Sarak ka 09 di Mintri patao magru hu tacei tabiak bruk peih pato pakai, pasram megru saong pabak chứng chỉ sap bangsa takik pandar ka dom labik pato magru đại học, cao đẳng hu gah pato pakai gru pato saong dom pasak pato magru thường xuyên, pasak pato magru bruk ngak – pato thường xuyên peih bruk pato tacei, pasram veik sap bangsa takik; dom So pato magru, dom kapul saong manuac urang hu pambuak tal. Sarak hu ndem cambaih laih dom điều kiện ngan haong labik pato magru, pasram veik sap bangsa takik ka kapul gru pato, danak dak pato cambaih laih, kadha pato, pasram veik, pandap panda, bilik bac saong abih di nyu nan lac hu jalan peih bruk pato magru, pasram veik sap bangsa takik. Urang pilih ruah tame danak dak pato gru pato sap bangsa takik lac rahra Việt Nam hu harak bac tamat cao đẳng sư phạm tagok atau harak bac tamat đại học, cao đẳng saong hu chứng chỉ pasram veik nghiệp vụ sư phạm; ndem hu sap bangsa takik di danak dak pato. 

Nút giao atah labik puac cao tốc TP HCM - Long Thành - Dầu Giây labaih 10 km, pambuak tame jalan Dầu Giây - Phan Thiết, tui kuhria hu ba tame pandar di tuk 30/4. Tui Tổng Cty Đầu tư patagok jalan cao tốc Việt Nam (VEC), bruk pabak yaom phí di nút giao ini piah kuhria njauk, kuhria ginup labik jalan radaih nduac mangaok cao tốc TP HCM - Long Thành - Dầu Giây, kayua nyu katut panak jang duk haong abih jalan. Yaom phí bahrau pabak di nút giao cao tốc Long Thành - Dầu Giây saong Dầu Giây - Phan Thiết meng 24.000 đồng tal 295.000 đồng, tui labik jalan, hadei di tuk jalan ini hu peih tabiak.

Piah pacang caga bruk kuac mek cuah suan adat hukum, dom gah chức năng tỉnh Tiền Giang daok pandar dom jalan ngak biak catang, dalam nan hu gam bruk kaoh tui hukum dom urang ngak suan dalam gah ini. Meng thun dahlau tal urak ini, dom gah chức năng tỉnh Tiền Giang hu pataom prein tame pasang iek, duah mboh, langyah labaih 200 bruk ngan haong jaik 370 urang kuac mek cuah suan adat hukum, pajeng ba oh hu harak gar, chứng từ, abih tih yaom jien phat lac jaik 18 tỷ đồng, pataom mek 12 sruh ghe gilai saong pandap ngak suan hành chính lac 7.580 m3 cuah tuh mbaok taneh.

Sở jalan mbak Pajeng ba tỉnh Bà Rịa – Vũng Tàu brei thau, hu taduan tui bruk pandar dom jalan dalam ban Vũng Tàu piah peih giải Oneway Marathon Vũng Tàu thun 2023. Giải nduac Oneway Marathon Vũng Tàu thun 2023 kayua UBND tỉnh Bà Rịa – Vũng Tàu pambuak haong Hội Nhà báo Việt Nam, Rayo sap ndom Việt Nam peih ngak hu peih tabiak di ban Vũng Tàu harei pagaiy (23/4). Dom vận động viên meda nduac tapa rilo jalan yau ye: Quang Trung, Hạ Long, Thùy Vân...

Di tuk Pahdar 48 thun Harei paha gah maraong, yasa taneh ia (30/4/1975 - 30/4/2023) saong 137 thun Harei Dunya urang ngak (1/5/1886 - 1/5/2023); pahadar 80 thun tabiak rai “Kadha ka ilamo Việt Nam” (1943 - 2023), TP.HCM meda cuh phao bingu 15 minit di melam 30/4.  Ban raya meda cuh phao bingu di 2 labik lac akaok jalan lubang kraong Sài Gòn (cuh glaong) saong mblang ma-in ilamo Đầm Sen, Quận 11 (cuh bier). Tukvak cuh phao bingu meng maong 9 tal maong 9, 15 minit melam 30/4/2023. Langiu di nan, dalam harei lễ 30/4 saong 1/5 thun ini, di ban raya daok hu danak dak ilamo biak gheih hu peih tabiak di maong 7 melam 28/4 di jalan nao takai Nguyễn Huệ

Hạ viện Mỹ bahrau brei tapa dự luật kayua Đảng Cộng hòa ba tabiak, piah pakauk urang kumei saong uranaih kumei chuyển giới pakacah dalam dom môn thể thao brei ka urang kumei saong uranaih kumei di sang bac. Tổng thống Joe Biden jeng hu panuac oh njauk hatai haong dự luật, ieu nyu lac phân biệt đối xử saong khan lac meda phủ quyết meyah mboh lac njauk ngak yau nan. Meyah hu brei tapa, dự luật meda salih karei hukum dân quyền, hu ieu lac Tiêu đề IX piah ndok giới tính di anek saih brei "iek tui bruk menek".

#Di Thái Lan, meng di akaok thun tal urak ini, hu labaih 2 trieu 4 rituh urang di negar ini njauk nao tal sang iek ruak piah taong ruak dom bruk pambuak tal tachrauk nerak alam langik. Urang kanja trách y tế Thái Lan brei thau lac, taneng di dalam adit ini, hu 184.465 urang tame sang iek ruak di negar ini kayua tachrauk nerak alam langik, dom urang ini mboh dalam rup kan suak yava, pandik tarakaong, pandik mata saong laka kalik. Dom urang kanja y tế Thái Lan jak ba rahra njauk cuk pataik pacang mbaok plaih njaih di bruk njom tachrauk nerak N95 hu chất lượng glaong, kareik pabah mbang tho saong pabah mbang tame tabiak, patakik tukvak tabiak langiu saong pahat rup dalam sang.

Kuhria meng tuk hu ba tame pandar, jalan pasei Thái Lan - Lào - Trung Quốc hu jeng jalan pambuak praong di Trung Quốc haong dom taneh ia dalam ASEAN. Harei 19/4, sruh radaih jalan pasei pajeng pandap camereip abih tui jalan Thái Lan - Lào - Trung Quốc hu tabiak meng ga di tỉnh Rayong (Thái Lan) piah nao tal Quảng Châu, Trung Quốc. Jalan pajeng pandap ini hu daong dui katut panak tukvak jang duk haong jalan pajeng pandap dahlau daih, saong daok trun hu labaih 20% jien sahui pajeng ba, khik siam chất lượng pandap panda meng Thái Lan tal tangin urang blei pandar di Trung Quốc tok dalam 5 harei./.