Urak ini jeng daok hu 25 kapal ikan oh ka hu caik jamriak tui iek jalan nao

Tui Tổng cục yaok pataom, jit COVID-19 hu pasang iek, bruk ngak mbang pablei salih  hu siam veik yau dahlau di tuk hu jit, nan ye, patagok   kinh tế 6 bilan akaok thun  2022 tagok  6,42% dut song tuk vak ni thun dahlau , mek hu tanut di  Quốc hội batabiak , ba bui sambai ka bhap bini song dom doanh nghiệp. Min, bruk rah tabiak kan si thau dahlau ka yaom pandap panda  pablei tame nyu tagok, gam song bruk ramik veik yaom dịch vụ công, patao pakai patagok tui jalan ba tabiak…ngak ka bruk pasang iek lạm phát 4%  thun ni gaok rilo cuang kandah.

Chi cục Thủy sản tỉnh Bình Thuận brei thau, tal harei ini hu brei 4.217 harak adat taong cap kaya ikan dalam abih tih 5.472 kapal ikan hu tut angan bloh, menlah labaih 77%. Taong abih kapal ikan hu brei adat taong cap kaya ikan jeng hu jamriak pasang iek jalan nao saong bruk ngak njuak tui adat. Urak ini jeng daok hu 25 kapal ikan oh ka hu caik jamriak tui iek jalan nao. Dom gah chức năng daok pambuak bruk haong karja palei pathau khan saong oh brei kapal ikan halei tabiak tasik bo oh hu ginup harak gar.

Tổng cục Hải quan Trung Quốc bahrau hu harak njauk hatai brei blei tame meng negar langiu piah ngak iek chanh leo daok ieu lac  chanh dây Việt Nam meng harei  1/7. Gam song nan, hu panuac ieu Việt Nam pasang iek catang  bruk  đóng gói, dom bruk pasang iek sinh vật pali kaik, mã số bhum pala, khik ramik harak gar... piah khik ka chất lượng jang yau hacih saat pandap mbang  dahlau di tuk pablei tapa Trung Quốc. Chanh leo dang di tanut glong dalam  10 janih phun mbang boh  Việt Nam hu yaom pablei tabiak negar langiu glong dalam thun 2021. Dalam  5 thun tapa, chanh leo di Việt Nam pablei tabiak negar langiu tagok jang labaih 300%.

Meng harei 2/7, hãng kapal haoh negar Việt Nam (Vietnam Airlines) hu peih veik jalan par nao mai TP Hồ Chí Minh– Jakarta (Indonesia) di dom harei som, but saong senecar yaok adit. Ini lac jalan par dunya hu peih veik di Vietnam Airlines meng bruk pacang caga jit COVID-19 hu siam lagaih di 2 taneh ia Indonesia saong Việt Nam, tui nan hu klaak abih dom bruk pacang cakak, hu siam mekre veik yau dahlau di tuk rah tabiak jit COVID-19.

Gah  Cảnh sát điều tra, Công an tỉnh Đồng Nai bahrau tabiak bruk chap kreh  hình sự 7 urang,  piah pasang iek ka bruk ba urang menuac tapa negar langiu suan hukum. Vòng Phát Chương – sa dalam dom urang nan khan lac, hu  urang angan Vương Văn Thành sinya brei 300.000 đồng ka yaok urang hu yaih khan, piah ba tapa  Campuchia ngak bruk. gah công an mboh lac meng akaok thun  2022 tal ni, nyaom  di Vòng Phát Chương hu ba jiak  200 urang tapa Campuchia. Hu thau, kol nyu nao duah, jak ba urang ngak di tỉnh Tây Ninh blaoh ba tapa negar langiu meng jalan jalan sit, mbang jien hu labaih  60 triệu đồng.  Urak ni, gah công an dok duah chap dom urang karei hu pagam tal piah pabak ka bruk pasang iek.

Harei kabroi (3/7), karja Jordan hadei di tukvak duah thau mboh lac bruk patuh di pabah lamnge Aqaba ba tal par tabiak khí độc ngak brei 13 urang meta, dalam nan hu 5 urang Việt Nam saong labaih 260 urang karei njauk rambusg. Akaok mintri Nội vụ Jordan Mazen Al-Faraya, urang dang akaok UB điều tra, brei thau dalam 1 mbang họp báo lac, makna di bala meda kayua talei cáp kim loại di  cần cẩu oh lagaih haong container biak trak, ngak brei talei cáp nyu klaoh, ngak brei container laik trun saong par tabiak khí clo ba tal metai lahik yau nan.

Jiak 2 triệu tuai du lịch hu tal  Thái Lan meng akaok thun  2022 tal harei   28/6 meng bloh, ba mai ka Thái Lan duah hu labaih  114 tỷ baht (3,2 tỷ USD). Tui kuhria mboh , tuai mai tal negar ni  dalam abih thun  2022 meda hu labaih  9,3 triệu mbang song  tong abih  jien duah hu labaih  1,27 ribau tỷ baht (35,7 tỷ USD). Tui gilang pariak Trung ương Thái Lan, negar ni hu dom chỉ số kinh tế lagaih dalam tuk  lạm phát daok tagok khang  tagok 7,1% dalam bilan 5, dut song  4,65% dalam bilan  4, kayua yaom điện, xăng menyek song rilo pandap panda karei tagok glong.

Australia oh ieu urang meng negar langiu tame brei thau bruk klauk vaccine meng 6/7, tui nan brei klaak taong abih dom adat pambuak tal jit praong Covid-19 tuk tame negar ini piah ba raidiuk mai veik siam mekre yau dahlau. Bruk ini hu pandar ka taong abih tuai mai tal Australia meng jalan kapal haoh saong jalan tasik./.

Urang lang: Hani Pha & M. Phuong – 04/07