Thành ủy, HĐND, UBND, Ủy ban MTTQ Việt Nam ban raya Hồ Chí Minh bahrau peih bruk pok angan Amaik Việt Nam Anh hùng ka 8 Amaik Việt Nam Anh hùng palăng lahik bloh. Bruk pok brei angan Amaik Việt Nam Anh hùng ini, brei mboh bruk thau dhar phor di taneh ia ka bruk rik daong praong prein yava saong var klaak rup drei di dom amaik. Min tapa jaik 50 thun peih paha gah maraong negar yasa taneh ia, jeng daok hu rilo harak gar di dom amaik saong dom Anh hùng liệt sĩ ka oh hu ngak salah, bruk ngak di dom gah ngak sarak jeng ka oh ngak salah.

Kapul urang kumei tỉnh Đồng Tháp pambuak bruk haong Bộ Chỉ huy Bộ đội Biên phòng tỉnh peih ngak danak dak “Nao gam haong urang kumei bhum tapen negar” piah daong prein, daong ka urang kumei bhum tapen negar patagok bruk ngak mbang kinh tế sang. Labaih 2 thun tapa, danak dak peih bruk pathau khan, jak ba, daong ka urang kumei patagok abih gah, dak padang baoh sang haniem phul, khik ramik dom bruk ngak mbang duah jien khang kajap di bhum tapen negar, jak ba, tacei pato urang kumei hu mbaok tame khik caga quyền ngak po taneh ia, sron mbon bhum taphia negar.

Anak dom panuac brei thau di rahra ka bruk gaok rilo kan kandah hadei di tuk klaak harak hộ khẩu, bahrau ini, UBND tỉnh Bình Dương hu harak pato tacei rami ramik pasiam veik bruk peih ngak adat pambuak tal bruk klaak harak hộ khẩu, sổ tạm trú ba-ar. Dalam nan ieu kakei dom bhum pasang iek saong langyah biak catang urang jakar, công chức, viên chức ngak suan dom adat, oh ieu rahra ba tabiak atau nộp sổ hộ khẩu, sổ tạm trú ba-ar dalam tuk ngak harak gar, giao dịch dân sự tuk hu dữ liệu ka rahra hu pambuak, parabha haong Cơ sở dữ liệu negar ka rahra.

Urang ngak nong tỉnh Trà Vinh daok tame bilan kaoh tabau bilan pala thun 2022-2023. Yaom tabau thun ini tagok 150 đồng/kg duk haong bilan pala thun dahlau, năng suất kuhria rah tapa hu 95 tấn/ha. Meng nan, urang pala tabau hu laba meng 30-40 triệu đồng/ha. Yaom lac urang pala tabau hu laba min gah ngak nong oh pachreih urang pala tabau peih praong taneh pala. Makna lac rilo bilan tabau dahlau di nan yaom tabau bhian biar, tukvak anak tal yaom tabau jeng ka oh thau yau habar, nyu oh tani tanat.  Kayua yau nan ye, huyện tok khik 1.100 - 1.200 ha pala tabau.

Di dalam huyện Gò Công Đông (tỉnh Tiền Giang) bahrau mboh sa sruh jit thủy đậu di sang bac mầm non Tân Điền ngan haong 11 urang ruak. Kayua lac labik rilo manuac taom mbaok gauk nan ye njom mbak biak samar. Hadei di tuk hu dom urang ruak thủy đậu, Pasak y tế huyện Gò Công Đông pambuak haong bilai y tế xã Tân Điền saong sang bac Mầm non Tân Điền  peih ngak dom jalan ngak piah pacang caga jit ruak ka dom gru pato saong anek saih; peih bruk puh ramik bilik bac, dom pandap panda, mban kik dalam bilik bac meng dom jru pametai anek ruak. Langiu di nan, dom gah y tế paglaong bruk pathau khan dom jalan pacang caga ruak thủy đậu tal rahra.

Kuhria meng di tuk peih pabah mbang taneh ia veik piah taduan raok tuai mai ravang me-in meng bilan 5/2022 tal urak ini, gah du lịch di Lào hu tagok veik tani tanat. Dom tuai negar langiu mai rilo meng Thái Lan saong Hàn Quốc. Abih di nyu lac jalan pasei cao tốc Lào-Trung pambuak meng pabah mbang negar di Boten dalam tỉnh Luang Namtha (Bắc Lào) tal ban ine Vientiane daok brei mboh bruk dui pachreih saong lac jalan nao mai mbuan lagaih ka tuai damuai.  Meng bruk tuai mai ravang me-in tagok rilo yau urak ini, tui kuhria, Lào meda samar ngak hu bruk ba tabiak lac taduan raok takik di abih 1,4 triệu mbang tuai negar langiu mai tal taneh ia ini dalam thun 2023.

Cảnh sát Indonesia bahrau brei palai klaak phun cần sa that hu pala di mblang taneh praong labaih 11ha di sa labik praong di Bắc Sumatra. Langiu di nan, cảnh sát jeng brei palai klaak rilo phun cần sa that di mblang hamu karei di Tây Aceh praong tal 32 ha. Taong abih phun cần sa njauk pataom mek, palai klaak labaih 190 ribau phun – lac phun cần sa daok caga kaok mek. Meng thun 2017, Indonesia hu brei tapa dom hukum pacang caga jru phin biak catang piah pacang caga bruk samar drah ka jru phin di taneh ia ini.

Dah mesup ini (09/03), tui mon Việt Nam, Thượng viện Prang brei tapa asal kadha praong di danak dak hukum salih bharau jien bilan padeih hưu patagok umo padeih hưu njauk adat hukum di taneh ia ini meng 62 tagok 64. Harei ini, Thượng viện Prang daok brei ginum biai ka sa paka salih bahrau daok ba tal kamlah gauk dalam danak dak hukum salih harau jien bilan padeih hưu ka bruk klaak dom bruk đặc biệt hu pandar ka urang jakar khik ramik padeih hưu. Dalam tuk nan, dom liên đoàn Prang daok khin cagar veik meng sa mbang trun jalan bahrau piah ieu Tổng thống Prang mek veik danak dak hukum salih bharau bruk padeih hưu di drei./.