Thu Tuong Pham Minh Chinh  pathau khan bruk ngak nan

Dah page ini 10/10, Thủ tướng Rajaei Phạm Minh Chính, akaok Ủy  mban negar ka bruk salih số hu mbaok di Danak dak salam uan Harei salih so pakat negar thun 2022, ngan haong kadha “salih so langyah dom bruk di bhap bini kayua sa raidiuk siam mekre jang ka bhap bini”. Tapa nan, Thủ tướng Rajaei Phạm Minh Chính hu panuac di Rajaei ka bruk jhul khang bruk salih so pakat negar dalam tukvak anak tal, dalam nan hu labik lac “pataom prein tame ngak salah dom sarak, peih ngak siam lagaih jalan ngak salih so pakat negar. Patagok gam gam gah sarak, ha tang so saong nhan luc so.Ba tabiak dom jalan ngak piah paglaong labik dang di Việt Nam ka Rajaei online, salih saong duah jalan ngak bahrau saong prein maraik gauk di dunya tui asal kadha di dom kapul dunya. Paglaong bruk harak adat hu langyah online. Paglaong chất lượng pabak dịch vụ công online, paglaong tanut ngak bruk.

Di mbang taom gaok cử tri lac urang jakar, hội viên, urang kumei kayua Kapul urang Quốc hội TPHCM peih tabiak tuk mesup ini, dom cử tri kumei brei panuac caong hu sarak mbang tui bruk “thai sản” brei ka urang jakar kumei oh chuyên trách; pabak bruk pasang iek brei tagok “bậc lương định kỳ” ka urang jakar oh chuyên trách ngak hu biak siam bruk ngak dalam 3 thun gam. Abih di nyu lac, dom cử tri kumei jeng hu panuac caong, dom hukum saong sarak brei hu bruk sangka jang, lang talaih dom kan kandah, tavak tavaiy bo urang kumei daok gaok piah pachreih urang kumei hu mbaok saong rik daong siam jang dalam dom bruk xã hội, roh duah ilamu khoa học,...

Anak rilo panuac ndom jaik di ini pambuak tal bruk ngak di Gilang paraik TMCP Sài Gòn (SCB), Thống đốc Gilang paraik kanja (NHNN) Nguyễn Thị Hồng bahrau hu harak brei thau, dom paok jien bo bhap bini payua di gilang paraik, dalam nan hu gilang paraik SCB jeng hu kanja khik tani tanat dalam yaok bruk. Dom urang payua jien di gilang paraik SCB jhui huac kanda, oh suak jien tabiak, abih di nyu lac suak mek dahlau tukvak piah khik kein laba di drei.

Harei pataom Ilamu - Thể thao saong ravang me-in bhap bini Khmer Nam Bộ mbang ka VIII di tỉnh Sóc Trăng saong harei Oóc om bóc – pakacah ghe ngo Sóc Trăng mbang ka V, bhum taneran kraong Cửu Long hu peih tabiak di akaok bilan 11 tal. Harei pataom ini hu mbaok di 12 tỉnh, ban bhum gah meraong. Di harei pataom, hu parang iek, yaih khan ilamu meng kan, pataom daoh tamia bhap bini, parang iek khan ao bangsa meng kan, yaih khan meneing dom rija, roya, adat cambat tanarakun meng kan di bangsa. Langiu di nan, daok hu dom bruk thể thao meng kan di bhap bini Khmer.

Dah page ini, rilo jalan dalam ban Cần Thơ ia dauk dalam hadei di tuk ia ndik tagok glaong di mangaok kraong Hậu. Rilo jalan daok tapen atau daok jaik kraong Hậu, kraong Cần Thơ njauk ia dauk dalam. Ia ndik tagok glaong sraiy tagok jalan Hoà Bình saong bến Ninh Kiều, ini lac bruk kan mboh rahtabiak di dalam dom thun jaik di ini. Sở pato magru ban hu brei ka anek saih dom pakat padeih bac meng harei 11-10 tal abih harei 13-10. Dahlau di nan, bier harei 9-10, dalam mbang ginum biai samar drah piah pacang caga haong ia ndik, urang par akaok ban ieu kakei dom mban, dom gah samar drah pabak brei ngak ar pacang glaong, pok glaong dom ar pacang bier, mbuan khut, glut jaleih, pacah ar, khik salamat bein phun mbang baoh, bhum raong kaya tasik.

Ủy ban pakat negar pacang caga pablei salih menuac di Campuchia (NCCT) daok pambuak bruk haong gah chức năng saong karja tỉnh Preah Sihanouk piah pateok nao veik palei negar 1.500 urang negar langiu daok daok di tỉnh ini. Tapa pasang iek, duah thau, pagui mek kol tội phạm, Ủy ban ini hu mboh 2.760 urang negar langiu di 14 taneh ia karei di gauk, dalam nan hu 1.500 urang oh hu harak adat ngak bruk saong pacap nộp phạt. Gam haong nan, hu panuac ieu rahra saong dom kapul nyaom gam tal, pambuak bruk abih gah pacang caga kol pablei salih menuac saong patagok pacang cakak bruk me-in mbia suan hukum.

Hu takik di nyu 22 urang metai saong 52 urang lahik hadei di tuk glut jaleih taneh kayua hajan khang rahtabiak di bang Aragua, Venezuela dalam harei 9/10. Tổng thống Nicolas Maduro tabiak panuac ini lac labik bala, gam haong nan jeng hu tabiak harak brei 3 “caik tang” hadar dom urang njauk bala. Bahrau dalam 8 maong, min bhap bini di pak ini njauk gaok hajan khang samu dalam 1 bilan, dom jamraik njuk ia hu pandar piah pabak ia hacih ka bhap bini jeng njauk ia sua ba theik.

Rajaei New Zealand brei thau, jaik 250 drei ikan “cá voi hoa tiêu” metai kayua gar angaok thu di sa takai tasik pulao kaoh Chatham, atah di takai tasik gah timur negar ini 800 km. Tui jabat khik ramik New Zealand, dom drei ikan “cá voi hoa tiêu” nyu gar mangaok thu meng harei 7/10. Dom kham merat daong ka ikan oh jeng kayua pulao kaoh ini daok di labik atah bayah saong lac bhum tasik hu rilo “cá mập”. Dom urang ilamu jeng oh ka thau cambaih makna ngak brei ikan nan nyu gar mangaok thu, min jeng hu menuac ndom lac, meda kayua nyu muluk jalan kayua nao duah mbang biak jaik takai tasik./. 

Urang lang: Thu Thảo -Mousaphuong -10-10