Quốc hội mbang XIV hu brei tapa Hukum Quy hoạch

Dah page ini 19/4, di jabat Rajaei, Thủ tướng Rajaei Phạm Minh Chính dang akaok mbang nyaom Rajaei ka bruk peih ngak sarak, hukum ka bruk quy hoạch meng di tuk Hukum Quy hoạch hu ba tame pandar. Di mbang nyaom, Thủ tướng Phạm Minh Chính ndem cambaih lac, bruk quy hoạch hu makna biak praong ngan haong bruk cak rok patagok kinh tế-xã hội, hu Đảng, Kanja caik hatai sangka pato tacei peih ngak di dalam taneh ia. Quốc hội mbang XIV hu brei tapa Hukum Quy hoạch, tabiak bruk padang ngak, brei tapa, pathau khan, rami ramik quy hoạch dalam hệ thống quy hoạch taneh ia, hu ba tame pandar meng harei 1/1/2019.

Piah salam uan harei “Thương hiệu Việt nam” thun 2022, Mintri Công Thương pambuak haong Uỷ ban bhap bini dom tỉnh, ban di trung ương, dom jabat, kapul nyaom saong doanh nghiệp peih Adit Thương hiệu taneh ia Việt nam thun 2022 meng harei ini tal harei 24/4 dalam taneh ia. Thun 2021, yaom Thương hiệu taneh ia Việt nam daok tagok 21,6%dut saong thun 2020, meng 319 tỷ USD tagok 388 tỷ USD, nao cagar veik haong jalan trun di dunya.

Mintri pato magru hu brei tapa harei pakacah tamat THPT thun 2022. Tui nan, mbang pacacah meda hu peih tabiak dalam 2 harei lac harei 7 saong harei 8/7. Bruk pacacah sa mbang atau 2 mbang, tui Mintri pato magru brei thau, daok iek tui bruk jit ruak, Mintri meda hu pathau khan samu piah meda aval ba tabiak pato tacei ka bruk pacacah tamat THPT.

"Njauk thau lac ban Thủ Đức lac pasak pren khang bahrau ka ban raya HCM song abih bhum nan ye njauk ba tabiak jalan ngak, sarak pabak ka bruk nan ”- Akaok UBND ban raya Phan Văn Mãi batabiak panuac ni  di mbang nyaom mBan Chấp hành Đảng bộ ban Thủ Đức mbang ka 7 meng bloh .Dalam bilan 4, ban Thủ Đức meda ngak salah dự thảo cơ chế, sarak karei piah pok tagok UBND ban raya HCM song ba tagok Trung ương. Ini hu maong lac sarak peih tabiak jalan piah jhul patagok ban gah timun TP HCM.

Piah ngak brei pambak praong bruk pacang caga halak akaok jhuk palai kaik li-u, bier harei 18-4, UBND huyện Châu Thành pambuak haong dom jabat chuyên môn di tỉnh Bến Tre ba tabiak bruk pacang caga halak akaok jhuk ngak khut bein li-u. Bến Tre lac labik hu bein pala phun li-u praong abih dalam taneh ia, ngan haong labaih 77.200 ha, dalam bilan paik hu labaih 63 triệu baoh. Ini lac janih phun pala praong kayua hu pambuak tal raidiuk di rilo rahra dalam tỉnh Bến Tre. Jaik di ini, bein li-u tỉnh Bến Tre njauk halak akaok jhuk palai kaik, ngak khat lahik biak trak. Karja, gah chuyên môn saong po bein daok kham merat pacang janih halak ini min siam lagaih oh ka hu hadom.

Tui hãng tin TASS di Nga, Thiếu tướng Igor Konashenkov, urang brei panuac di mintri Quốc phòng Nga, gah không quân tác chiến-chiến thuật di gah không quân-vũ trụ Nga hu peih bruk tong tame 84 labik quân sự di Ukraine. Dalam tuk nan, tui hãng tin Tân Hoa xã, Tổng thống Ukraine Volodymyr Zelensky harei 18/4/2022 brei thau dom gah di Nga daok peih bruk quân sự di bhum Donbas, gah pai taneh ia ni , saong brei thau lac Kiev eng drei pacang caga.

Tổng thống Nam Phi Cyril Ramaphosa harei kabroi hu tabiak bruk bala praong dalam taneh ia kayua ia sua di rilo labik praong saong tabiak panuac daong samar drah ka KwaZulu-Natal saong Eastern Cape, 2 tỉnh bahrau njauk ia sua palai pajoa biak trak damak. Takik di nyu 443 urang metai dalam mbang ia dauk ia sua saong labaih 60 urang lahik. Jaik 4.000 baoh sang khut tayah di tỉnh KwaZulu-Natal saong labaih 40.000 urang njauk paduan tabiak labik karei kayua ia dauk ia sua. Ia sua jeng ngak khut tayah dom jalan radaih, tatua, jalan pabak ia pandar saong điện.

Myanmar hu peih veik mblang kapan haoh dunya Yangon, labaih 2 hadei di tuk taneh ia Đông Nam Á ni, padeih tong abih dom mbang par nao mai kayua jit prong COVID-19. Tui hukum pacang caga jit COVID-19, yaok tuai tal Myanmar brei hu harak brei thau lac hu klauk bloh jru pacang COVID-19 ngan song sa dalam dom janih vaccine hu mintri Y tế negar ni brei adat pandar gam song harak dut iek mboh lac PCR âm tính. Yaom tuai negar langiu jeng brei hu harak bảo hiểm y tế COVID-19 blei meng Bảo hiểm Myanmar./.

Urang lang: Thu Thao – Hani Pha – 19/04