Cảnh sát kham merat pacang khuah padam khuah saong daong duah urang gaok bala

Pahadar 61 thun harei padang cảnh sát Pacang khuah padam khuah saong daong duah urang gaok bala, page ini ( 4/10), Công an Ban raya HCM peih bruk meyaom 61 thun urang Jakar – urang lin cảnh sát Pacang khah padam khuah saong daong duah urang gaok bala Ranaih - Naih joi – Jak ghieh. Dalam thun ini ngan haong bruk kham merat di cảnh sát Pacang khuah padam khuah saong daong duah urang gaok bala, trun takik jang 9 mbang apui khuah, trun 20 urang metai saong 20 urang njauk rambuac, daong ka 101 urang, pacang apui khuah ka yaok rituh baoh sang bhap bini, yaok ribau met vuong taneh sang xưởng, gilang di dom công ty – D.N saong bhap bini ini, rik tame ngak brei tani tanat an ninh trật tự, ngak siam bruk cak rok patagok kinh tế - xahoi di ban raya.

Hadei di 20 thun peih ngak sarak brei mesraiy ưu đãi, dhar gilang pariak sarak karja ban .Cần Thơ hu samar dong ka labaih 634.000 mbang boh sang kan, jiak kathaot, song dom urang dalam sarak hu mesrai phun jien, dong ka labaih 85.900 boh sang tabiak truh kathaot, dong bruk ngak ka labaih 310.000 urang ngak; dong ka labaih 65.000 anek saih, sinh viên kan kandah hu mesraiy jien bac daa. Gam song nan, dong padang bahrau song ramik pasiam labaih 222.000 danak dak ia hacih, puh ramik alam môi trường palei pala song dong jien blei sang dok xã hội, padang ngak, ramik pasiam 6.000 boh sang ka urang kan kathaot.

UB bhap bini tỉnh Trà Vinh birau patabiak jalan peih ngak bruk patgaok dulich Viet Nam tal thun 2030. Tui nan, ngak tabiak pandap dulich rivang ma-in roh duah drap ar di bangsa Khmer Trà Vinh: Labik siam gheih Ao Bà Om, dom inem krung di Ban Trà Vinh, huyện Châu Thành, huyện Trà Cú; padang veik Khu căn cứ Tỉnh ủy tuk meruh metak di thị xã Duyên Hải. Abih di nyu, Trà Vinh caong khin tal thun 2025 meda paglong bruk peih ngak Lễ hội Ok Om Bok pakat negar.

Dom bilai y tế nao mai hu padang tagok dalam tuk vak tabung glong pacang caga jit COVID-19 di tỉnh Đồng Nai hu yah klak. Tui Sở y tế tỉnh, tuk yah klak, brei sangka patom mek dom janih jru, pandap panda song vật tư y tế piah pandar song tong ruak ka urang ruak. Urang ngak hu ieu pataom meng dom labik y tế song dom urang halan hatain hu tamat bruk, piah nao veik labik ngak bruk. Tuk hu bruk, hu ieu pataom mai veik. Sarak di dom urang jakar, urang ngak gah y tế hu mbaok tame bilai y tế nao mai hu ngak tui hukum…

Meng bilan 10 tal bilan 12, tapen tasik Nam bộ meda hu 6 mbang ia ndik. Dalam nan, 3 mbang ia ndik di dom harei puac bilan 10, 11 saong 12, ia ndik glong di balai hải văn Vũng Tàu glong 4m. Mbuan rah tabiak ia dauk di rilo labik dhaong, biar di tapen tasik. Tui kuhria dahlau, tabung glong ia ndik thun ini di dom balai gah ala kraong Cửu Long di tanut pakat 2, pakat 3, mbuan ia dauk rah tabiak di dom labik dhaong dalam, tapen kraong, ban Cần Thơ, tỉnh Vĩnh Long.

Quốc hội Japon bahrau ieu pataom mbang nyaom oh caga dahlau, dui atah 69 harei. Di var peih mbaok, dalam harak ndom puac ka sarak prong, Thủ tướng Kishida Fumio ndom tal bruk pataom tame pacang cakak lạm phát patagok song dom kan kandah meng bruk jien yên trun khang jiak di ni. Pasiam veik gah kinh tế jeng lac “bruk brei ngak dahlau” song peih ngak dom jalan “oh ka bhian hu song biak khang ” piah patrun trak damak di dom boh sang song doanh nghiệp kayua hóa đơn jien điện meda tagok. Langiu di nan, Rajaei meda pambak tame bruk trun yaom di jien yên , piah jhul patagok bruk du lịch negar langiu di Japon.

Mỹ hu panuac oh njauk hatai ka bruk cuh iek tên lửa đạn đạo meng atah page ini di Triều Tiên saong brei thau bruk nan mbuan gaok bala saong biak khang hatai. Urang brei panuac di Hội đồng an ninh negar Mỹ khan lac ini sa bruk mngak sraw kadau saong mboh Triều Tiên oh caik hatai dom nghị quyết di Hội đồng bảo an Liên hợp quốc saong dom tanut salamat dunya. Mỹ brei patui veik bruk pambuak saong dom taneh ia sahabat saong gah LHQ brei pacang prein khang di Triều Tiên dalam bruk jhul pakhang dom danak dak cuh tên lửa đạn đạo saong vũ khí palai pajua, pametai ralo njuak pakauk.

Dom harei Halloween jeng lac tuk rah tabiak dom bruk pakacah baoh ploi di rilo bang dalam taneh ia Mỹ. Thun ni, boh ploi di bang New York nyu tapa mbaok kỷ lục di negar Mỹ tuk nyu trak tal labaih 1,1 tấn. Boh ploi prong hu parang iek di harei pataom ilamu bilan Thu di Trang trại Great Pumpkin mbiah tal harei 16/10./.

Urang lang: Hani Pha & Bhumi – 04/10