Urang suak jien meng the CCCD pak di phun ATM 

Hadei di sa harei tabiak ngak bruk pathau khan pacheih tui Bilan jak ba peih ngak Bảo hiểm xã hội (BHXH) taong abih bhap bini, dalam negar hu labaih 22.000 urang hu blei BHXH tui hatai saong labaih 53.000 urang blei BHYT baoh sang. Ngan saong kadha “BHXH nan lac labik pambak tame di ayut saong baoh sang”, Var tabiak mbaok thun ini pataom tame pathau khan praong dalam ka makna, bruk ngak bak hatai anit ranam di sarak BHXH tui hatai caong khin, BHYT baoh sang, quyền saong kein laba tuk hu mbaok tame; brei thau yaom jien daong meng kadung jien karja, kadung jien karja palei ngan saong urang blei BHXH tui hatai caong khin saong BHYT baoh sang.

Cục Cảnh sát khik iek harak gar gah trật tự xã hội( mintri Công an) bahrau pambuak bruk  song dom gilang pariak patagok ngak iek  bruk suak jien meng thẻ căn cước công dân (CCCD) pagam chip. Yau dahlau deih, urang pandar tok pandar sa mật khẩu piah tuk suak jien meng  thẻ ATM. Dok ngan song jalan ngak bahrau, rahra meda quét thẻ CCCD di phun  ATM, hadei di nan hệ thống pasang iek khaw tin urang pandar  mangaok  CCCD chip. Urak ni, bruk pandar CCCD pagam chíp salih ka thẻ ATM dok hu peih ngak iek di dom gilang pariak prong saong di dom labik yau Hà Nội, Quảng Ninh

Dom harei jaik ini, megei taneh rah tabiak gam gam di huyện Kon Plông (Kon Tum) saong labik jiak nan, ngak duh hatai ka karja saong bhap bini. Tui TS Nguyễn Xuân Anh, Akok Viện Vật lý địa cầu, megei baoh taneh rah tabiak di Kon Plông saong bhum jiak taphia lac mai meng binek padang ia thủy điện. Megei baoh taneh gam gam rah tabiak chip hadei sang mac thủy điện Thượng Kon Tum peih điện tổ mac ka 1 di 24/3/2021. Kuhria meng bilan 4 thun 2021 mbiah tal ini, labik ini hu jiak 200 mbang megei baoh taneh, tagok labaih 5 mbang megei baoh taneh rah tabiak di labik ini meng thun 1903 tal 2020.

Vietnam Airlines bahrau brei thau,  hu peih bruk ngak harak gar tapa jalan online (check-in online) ka tuai tabiak nao meng mblang kapan haoh Cần Thơ. Ni lac , mblang kapan haoh  nội địa ka 13 hu  Vietnam Airlines pabak  bruk kein lagaih  ni . Bruk ngak harak gar tapa online hu dong ka tuai patrun bruk  xếp hàng, pataom rilo menuac, khik ka bruk nao mai di tuai damuai hu siam mekre jang.

Biar harei, sa mbang bleik kapal gilai rah tabiak di binek ia  Đa Tôn, xã Thanh Sơn, huyện Tân Phú, tỉnh Đồng Nai ba tal 3 urang metei. Tui duah thau camereip, mong 17 tuk, 6 urang meng Ban Bảo Lộc, tỉnh Lâm Đồng trun binek ia  Đa Tôn (tỉnh Đồng Nai) piah vah ghe gaok hangin khang, riyak khang, ia tame ngak kram gilai. Bhap bini saong gah chức năng huyen Tan Phu srong hu 4 urang, dalam nan hu sa urang trak, ba nao sang iek ruak cấp cứu min metai hadei di nan. Mbiah tal jaik 22 tuk harei 9/5, rup atau dua urang gaok bala  daok veik hu duah mboh.

Mbang ginum biai di  liên minh dunya pacang kol  IS hu peih tabiak di ban Marrakesh dalam harei page (11/5), hu mbaok di labaih 80 taneh ia song kapul nyaom dunya.  Dom urang hu ginum biai  ka bruk pacang cakak dom đe dọa dalam tuk kol karja IS dok duah jalan  hu mbaok veik di châu Phi.   Mbang nyaom jeng lac jalan piah ginum biai ka dom jalan ngak ngak haong gauk piah pacang dom bruk đe dọa khủng bố, patagok dom jalan ngak praong song pren khik caga an ninh di dom taneh ia, piah ngak patrun prein di kol  IS song pamong tal bruk tong jaleih kol nyu.

Brei panuac anak Nghị viện châu Âu do harei pahadar châu Âu 9/5,  Tổng thống Pháp Emmanuel Macron iew Liên minh châu Âu (EU) jhul bruk ngak po di taong abih gah.Tui nan, châu Âu pataom tame brei patagok dom gah công nghiệp duah hu rilo jien, pasiam veik bruk độc lập ka an ninh pandap mbang saong pakhang bruk dân chủ saong khaw tin.

Hu takik di abih 43 urang metai  dalam mbang bạo động di sa sang guk daok di ban  Santo Domingo di Ecuador dalam harei 9/5 tuk dom kapul nyaom dok meriak  gauk  .Akaok mintri  Nội vụ negar brei thau, langiu di urang metai ye bruk nan jeng ngak ka yaok rituh urang dok guk nduac lahik. Urak ni, sang guk hu pasang iek gilac veik, sa paga  an ninh hu padang ngak taom dar pak ni, dalam tuk nan, gah  chức năng dok duah chap dom urang nduac dauh./.

Urang lang: Hanipha- Ái Nghiêm -10/5