Dalam 4 harei padeih lễ 2.9, cảnh sát giao thông dalam negar hu mboh, hu langyah labaih 60.300 mbang radaih nduac suan adat hukum jalan mbak, dalam nan hu labaih 16.400 mbang urang menyum alak mbia blaoh peih nduac radaih. Dalam negar rah tabiak 257 mbang bala radaih ginuh paoh gauk, ngak brei 124 urang matai saong 193 urang njauk rambus.

Dalam 6 bilan akaok thun, dalam taneh ia rah tabiak 70 mbang njauk jru mek kaya mbang, jaik 3 ribau urang gaok mek saong 12 urang metai. Jeng dalam 6 bilan akaok thun, gah Kong An hu duah mboh, langyah labaih 3.000 mbang ngak suan gah salamat kaya mbang ngan haong labaih 3.000 urang ngak suan. Thiếu tướng Nhữ Thị Minh Nguyệt, Phaok akaok Cục Cảnh sát pacang caga urang ngak suan gah môi trường, Mintri kong An brei thau, blei  dauk kaya mbang meng negar langiu tame rah tabiak srau kadau, abih di nyu nan lac dom pandap kaya li-an khang, tame pa-op, phụ gia pandap mbang, pandap mbang chay, pandap chức năng oh thau asal di nyu rahtabiak srau kadau…

Meng akaok thun tal ini, Cần Thơ hu 16 uranaih njauk ruak sởi, dalam nan hu 1/4 ruak trak. Dom menuac ruak yau nan, lac oh rilo min dalam tuk yau urak ini, gah y tế Cần Thơ tuk halei jeng paglaong hatai sangka kayua ruak meda tamuh jeng jit. Piah ka bruk pacang caga hu siam lagaih, Sở Y tế hu panuac ieu dom puk palei kham merat pathau khan tal yaok baoh sang, tacei pato bhap bini jalan piah thau ruak saong dom jalan pacang caga jit ruak sởi. Bruk njauk ngak dahlau lac amaik ame brei ba anek nao klauk vaccine sởi tuk ginup bilan saong hadar nao klauk veik piah ka uraniah hu pasiam jalan pacang ruak.

UBND tỉnh Bình Dương bahrau patabiak Jalan peih ngak Danak dak patagok sang daok xã hội saong sang daok công nhân tukvak 2024-2025. Jalan ngak hu ba tabiak piah peih ngak bruk pabak 42.000 baoh sang daok xã hội dalam thun 2025, pabak hatai caong sang daok di rahra hu jien tame takik, tui chỉ tiêu hu Rajaei jao brei. Tal tuk ini, Bình Dương ngak hu 15.893 baoh sang saong daok ngak 26.552 baoh sang dalam tukvak thun 2024-2025. Meng tuk ini tal abih thun 2025 lac tukvak Bình Dương pataom tame glaong abih piah peih ngak dom danak dak sang daok xã hội, piah khik ginup sang daok ka rahra hu jien tame takik saong tani tanat darak pasar sang danaok, taneh riya.

Gah chức năng tỉnh Bình Phước hu duah mboh 2 anek saih tal 5 metai kayua ia ba seik lahik tuk nao ma-in di binek Tân Hòa, huyện Đồng Phú. Dahlau di nan, biar harei 2/9, urang mboh radaih juak điện saong dép di dom adei di labik binek Tân Hòa. Urang samar khan brei urang jakar saong sang di dom adei. Taduan hu panuac khan, gah chức năng saong sang di dom adei samar nao duah, hadei di rilo tuk kham merat duah, pagaiy mesup 3/9 meng duah mboh dom adei metai atah di labik radaih juak điện jaik 1,5km.

Doanh nghiệp pak Nhật Bản brei pathau khan ka jabat chức năng ka bruk gaok kan kandah tal prein yava meng dom janih pabak tame, kaya pandap  “hu kein ka prein yava” atau “pandap kaya pabak veik”. Adat hukum ini hu ngak tui meng bilan 9 thun ini. Dom janih pandap kaya chức năng jeng daok dalam bruk brei pathau khan. Jabat Pacang khik Urang blei pandar dalam Jabat Nội các Japon hu ba tabiak hệ thống pathau khan ini piah pacang cakak bruk rahtabiak veik bruk oh siam ka prein yava kayua dom pandap kaya hu brah tagok ia tapai bhong "beni kо̄ji" di kong ty jru Kobayashi ngak tabiak. Urak ini hu labaih 1.700 doanh nghiệp daok ngak tabiak saong pablei pandap kaya chức năng, pandap kaya hu 7.000 janih.  

Gah Y tế Dunya (WHO) brei thau, bruk klauk vaccine bại liệt di Gaza harei angar lac yam tapa hatai caong tuk hu klauk jru ka labaih 161 rabau uranaih umo mala 10 thun di bhum pasak, glaong jang tui kuhria lac jaik 150 rabau uraniah. WHO brei thau, takik di abih 90% uraniah Gaza brei hu klauk jru piah danak dak hu siam saong pacang cakak hu bruk njaom mbak di ruak bại liệt dalam bhum Gaza saong dom taneh ia jaik taphia.

Takik abih 129 urang daok guk metai tuk merat dauk truh sa sang guk pak bal ine Kinshasa, Congo. Dalam sa panuac ndom hu ba tagok mạng xã hội X, Akaok Mintri Nội vụ negar ini brei thau, bruk dauk truh sang guk ngak brei najuk rambuas, metai lahik saong khut khat biak rilo. Sa mbang pui khuah di sang pasak di sang guk, gilang pandap kaya saong labik sang iek ruak ngak brei 59 urang njauk rambus./.