Pahadar 110 thun Harei menek ong Huỳnh Tấn Phát (15/2/1913- 15/2/2023), page ini (15/4), di tỉnh Bến Tre, UV Mentri Chính trị, Thủ tướng Rajaei Phạm Minh Chính haong dom urang jakar ngak praong, urang dahlau daih ngak praong di Đảng, Karja  cuh gilau, pok binguk pahadar  ong Huỳnh Tấn Phát. Hoc vien Chính trị Negar Hồ Chí Minh pambuak hong Mban Tuyên giáo Trung ương, Ủy Ban Trung ương Mặt trận Negar Viet Nam, Jabat Rajaei saong Tỉnh ủy Bến Tre peih nyaom biai ilamu pakat negar: “ Ong Huỳnh Tấn Phát haong cách mạng Việt Nam saong bhum palei Bến Tre”. Ong Huỳnh Tấn Phát lac urang cach mang, hu ngak dom bruk praong dalam karja; lac  urang ilamu hu angan je praong, urang yau kareih camin naih gheih di bruk praong gol pataom bangsa, jum pataom dunya; hu rik daong praong ka bruk cach mang mesruh metak  peih paha bangsa, yasa taneh ia, dak padang saong khik caga taneh ia.

Mesup ini (15/2), mBan tacei jalan peih ngak danak dak “iek ruak, taong ruak meng atah” tukvak 2021 - 2025 tỉnh Bình Phước ginum biai taong yaom bruk peih ngak danak dak. Di Bình Phước, danak dak iek ruak, taong ruak meng atah piah paglaong chất lượng iek ruak, taong ruak saong prein ngak bruk di pakat huyện; hu bruk pambuak gauk tui jalan gah y tế, daong palagaih piah ka bruk salih menuac ngak njauk labik saong salamat ka urang ruak, rik daong patrun jien ndo nao mai iek ruak, taong ruak ka bhap bini saong pasiam dom bilik iek ruak, bilik blac raih, duh ka bruk iek ruak, taong ruak saong paglaong siam mekre bruk iek glang prein yava ka bhap bini. Danak dak hu peih ngak di Sang iek ruak Đa khoa tỉnh, Sang iek ruak Y học cổ truyền saong dom pasak y tế huyện. Urak ini, dom gah jeng hu caga blaoh menuac, labik, pandap, jamriak, mac moc saong dom kadha karei piah peih ngak danak dak.

Sở NN saong PTNN palei pala Long An daok pasang iek bruk caga, pacang pandiak bhang, tua riya, kurang ia, nyom ia mbak bilan thu 2022 -2023 di dom huyen bhian rah tabiak yau: Cần Đước, Cần Giuộc, Tân Trụ, Châu Thành, Bến Lức. Kapol pasang iek dom pabah ribong pacang ia mbak; ba tabiak bruk buh jien tame kuac rok ribong kraong duh ka bruk pacang pandiak bhang tua riya, njom ia mbak, ia pruh ka phun pala…Kapol urang jakar brei panuac ka karja dom palei juai iek lap, oh sangka bruk pacang, caga bruk pandiak bhang, kurang ia, njom ia mbak; bhian dut iek ia mbak piah hu jalan pabak ia tame dom kraong ribong tuk ia mbak ala 1g/lit.

Mesup ini (15/2), Phòng CSGT jalan radaih, jalan pasei CA TP.HCM brei thau, Kapul psang iek ba jalan hu ngak harak taong phạt  Dư Nguyễn Thành N. (ndih tapui thun 2000) – urang ndik saih angaok jalan dalam pasak TP.HCM. Dahlau di nan, tuk biar harei 14/2, N ndik drei saih mbong patih nao dom jalan di pasak TP.HCM, gaok kapul pasang iek ba jalan mboh saong ngak harak taong phạt hành chính ka bruk "ba athur tame jalan radaih" saong oh ginup pandap caik aih me-ik di athur tahuak tabiak jalan".

Harei ini 15/2, Kong an  huyen Châu Thành, tỉnh Tiền Giang tabiak harak khởi tố saong tabiak bruk cap kreik Mai Văn Khởi , umo 40 thun daok di xã Thạnh Qưới, huyện Mỹ Xuyên, tỉnh Sóc Trăng lac urang peih radaih ba tal bala angaok jalan mbak ngak brei metai 4 urang, piah pasang iek bruk “ oh daong menuac daok dalam tuk mbuan ba tal metai”. Dahlau di nan, melam 1/2,  ôtô pajeng 11 urang tuai peih angaok jalan cao toc TP.HCM - Trung Lương, ginuh tame  radaih romooc  kayua Mai Văn Khởi peih, ngak brei 4  urang metai. Ong Khởi oh daong, oh khan brei jabat kong an thau bo eng drei peih radaih nduac klak.

Gah Y tế dunya (WHO) brei thau lac meda rah tabiak srau kadau bruk ngak pahla oh ka bhian mboh di labik njauk megei baoh taneh khang 7,8 độ richte harei 6/2 di Thổ Nhĩ Kỳ jaik taphia negar Xiry. Tui taong yaom di WHO, urak ini hu 26 triệu urang di Thổ Nhĩ Kỳ saong Xiri daok caong hu daong chip. WHO hu ba tabiak panuac ieu daong 43 triệu đô la Mỹ, piah daong samar drah hadei di mbang megei baoh taneh saong yaom jien ini meda tagok jang 2 mbang dalam dom harei anak tal kayua bruk caong daong dak harei dak glaong. Kuhria tal harei 15/2, bruk megei baoh taneh di Thổ Nhĩ Kỳ saong Xiri ngak brei 41 rabau menuac metai, 100.000 menuac njauk rambus saong 1 triệu urang lahik sang danaok. Min bruk nan meda hu rilo jang dalam dom harei anak tal.

Pui hong dhur mur khuah tagok di pabah ceik pui Ecoma di ceik Tangkuban Parahu jaik ban Bandung, tỉnh Tây Java, Indonesia. Tui duah thau tuk camereip, bruk pui khuah meda kayua jalan asal lỏng tagok mbaok ngak ka nhiệt độ dalam pabah ceik pui tagok glong. Jabat chức năng Indonesia iew bhap bini  juai haduh hatai, brei patui dom ngak yaok harei. Yau nan min, bhap bini, tuai damuai saong dom urang ndik ceik hu kakei brei plaik njiak juak nao jaik tal dom pabah ceik pui daok pandiak di dom labik ceik pui ini.

Harei ini (15/2), Australia ba tabiak ngak praong danak dak Oh daok Ung thư di uranaih (Zero Child Cancer). Ini lac danak dak pambuak bruk di rajaei Australia saong kadung jien ngak pahla Minderoo peih ngak, piah pabak dom dịch vụ y tế oh mek jien ka taong abih uranaih Australia mala 18 thun, hu mboh lac njauk sa janih ruak ung thư halei nan. Bruk peih praong danak dak hu peih ngak tui yaok tukvak, brei ka taong abih uranaih mboh lac njauk ruak ung thư não, bloh hadei di nan brei ka taong abih dom janih ung thư karei di uranaih dalam thun 2023./.