Di mbang nyaom HĐ bhap bini TPHCM peih tabiak di kabroi, akaok UB bhap bini TPHCM Phan Văn Mãi khan lac: bruk salih số di TPHCM ngak hu rilo siam mekre. Yau ye bruk padang pasak salih tapa pandar so, oh mek jien ngan haong 98 harak gar  di karja brei ngak tapa online daok iew lac jit vu kong truc tuyen. Ban raya ba tame pandar dom nen tang birau yau he thong yak bak, pathau gauk, bản đồ peih ngak tui hukum saong brei tabiak 45 cơ sở dữ liệu pandar haong gauk. Ban raya hu brei tai khoan định danh điện tử ka labaih 9 trieu tai khoan saong brei jaik 1 trieu 6 rituh ribau  haroh  chữ ký số. Kham merat tal puac thun 2025, hu 70% harak gal hanh chinh di ban raya  meda hu langyah tui jalan online. Ini lac dom bruk caong khin bo TPHCM daok pataom prein tame peih ngak.

Pahadar 77 thun Harei Thương binh - Liệt sĩ (27/7), tỉnh Bà Rịa – Vũng Tàu kuhria caga pok jien ka dom bruk ngak, lac labaih 18 tỷ 400 trieu đồng. Dalam nan, kuhria brei ka labaih 14.000 urang dalam sarak karja, menuac buh prein ka taneh ia, meng 1 triệu tal 6,5 triệu đồng sa urang. Urak ini tỉnh Bà Rịa - Vũng Tàu khik iek jaik 40.000 hồ sơ di urang buh prein ka taneh ia saong gauk gar di urang ngak bruk cach mang. Dom urang buh prein ka taneh ia saong gauk gar di dom urang nan hu mbang jien daong dalam tỉnh lac jaik 6.700 urang haong yaom jien abih tih lac mangaok 14 tỷ đồng. 

Mon 8 tuk page ini, Mentri Pato megru  hu khan brei thau bruk pakacah tamat THPT thun 2024 di labik https://tracuudiem.thitotnghiepthpt.edu.vn. Dom anek saih jeng meda tame iek điểm pakacah tamat THPT thun 2024 tapa Blah web thong tin di So Pato megru  dom tỉnh, ban lac anek saih hu tut angan pakacah; atau tame iek điểm pakacah  tapa website di dom báo điện tử. Mentri hu kakei dom anek saih, tukvak tut angan brei palih ruak tame đại học, cao đẳng gah pato megru mam non thun ini meng harei 18 bilan 7.

Sở Ngak nong saong Patagok palei pala tỉnh Kiên Giang bahrau peih ngak “Danak dak 1 triệu ha ngak padai chất lượng glaong saong tathuak nerak biar pambuak haong cakrok hijao bhum ĐBSCL tal thun 2030” di HTX Phú Hòa, xã Tân Hội, huyện Tân Hiệp. Tui kuhria, tal bilan 8, daok brei ngak iek 10ha padai - hadang. Kiên Giang tut angan 200.000 ha tame danak dak, parabha jeng 2 vaktu, peih ngak di 12 huyện, ban. Abih tih yaom jien peih ngak lac labaih 596 tỷ đồng.  

Kayua langik hajan dom harei tapa, tỉnh Hậu Giang  gam gam hu hajan tathaiy gam hangin khang, ngak jhak tal padai He thu saong Thu đông di urang ngak hamu. Hajan tathaiy ba tal padai hu takik tok meng 500 tal 600 kilo sa kong, trun meng 50 - 100 kilo sa kong dut saong langik pandiak. Hajan tathaiy ngak ka hamu padai  Thu đông  birau tam drak metai ralo. Tui kuhria mboh dahalu dom harei anak tal Hậu Giang hu hajan veik, yau nan ye, gah chức năng saong bhap bini brei hu jalan caga pacang piah trun takik khat lahik tal bruk ngak nong.

Thái Lan brei thau lac hu 6 urang matai dalam sa hotel praong di ban ine Bangkok, Thái Lan di melam blaoh 16/7. Gah pasang iek mboh lac 2 urang matai hu harak gar Mỹ, 4 urang daok veik hu harak gar Việt Nam. Tui panuac di urang dang akaok bruk pasang iek di Cục Cảnh sát ban ine, 6 urang nan matai meda kayua njauk jru mek. Mboh yau dom urang nan menyum café saong tea dalam bilik. Oh mboh hagait angaok rup di dom urang matai. Urak ini, jeng oh ka thau lac dom urang ini pametai rup eng atau njauk urang karei pametai. Cảnh sát daok pasang iek dom băng hu rup thaot saong sa-al dom menuac di labik nan piah ngak brei cambaih laih bruk nan.

UB Olympic dunya (IOC) brei ka 36 urang pakacah di Nga hu tame the van hoi Olympic Paris 2024, min 20 urang oh tame. UB Olympic dunya jeng hu tabiak panuac lac dom urang pakacah di Nga saong Belarus meda njauk pakauk oh brei dieu hanh di var peih pakak, gam haong dom bruk pacang pakauk karei tra. Javap calei veik ka bruk nan di IOC, dom rayo papar binguk di Nga oh taduan papar binguk  ka bruk ngak nan bo “ oh hu mboh hala dok saong kadha daoh taneh ia Lien bang Nga”. Mạng XH danei angan VK di Nga jeng oh brei blei ban quyen ky thuat so piah peih Olympiac Paris 2024.

Karja Rumani tabiak cảnh báo đỏ ka langik pandiak dalam tuk rilo labik daok njauk sa mbang pandiak khang dui atah dalam adit ini, haong langik pandiak tui kuhria mboh lac tapa 42 độ C. Labaih 500 ban sit saong puk palei hu ba tabiak bruk pandar takik ia saong pui. Daok di Hy Lạp, hu dom doanh nghiệp saong rahra hu ieu brei padeih dom bruk ngak trak langiu langik tuk taneh ia ini yam tame sa mbang pandiak bahrau. Dom taneh ia yau Mỹ saong Ấn Độ, jeng daok rah tapa dom harei hè pandiak pa-uh, lahik điện saong khuah glai./.