Ong Vuong Dinh Hue hu pok ndom anak QH 

  Dah page ini (12/09) di Sang Quốc hội, Ủy ban thường vụ Quốc hội (TVQH) peih mbang nyaom ka 15. Hu peih tabiak meng harei ini tal harei 15/9, di mbang nyaom ini, Ủy ban TVQH meda pasang iek, brei panuac ka pathau khan bruk ngak thun 2022 saong jalan ngak kiểm toán thun 2023 di Kiểm toán Karja, brei panuac ka dom pathau khan di Rajaei, Tòa án bhap bini pakat glaong, Viện Kiểm sát bhap bini pakat glaong ka bruk taduan raok rahra, langyah dom khiếu nại, tố cáo di rahra di thun 2022. Di mbang ginum biai ini, Ủy ban TVQH jeng hu peih bruk pasang iek dom kadha "Bruk peih ngak dom Sarak di Ủy ban Thường vụ Quốc hội ka bruk rami ramik dom đơn vị hành chính pakat huyện, pakat xã dalam tukvak 2019-2021"… saong brei panuac ka dom bruk praong hu pambuak tal kinh tế - xã hội, piah caga ka mbang nyaom ka 4, Quốc hội mbang 15.

Kapul urang nong Việt Nam pakat negar pambuak bruk song mintri ngak nong song  patagok palei pala, harei ni  peih  nyaom biai urang nong pakat negar  mbang ka  7. Ni lac, tuk piah pataom mek dom panuac di urang nong naih joi dom pakat  ka dom bruk dalam ngak nong, palei pala urak ni, abih di nyu nan lac bruk padang padang ngak nong sinh thái, palei pala bahrau, padang urang nong  naih joi tui jalan di sarak nyaom roya  Đảng pakat negar mbang ka 13 hu batabiak; dom bruk caik tabiak ka gah ngak nong, urang nong, palei pala urak ni 

  Akaok UBND TP.HCM Phan Văn Mãi brei thau, dalam thun 2023, ban raya meda peih dom danak ribaong Xuyên Tâm piah ngak salah danak dak di tuk pahadar 50 thun peih paba gah maraong negar, yasa taneh ia – thun 2025. Danak dak ribaong Xuyên Tâm pambuak bruk ngak pasiam hacih saat alam môi trường pambuak haong bruk ngak pasiam đô thị, padang ngak jalan mbak, mblang main, gam tui di nan jeng pambuak haong danak dak paduan ba sang di ribaong, tani tanat sang daok ka bhap bini, abih di nyu nan lac urang kan kathaot. Kayua yau nan ye, akaok UBND ban caong bhap bini dalam bhum danak dak pachreih tui piah ka ban raya pataom prein tame ngak salah danak dak.

Liên đoàn Lao động tỉnh Tiền Giang bahrau peih bruk jao  20 pok jien bac  ka  20 anek saih hu amaik atau ame lac  urang ngak, metai kayua  Covid-19, yaok pok jien bac lac  1 triệu meteh. Meng tuk rah tabiak jit ruak Covid-19 tal urak ni, Công đoàn dom pakat dalam tỉnh kham merat nao rivang sirah, brei pandap ka urang  đoàn song urang ngak hu rai duik kan kandah. Abih di nyu nan lac, uranaih metui ame, atau amaik lac urang ngak, metai kayua Covid -19 jeng hu dong pandap panda saong pachreih ba ka dom adei nao bac daa

Harei rija Nghinh Ông Thắng Tam, hu UBND TP Vũng Tàu, tỉnh Bà Rịa – Vũng Tàu peih ngak meng harei 11/9 tal harei 13/9. Ini lac harei rija meng kan di urang taong ikan Vũng Tàu hu peih tabiak ngan haong rilo bruk lac lễ saong hội. Tapa rija ini, hu pathau khan, khik ramik, patagok dom yaom glaong ilamo meng kan, dom adat cambat di bruk taong cap ikan di bhap bini saong piah ka urang taong ikan likau hu saron mbon, langik siam hajan lagaih tuk nao tasik, taong mek hu rilo ikan, hadang, raidiuk hu trei sil haniem phul.

Hadei di tuk hu pambuak veik  song jalan điện, Sang mac điện hạt nhân prong abih châu Âu Zaporizhzhia di  Ucraina brei kreih pabah mbang lò phản ứng puac abih dok peih ngak, piah nyaik bruk mbuan si  gaok bala phóng xạ. Makna kreik  điện lac, kayua jalan talei điện song cơ sở hạ tầng karei di sang mac hạt nhân nyu khut kayua njauk suik phao, dui tui bruk gam gam  salih bruk di tuabin song lò phản ứng, meda ba tal dom kan kandah. Sang mac ni, dok ala bruk pasang iek di  Nga meng bilan 3 meng bloh.

Negar Anh daok caga ka danak dak an ninh praong abih dalam sajarah di harei ngak ndam Nữ hoàng Anh Elizabeth II. Urang par akaok dom taneh ia di mangaok dunya kuhria pataom gauk di Tu viện Westminster piah hu mbaok tame bruk praong ini, lac bruk  kan mboh dalam dom piluh thun jaik di ini. Meng urak ini mbiah tal tuk peih tabiak harei ngak ndam ka Nữ hoàng Anh Elizabeth II, yaok harei, yaok ribau cảnh sát meda hu mbaok di ban ine piah khik trật tự di labik hu rilo manuac pataom gauk di langiu Cung điện Buckingham saong mblang main St. James jaik di nan tuk dom urang hu mai brei mboh hatai pandih harao ngan haong nữ hoàng bahrau lahik.

Rajaei  Pakixtan dok jhul patagok dom bruk ngak suai lavik piah pacang  biến đổi khí hậu, dalam tuk hajan ia sua , luac jiak  3 bilan tapa  ngak ka jiak  1 ribau 400 urang metai. Dom labik taneh prong di negar ni  njauk dauh dalam ia sua, ba seik sang danaok  , jalan mbak, jalan pasei, ar pacang, athur rong song njam patam  , song yaok rituh ribau urang  njauk klak sang danaok. Rajaei Pakixtan brei thau, khat lahik kayua hajan ia sua, tui kuhria tagok tal 30 tỷ đôla./.

 Urang lang: Hanipha- Thu Thảo -12/9