Pasang iek Cảng pajeng ba pandap dunya Cần Giờ saong danak dak Khu đô thị lih tabiak tasik Cần Giờ di TPHCM biar harei 18/7, Thu tuong Rajaei Phạm Minh Chính iew TPHCM samar padang ngak quy hoach patagok Ban raya:  pabak, brei salah quy haoch patagok huyen Cần Giờ, ba tame dalam bruk quy hoach Ban raya. Dalam nan, hu labik đô thị lih tabiak tasik Cần Giờ saong dom danak dak karei. Quy hoach patagok huyen Cần Giờ jeng yau Khu đô thị lih tabiak tasik Cần Giờ brei langyah, pasiam saong daong, trun bruk gan tavak jalan mbak, labik diukrai saong sang daok di bhap bini di labik pasak Ban raya. Thủ tướng  caong khin Cần Giờ anak tal brei patagok lac ban vệ tinh, ilamu, thông minh, sinh thái salih birau  di ban raya HCM.

Tui Mintri jalan mbak pajeng ba, meng ini tal thun 2030, caong hu 738.500 tỉ đồng piah ngak pasiam dom jalan mbak di 6 tỉnh, ban dalam bhum Đông Nam bộ, lac TP.HCM saong 5 tỉnh: Đồng Nai, Bình Dương, Bà Rịa - Vũng Tàu, Bình Phước, Tây Ninh. Bhum Đông Nam bộ praong labaih 23.500 km2, samu 7% mbaok taneh dalam taneh ia, saong hu 18 triệu 800 rabau menuac.

Tui Sarak 98 di QH ka bruk peih ngak eik dom jalan, sarak đặc thù patagok TPHCM, anak tal Ban raya brei pandar tapung sang  dom jabat Karja piah ngak điện mặt trời, duh ka dom bruk ngak di harei. Tui Sở Công thương TP.HCM, dom jabat công sở kayua Ban raya khik iek hu tabung sang  jaik 1 trieu 300 ribau met vuong, meda pagam jamraih  angaok nan piah ngak tabiak điện ia harei, tui kuhria  yaok thun  sumu meng 180 tal 200 trieu Kwh. Bruk pagam jamaraih ngak tabiak điện ia harei piah hu điện hacih, takik pandar điện talei negar.

Tỉnh đoàn Đồng Tháp bahrau peih  bruk tabiak mbaok harei tabung glaong bruk halan hatian Hành quân xanh thun 2023. Ngan saong kadha “urang lin Hành quân xanh – sahneng duah bahrau kayua bhap bini”, dom urang lin “Hành quân xanh” hu brei ngak dom bruk pathau khan, pato pakai adat hukum, pabak dom ilamu ka pacang caga khuah patuh, mblung ia, ilamu pacang caga ka rup drei eng saong langyah bruk dalam samar drah tuk gaok bala, kan kandah, halan hatian tacei pato  salih số ka bhap bini... Ini lac tuk piah ka dom urang lin daok ranaih di dom tapon nyaom bol pan phao kraong hu labik pasram jalan diukrai siam mekre saong patagok talei pambuak bruk khang kajap di tapon nyaom bol pan phao kraong haong urang đoàn, dam dara, uranaih saong bol bhap rahra.

Dalam dom harei tapa, kayua ribuk ka 1, hangin gaving ngak khut lahik trak rilo baoh sang di bhap bini rilo tỉnh di Bhum taneran keraong Cuu Long. Di tỉnh Sóc Trăng hu jaik 50 baoh sang, 1 sang bac par tabung, rilo phun hijao jaleih. Di huyen  Chợ Lách, Bến Tre hu 27 baoh sang par tabung, khut tayak trak; 1,2ha taneh  pala phun mbang baoh jaoh jaleih. Di Kiên Giang, kuhria dom labik  huyen Gò Quao saong Giồng Riềng, hajan praong gam haong hangin gaving ngak jaleih 7 baoh sang, par tabung 8 baoh sang, kuhria camereip khat jaik 300 trieu dong. Urak ini dom gah daong urang gaok bala saong karja dom palei daok kham pasiam veik hadei ribuk Talim, tui nan rivang sua, jak ba, iek daong dom baoh sang bhap bini gaok kan kandah.

Kapul dom urang dang akaok dom gah bol lin Hàn Quốc brei thau, Triều Tiên hu cuh sa  tên lửa đạn đạo mai labik takai tasik gah Timur negar ini di tuk mesup ini (19/07). Bruk cuh nan rah tabiak oh ka tal 1 adit hadei di tuk Triều Tiên cuh iek tên lửa đạn đạo liên lục địa (ICBM) pandar  nhiên liệu rắn Hwasong-18. Bộ Tư lệnh Ấn Độ Dương- Thái Bình Dương di Mỹ jeng brei thau, dom bruk cuh mboh lac oh ngak kan kandah tapak tal Mỹ saong dom taneh ia ayut sahabat, min sa mbang tra nyu brei mboh bruk srau kadau mai meng danak dak tên lửa saong hạt nhân di Triều Tiên.

Hội đồng bảo an Liên hợp quốc bahrau peih mbang nyaom camereip abih ka dom bruk mbuan ba tal srau kadau di ilamu Trí tuệ nhân tạo (AI) ngan saong bruk sron mbon, salamat dunya. Ilamu AI daok cakrok samar tuk hu pandar tame dom bruk chatbot, ngak thaot binguk, ngak sap ndom biai..., daok ngak brei dunya mboh suh sah, huac kanda ka  bruk ngak tabiak dom thaot binguk ja saong dom khau tin suan, oh njauk. Tổng thư ký Liên Hợp Quốc ndom lac, bruk pandar rilo AI meda ba tal “bruk palai pajoa biak trak damak” saong ieu Hội đồng bảo an Liên hợp quốc pasang iek dom  bruk AI.

Nyaom biai dom akaok mintri kinh tế saong jien padai G20 hu tamat blaoh bo oh ba tabiak hu thông cáo chung, kayua dom taneh ia hu hatai sahneng karei gauk ka bruk mesruh di Ukraine. Lac taneh ia Chủ tịch G20, Ấn Độ caong lac meda daong ba tal njauk gauk ka jalan langyah sraiy dunya, pasiam dom gilang pariak patagok rilo gah saong jalan taom gaok dunya di jien điện tử. Mỹ saong dom taneh ia ayut sahabat dalam kapul dom taneh ia G7 khang hatai ieu thông cáo chung brei chỉ trích tapak Nga ka bruk mesruh di Ucraina, min Nga saong Trung Quốc cagar veik./.