Tổng Bí thư Nguyễn Phú Trọng par akaok mbang nyaom biai

Dah page ini (3/10), di Jabat Trung ương Đảng, Nyaom biai mbang ka 6 mBan chấp hành Trung ương Đảng mbang 13 hu peih tabiak mela bruk par akaok di Tổng Bí thư Nguyễn Phú Trọng. Nyaom biai mbang ini meda brei panuac ka dom pathau khan, dom danak dak pambuak tal dom bruk praong saong hu makna praong, lac: bruk kinh tế - xã hội, gilang paraik kanja thun ini, kuhria dahlau jalan cak rok patagok kinh tế - xã hội, kuhria dahlau kadung jien kanja thun 2023 saong jalan ngak ka bruk jien padai – kadung jien karja 3 thun 2023 - 2025. Ba tabiak jalan Quy hoạch taong abih gah di dalam taneh ia tukvak 2021 - 2030, pamaong tal thun 2050. Patui jalan jhul khang bruk công nghiệp hoá, hiện đại hoá taneh ia tal thun 2030, pamaong tal thun 2045. Patui jalan dak padang saong pasiam Kanja pháp quyền xã hội chủ nghĩa Việt Nam dalam tukvak bahrau. Pataom iek veik 15 thun peih ngak Sarak Trung ương 5 mbang X ka bruk patui bruk salih baharu jalan par akaok di Đảng ngan haong dom bruk di hệ thống chính trị saong dom bruk praong karei karei. Nyaom biai tamat di harei 9/10 anak tal.

Mintri jalan mbak pajeng ba bahrau pok tagok Thủ tướng rajaei pathau khan roh duah meda ngak hu danak dak buh jien tabiak padang ngak jalan Hồ Chí Minh labik Rạch Sỏi - Bến Nhất, Gò Quao - Vĩnh Thuận tapa 2 tỉnh Kiên Giang - Bạc Liêu. Danak dak hu 2 binah, tong abih tih atah jiak 52 km (labik tapa tỉnh Kiên Giang atah labaih 45 km; labik tapa tỉnh Bạc Liêu atah labaih 6,6 km). Tong abih tih phun jien buh tabiak labaih 3.900 tỷ đồng meng kadung jien sarak karja . Danak dak ni ngak salah bloh, piah rik dong pambuak pagam jalan Hồ Chí Minh tui sarak hu Quốc hội brei tapa

Học viện Bangsa (Ủy Ban Bangsa) pambuak haong mban bangsa tỉnh Sóc Trăng bahrau peih tal bac pasram paglaong ilamo bangsa ka urang jakar, công chức, viên chức daok ngak bruk di bhum bhap bini bangsa takik dalam tỉnh Sóc Trăng. Tal pasram ini, piah pabak ka urang jakar dom ilamo ka sarak, jalan ngak, sarak di Đảng saong Kanja ka bruk ngak bangsa, danak dak bruk ngak negar ka cak rok patagok kinh tế - xã hội bhum bangsa takik dalam tukvak 2021-2025; bruk quốc phòng an ninh di bhum bangsa takik. Meng nan, urang jakar daok ngak bruk di bhum bangsa pandar tame bruk ngak, ngak siam dom bruk hu jao brei. 

Meng hatai khin tuk halei jeng nao gam song urang tong ikan, Bộ Tư lệnh bhum Cảnh sát tasik 3 bahrau jao yaok ribau hala doh taneh ia ka dom urang tong ikan di tỉnh Bến Tre, dalam danak "Cảnh sát tasik nao gam song urang ting ikan ". Hu gah Cảnh sát tasik tabiak tapak kapan gaiy jao dom hala doh taneh ia prong glong brei ka dom urang tong ikan biak chreih hatai salih jip hala doh bahrau mangaok kapan gaiy ikan. Rilo urang tong ikan brei thau: "Mboh hala doh yau mboh taneh ia, ngak ka adei saai khang hatai tabiak tasik, khik caga chủ quyền gireih di taneh ia ”.

Sở Y tế TP.HCM brei thau lac ban raya hu urang medil lac njauk ruak đậu mùa khỉ camreip di Việt Nam tapa pasang iek jit ruak. Urak ini dom khau tin ka urang njauk ruak hu pathau khan tagok Mintri Y tế. Sở Y tế TP.HCM daok pambuak haong dom gah pambuak tal, paglaong bruk pasang iek piah duah mboh aval dom urang njauk ruak, pacang cakak bruk njom mbak. Dahlau di nan, meng di tuk ruak đậu mùa khỉ hu brei thau lac ruak njom mbak di rahra samar drah, Sở Y tế TP.HCM hu samar drah peih dom jalan pasang iek ruak đậu mùa khỉ dalam tukvak ka oh hu urang ruak.

Dalam kadha baabiak di tuk pahadar “Harei Dunya oh tong paok” 2/10, Tổng thư ký Liên hợp quốc hu panuac ieu sron mbon, iek prong gauk. Piah ngak hu yau nan, Tổng thư ký Liên hợp quốc hu panuac ieu dunya dong dom taneh ia dok patagok padang ngak cơ sở hạ tầng hu prein pacang song khik caga rahra anak bruk biến đổi khí hậu, khik ramik dom quyền song phẩm giá di tong abih menuac sia, peih ngak bruk cambaih laih piah ba drei tame song thau lac hu rilo xã hội, ilamu, rilo agama song bangsa yau sa jalan ngak siam, oh lac sa bruk đe dọa.

Mbang nyaom pakat glaong di abih oh chính thức di EU jaik hu peih tabiak di Praha, Séc. Tui kuhria, dom urang par akaok di 27 taneh ia Liên minh Châu Âu meda ginum biai ka bruk patui jalan daong kinh te, quân sự, chính trị saong jien padai ka Ukraine dalam tukvak njauk ngak saong bruk khik caga jalan ba năng lượng hu makna praong hadei di bruk palai pajoa jalan nding ba khí jalan nduac Phương Bắc 1 saong 2, di nyaom biai pakat glaong abih di mbang ini.

Rajaei Liby duah mboh 42 menuac metai ka oh thau cambaih angan dalam 1 lubang dar haong gauk di ban Sirte. Dom mẫu ADN hu pataom mek piah langyah song bruk pambuak gauk haong jabat pháp y. Dahlau deih, urang jakar Liby jeng duah mboh rilo lubang dar rilo menuac di Sirte. Ban jiak tapen tasik Sirte di gah kreh negar Liby lac labik di kol IS meng thun 2015-2016, hadei di tuk taneh ia Bắc Phi ni, laik tame bruk srau kadau meng di tuk urang pal akaok Muammar Gaddafi jaleih rai song njauk pametai di thun 2011./.

Urang lang: Hani Pha & Thu Thao – 03/10