Nyaom roya urang Cong giao Viet Nam TPHCM dak padang saong khik caga Taneh ia mbang ka IX vaktu 2023 -2028 birau tamat di jalan pandiak 7/9. Lime thun tapa, bhap bini Cong giao Ban raya gam haong dom gah kham merat ngak tui bruk jak ba “ Taong abih bhap bini jum pataom  dak padang Palei pala birau – Đô thị văn minh – Diukrai siam ka dunya, mekre ka agama” saong dom bruk jak ba karei karei. Dalam 2 thun jit ruak COVID-19 di TPHCM, meng rilo bruk ngak halan hatian hadah hadai, siam mekre, Giao hoi jak ba rik tame jaik 20 tỷ đồng; hu labaih 1.000 mbang linh mục, tu sĩ saong urang cong giao halan hatian duh ka dom sang iek ruak, rik daong tame bruk taong ruak ka yaok pluh ribau urang ruak.

UBND tỉnh Bà Rịa - Vũng Tàu njauk gauk ka jalan buh jien padang ngak jalan Vành đai 4, labik nao tapa tỉnh Bà Rịa - Vũng Tàu piah pok panuac tagok Mintri jalan mbak Pajeng ba pasang iek. Tui kuhria, jalan ini praong 27m, hu 4 jalan radaih nduac samar di abih lac 100km sa tuk, hu yaom jien padang ngak abih tih labaih 8.100 tỷ đồng. Danak dak jalan Vành đai 4 TP Hồ Chí Minh, atah abih tih jaik 198 km nao tapa 5 tỉnh, ban lac TP. Hồ Chí Minh, Bình Dương, Đồng Nai, Bà Rịa-Vũng Tàu saong Long An, lac danak dak praong pakat negar, daong tagok khang bruk nao mai di dom bhum kinh tế praong gah meraong.

Nyaom biai pambuak cung - cầu pandap panda saong Nyaom darak pasar  Cong thuong di bhum ĐNB daok peih ngak di Bình Dương. Nyaom biai pachreih hu 350 labik parang pandap di dom D.N dalam negar  hu mbaok tame parang iek, yaih khan ngan haong rilo pandap cong nghiep, pandap mbang, pandap thu kong my nghe, kaya nong…Dalam tuk dom D.N, abih di nyu lac D.N mbiah saong sit daok kurang bruk ngak, ye ini lac mbuan lagaih  piah urang duah tuai dalam negar. Di nyaom darak pasar, D.N daok hu taom gaok dom chuyen gia gah cong nghe, ky thuat so, KHCN, moi truong siam hacih.  

UBND tỉnh Đồng Tháp bahrau tabiak harak brei klaak jaik 70 danak dak mek veik taneh, salih jalan pandar taneh ngak padai piah ngak dom danak dak hadei di 3 thun bo oh ka hu peih tabiak ngak. Nan lac: danak dak peih praong jalan roya 30 (huyện Cao Lãnh); Cụm ngak kong Tịnh Châu - Tân Tịch (ban Cao Lãnh); Danak dak patagok điện ia harei di bhum ngak padai saong danao ia (ban Hồng Ngự)… Bruk ini hu maong lac jalan ngak khang di tỉnh Đồng Tháp dalam bruk ramik veik trật tự gah buh jien tame padang ngak pambuak tal taneh riya, abih di nyu lac dom danak dak “tual” dalam tỉnh.

Tukvak tapa, Đồng Nai hu bruk padang ngak saong patagok rilo pandap dulich gah ngak nong, palei pala, roh duah dom kein lagaih, rik tame yaih khan, pambuak  bruk cak rok patagok dulich meng dom bruk ngak nong siam gheih, hu jeng jalan palei salih saong  paglong kaya nong ka urang pala. Dom pandap dulich ngak nong, palei pala  siam yau ye: rivang ma-in  di mblang hamu Phú Điền (huyện Tân Phú); pandap dulich bhap bini xã Xuân Bắc (Huyện Xuân Lộc); du lịch rivang iek alam dunya gam duah thau ilamu di bhap bini di Labik Khik ramik alam dunya - ilamu Đồng Nai (Vĩnh Cửu)...Abih di nyu nan lac, hu lagaih daok jaik kraong, danao, rilo phun glai kayau patau gheih mekre meta, rilo baoh sang di dom bhum palei ba tame ngak dulich katuai mai padang padai tuan ma-in, ngak brei hu rilo pandap rivang ma-in, duah jien tame ka bhap bini.

Ngoại trưởng Mỹ Antony Blinken brei thau pok jien daong bahrau ka Ukraine yaom abih tih labaih 1 tỷ USD. Pok jien daong ini hu labaih 665 triệu USD daong gah an ninh dân sự haong quân sự gam haong yaok triệu USD daong gah phòng không di Ukraine saong dom gah karei karei. Langiu di nan, Mỹ daok pambuak bruk haong Ukraine duah dom jalan karei piah pajeng ba ngũ cốc hadei di tuk Sáng kiến Ngũ cốc biển Đen abih tukvak peih ngak di bilan 7 meng bloh. 

Gah Y tế dunya (WHO) brei thau hu dom urang metai saong tame iek ruak kayua COVID-19 daok tagok rilo di dom taneh ia di dunya, tui nan iew dom taneh klah rabha khaw tin sanog dữ liệu siam jang. Trung Quốc saong châu Á  hu urang metai tagok rilo veik, dalam tuk nan urang tame sang iek ruak jeng tagok di chau Au. Dom urang ilamu di Gah Y tế dunya mboh lac, ini lac bruk njuak sahaneng kuhria tuk bilan La-ar di Bắc bán cầu jiak mai tal. Gah Y tế dunya kuhria mboh lac, urak ini hu yaok rituh ribau urang daok tame sang iek ruak kayua COVID-19.

Thun 2023 meda lac thun pandiak abih dalam sajarah anek menuac tuk pandiak di dunya dalam bilan Hè meng bloh di Bắc Bán cầu jeng lac biak glaong. Ini lac dom khau tin bahrau, hu jabat tui iek biến đổi khí hậu (C3S) Liên minh châu Âu (EU) ba tabiak harei 6/9/2023. Tui pathau khan bahrau di C3S, pandiak di dunya dalam dom bilan 6,7 saong 8/2023 lac 16,77 độ C, tapa tanut glaong abih dahlau di nan lac 16,48 độ C di thun 2019. Klau bilan meng blaoh lac tukvak ấm di abih kuhria dalam jaik 120.000 thun, lac jaik abih tukvak hu mbaok di anek menuac./.