UB bhap bini tỉnh Cà Mau birau ba tabiak Jalan pathau khan ka Danak dak pakat negar ka bruk cakrok patagok kinh te - xa hoi bhum urang bangsa takik dalam tỉnh vaktu 2021-2025. Tui Mban Bangsa tỉnh Cà Mau, jalan pathau khan nan hu peih ngak tui rilo jalan lagaih haong bruk di bhum palei bangsa takik, bhum biak kan kandah. Tapa nan, pamedeih tagok bruk jum pataom, hasa jalan ngak dalam bhap bini dom bangsa. Bruk ngak po, sami samar, ralo jalan ngak, radaih pathau khan, jhul pasamar peih ngak bruk pandar số saong cong nghe thong tin piah sumu pabak ka bruk peih ngak di Danak dak pakat negar.

UBND TP Hồ Chí Minh brei peih darak bingu "Mangaok thu mala ghe" di bến Bình Đông, meng harei 6/1 - 21/1/2023. Darak bingu xuân hu jaik 600 labik pablei bingu, phun kiểng, abih di nyu lac daok hu 70 labik pablei baoh kayau rah tui jalan piah duh ka bruk blei pandar tuk Tết. Thun ini, darak bingu daok hu mbaok di dom tỉnh ban hu angan gah bingu yau ye Đà Lạt, Chợ Lách, Mỹ Tho saong bhum taneh di rilo baoh kayau bingi, hu angan saong mekre meta, lac Vĩnh Long. Darak bingu hu buh jien tame ngak tani tanat piah jeng sa labik mai me-in sambai, duh ka bhap bini dalam tuk Tết Nguyên đán.

Urak ini, yaom thanh long di tỉnh Tiền Giang daok tagok. Urang blei taong abih baoh thanh long hatai bhong yaom meng 23.000 – 25.000 đồng sa kilo, thanh long hatai patih  yaom meng 12.000 tal 13.000 đồng sa kilo. Tui yaom nan, kaoh abih phun jien buh tame ngak, daok laba labaih 10.000 đồng sa kilo. Dalam tỉnh Tiền Giang  hu jaik 10.000 ha phun thanh long brei paik baoh. Thanh Long brei baoh paik luac thun. Thanh long brei baoh karei bilan ini daok hu baoh tathak, mikva urang ngak nong daok kham merat iek glang bein phun piah paik baoh tuk Tết thun anek sak Tapai 2023.

Mesup ini (19/12), di Tiệm pablei pandap điện angan Hùng Giang daok di jalan tỉnh 926, xã Trường Long, huyện Phong Điền, TP. Cần Thơ hu pui khuah. Hadei di tuk taduan hu panuac khan ka bruk khuah, gah chức năng hu ba 6 radaih padam pui gam saong rilo urang jakar, urang lin samar tal labik khuah piah padam pui. Tal labaih mon 2 hasit, pui hu pacang padam, hu 2 urang gar dalam sang bak sauk pui hu ba tabiak langiu sang min 2 urang nan metai bloh. 2 urang metai lac dua uranaih (umo 9 thun saong umo 12 thun). Urak ini, bruk nan daok hu công an pasang iek, duah thau ngak brei cambaih makna ba tal bruk pui khuah.

Công an tỉnh Đồng Nai birau chap mek 6 urang di Ban Biên Hòa saong huyện Trảng Bom piah duah thau ka bruk “peih bruk main mbia saong main mbia” tui jalan cá độ dat blong angaok mạng. Hadei di tuk chap mek  dom urang nan, gah công an brei pasang iek chip 6 labik pambuak tal, chap khik 17 điện thoại di đông, 1 CPU, 2 laptop, 4 thẻ ATM 2 radiah patuh, 2 sruh ô tô saong labaih rituh trieu dong gam haong harak tài lieu  pambuak tal bruk ma-in mbia tui jalan cá độ dat mblong. Kuhria meng bilan 8 thun 2022 mbiah tal harei chap mek, dom urang hu pandar labaih 183 tỷ đồng piah cá độ angaok mạng internet.

Dom taneh ia Liên minh châu Âu (EU) daok pasang iek brei trun yaom khí đốt biar jang yaom ba tabiak. Bruk kateik trun yaom khí đốt daok jeng bruk samar drah, njauk ngak chip, tuk châu Âu daok dalam bilan barak la-an saong hu takik pilih ruah gah năng lượng jang kayua bruk pabak khí đốt meng Nga trun pambuak tal bruk mesruh gauk di Ukraine. Yaom nhiên liệu di châu Âu jeng daok di tanut glaong daong ngak brei urang huac lac dom sang saong dom labik pablei salih meda dang anak bruk lahik điện atau oh bayar hu dom hóa đơn năng lượng. 

Hu takik di abih 36 urang njauk rambuac, dalam nan hu 11 urang njauk trak tuk 1 sruh kapal haok di Hãng kapal haok  Hawaiian Airlines njauk nhiễu động, megei khang. Dom urang gaok bala njauk rambuac trak di akaok, tahak kalik, barah jhuk saong var drei jan. Hu tuai oh sumu kak talei khik rup tuk rah tabiak bala, nan ye pok tagok saong thaok  tame  tabung kapal haok. Kapal haok  pajeng 278 urang  haong 10 urang peih saong duh ka mbang par. Cục Kapal haok Liên bang Mỹ daok sanar ngak brei cambaic laic kayua halei ba tal bala nan.

Sở thú Houston di bang Texas, Mỹ bahrau peih bruk pahadar harei menek mbang 45 ka Đười ươi Rudi Valentino. Ini lac drei đười ươi tano diuk hu lavik abih duk haong dom drei đười ươi karei njauk raong kreik di Bắc Mỹ. Urak ini, drei đười ươi ini daok diuk haong sa drei đười ươi binai praong 50 thun. Abih dua drei đười ươi ini hu Kadung jien Athur glai dak tame kapul biak mbuan si lahik abih kayua oh daok hu alam langik tasik lagaih piah daok, piah diukrai.  Dahlau di nan, thun 2018, 1 drei đười ươi binai di Australia hu vak angan tame tapuk kỷ lục Guinness tuk diuk tal 62 thun./.