phù Cát, Bình Định). Tui bhap bini di pak ini brei thau, cá voi hu mboh di tapen tasik Đề Gi lac bruk takik mboh di dom thun jaik di ini. Urang taong ikan maong iek bruk hu mbaok di saong mboh tapon cá voi lac bruk biak patuak jamo, siam makre.

Brei panuac di Quốc hội harei 4/8, Akaok Mintri ngak nong saong Công nghiệp Thực phẩm Malaysia Ronald Kiandee brei thau, bruk pakauk pablei tabiak negar langiu ralow menuk di Malaysia tui kuhria hu tamat di harei 31/8 kayua taneh ia ini urak ini labaih ralow menuk piah pablei. Dalam bilan 6 meng bloh, Malaysia – taneh ia pabak menuk diuk ka dom taneh ia daok jaik taphia yau ye Singapore haong Thái Lan, brei padeih pablei mbiah tal tuk sản lượng haong ralow menuk hu tani tanat veik. Bruk ini hu ba tabiak hadei di tuk bruk kurang pandap mbang huak di dunya daok trak damak tagok meng bruk mesruh gauk di Nga haong Ukraine ngak klaih klaih bruk sản xuất.

Dua urang metai saong 7 urang karei njauk rambuac dalam bruk cuh phao di 2 kapul dam dara dalam blang pataok radaih di sa cửa hàng bách hóa di quận Moang, tỉnh Ubon Ratchathani, gah đông bắc Thái Lan di melam 3/8. Khau tin tuk camriep brei thau dom kapul cagar gauk nyu taom gaok gauk di mblang pataok radaih piah langyah dom bruk oh njauk gauk min oh jeng. Dua gah hadei di nan hu mek phao cuh tame gauk dalam labaih 7 minit. Labaih 50 kaduk siu cuh blaoh hu duah mboh di labik cuh phao saong labaih 10 sruh radaih ô tô dalam mblang pataok radaih njauk phao cuh tame.

Harei kabroi, akaok Mintri Quốc phòng Nhật Bản Nobuo Kishi brei thau, 5 tên lửa đạn đạo di Trung Quốc cuh tagok dalam mbang pasram mesruh dahlau di nan dalam harei nan nyu laik tame bhum đặc quyền kinh tế (EEZ) di Nhật Bản. Ini lac mbang camereip abih 5 tên lửa di Trung Quốc laik tame EEZ di Nhật Bản. Akaok Mintri Quốc phòng Nhật Bản hu panuac lên án bruk cuh tên lửa lac 1 bruk praong pambak tal bruk an ninh di Nhật Bản saong bruk siam mekre salamat di bhap bini./. 

Urang lang: Thu Thao – M. Phuong - 05/08