Cử tri caong khin brei langyah catang jang, khang jang, ngak brei tal labik  tal dhua, pacang klaoh  saong langyah dom nyaom kein laba. Urang lambaok Quoc hoi Trần Kim Yến, Akok UB MTTQ Việt Nam TPHCM brei thau, TP.HCM hu padang Mban tacei ba jalan pacang caga  tham nhũng  tieu cuc piah tui iek, parabha  tui bruk tui tham quyen brei lang talaih. Bruk pasang iek dom dius tham nhũng  khang  catang, cambaic laic ngak brei manuac sia sahaneng siam, daong kapol urang jakar ngak njauk bruk di drei.

Akaok UBND tỉnh Đồng Nai hu harak ieu kakei paglaong bruk pacang caga pablei salih manuac saong daong dom urang gaok bala njauk pablei salih dalam tỉnh. Dalam nan, dom so, dom mban, dom gah njauk paglaong bruk khik ramik an ninh trật tự di dalam ban piah pacang caga pablei salih manuac saong caik hatai sangka jang veik bruk pacang caga pablei salih manuac daok rahtabiak dalam taneh ia, paglaong bruk pasang iek, langyah dom bruk ngak suan dalam peih ngak sarak ka bruk pacang caga pablei salih manuac. Patui veik ba tabiak jalan ka Tỉnh ủy, UBND tỉnh peih ngak dom danak dak, sarak ka kinh tế, xã hội di dom bhum kinh te gaok kan kandah, bhum mikva bangsa takik.

UB bhap bini tỉnh Cà Mau brei peih ngak harei Salih số pakat negar di harei 9/10 anak tal. Di var peih bruk nan, Cà Mau hu peih 2 nyaom ndem biai nao mai ka salih pandar số, parang iek, yaih khan pandap panda, dich vu, jalan salih pandar số. Meda hu labaih 20 labik parang iek saong yaih khan, tacei pato pandar VneID; dich vu gilang pariak so; dich vu pablei salih oh pandar jien tapak…Bruk ngak nan piah klak rabha ilamu, jalan ngak birau; tui nan meyaom dom gah, urang hu mbaok saong hu rik daong tame  bruk salih tapa pandar so di tỉnh.

Di dom tỉnh ĐBSCL ia jeng daok tagok glaong, ngak kan kandah tal raidiuk di rahra. Pak Cần Thơ , mbaok ia dut hu di mangaok kraong Hậu harei ini lac labaih 2m, lac tanut báo động 3. Rilo jalan jeng daok njauk ia dauk ngak kan kandah ka rahra. Di tỉnh Hậu Giang, ia di dom labik ndik glaong meng ia tasik Biển Đông tagok (di mangaok kraong Hậu) jeng daok di tanut glaong, glaong jang tanut báo động 3 meng sa tấc meteh tal 2 tấc. Kayua yau nan ye, gah ngak nong tinh hu kakei rahra njauk pacang veik danao ikan, pok glaong  ar pacang bein phun mbang baoh, caga mac njuk ia piah njuk ia tabiak

Cảnh sát pasang iek  Kong an tỉnh Trà Vinh birau chap mek kareih Lê Hoàng (umo 42 thun), daok di palei  4, xã Phước Kiển, huyện Nhà Bè, TPHCM piah patui bruk pasang iek, ngak brei cambaic laic bruk pachot pagat meblah drap ar. Di bilan 4 thun 2021, Hoàng  mai tỉnh Trà Vinh daok saong khan padauk, mek angan Lê Minh Hoàng, umo 49 thun, ngak bruk pablei salih taneh riya saong blei rilo taneh hamu di xã Phước Hảo, huyện Châu Thành. Piah palua urang, Hoàng  khan brei thau lau lau oh njauk lac daok khik piah 5 labik taneh di ban Trà Vinh piah parabha taneh pablei. Meng bilan 5 thun 2022 mbiah bilan 9 thun 2022, Hoàng mablah di 4 urang, kuhria jien jaik 9 tỷ đồng.  

Mintri Ngoại giao Mỹ bahrau hu panuac ieu Trung Quốc pachreih Triều Tiên patrun bruk ngak brei catang tagok saong mai gilac veik ginum biai pambuak gauk. Panuac ieu di Mintri Ngoại giao Mỹ hu ba tabiak dalam tuk Mỹ daok patagok bruk pambuak gauk an ninh klau gah haong dom taneh ia praong pachreih tui di châu Á lac Hàn Quốc saong Nhật Bản. Dalam tuk Akaok negar Trung Quốc Tập Cận Bình saong Tổng thống Nga Vladimir Putin kuhria lac gaok gauk di pak langiu di Mbang ginum biai dunya ka Bruk duah jalan ngak bahrau ka Vành đai saong Jalan nao - Danak dak cơ sở hạ tầng praong kayua Trung Quốc ba akaok, peih tabiak dalam bilan 10 ini.

Tui kuhria, Thái Lan meda hu hajan praong meng harei ini tal adit hadei ngak ka rilo labik hu dom labik dauk ia. Urak ini, karja rilo puk palei hu tabiak panuac khan brei thau dahlau bruk ia dauk ia sua tuk ia kraong di rilo labik ngak sre ar. Cục Pacang caga saong Trun bala meng langik tasik jeng brei thau dahlau meda hu 10 tỉnh, ban, dalam nan hu ban ine Bangkok brei hu jalan caga piah pacang ia ia dauk ia sua kayua ia kraong Chao Phraya sre tame.

120 drei ikan heo kraong metai theik angaok mbaok ia dhar kraong Amazon di Brazil meng adit dahlau tal ini. Dom urang roh duah ilamo medil  ini lac bruk mai meng tua riya saong langik pandiak bhang. Hu dom labik, kraong ia tagok tal 39 độ C, glaong jang 10 độ dut saong yaok thun. Ikan heo di kraong Amazon bhian hu sambo mau hong, lac janih ikan ia taba tok hu di dom kraong ia pak Nam Mỹ, tukvak manek suai damuai di ikan heo ia taba ngak ka  ikan trun daok takik./.